Khoiyum Laairemba PISAATAAO

Laainingthou Salaailel Sidaba-na laaiyaam masing thingamdana puthoklaba matung-da laaigi matik mayaai khangningduna chaangyeng toukhi. NUMITsu mangaal pikhi, THAAsu thaabal pikhi. Asumna atei laai kayaasu makhoi makhoigi matik adu utnakhi. Chaangyeng aduda Khoiyum PISAATAAO na utkhibasing adu laaiyaam-singna angakpa oinakhi. Khoiyum PISAATAAOna utkhiba adudi-

leiramdaba kayaa leihallakpa asini, khudam oina, ihaang haangna leiramba laaigi leipaak laaireipaak aduda Sanaa-gi yumbi yungba ningthiraba Laaiyumthen kayaa thenduna leihankhiba asini.

masi khibik ubada Laainingthou Sidaba-na pelladuna Khoiyum athoiba PISAATAAO asida thoujaanbiraga  anemba maalem taaibangpaan-da kumduna semgat saagatlunabagi yaathang taaothabikhi. Asomdasu maalem taaibangpaanda leiba laaiyaamsingna Laainingthou Sanaamahi-da haaijaduna Khoiyum PISAATAAO asibu maalem-da laakhanbinaba haaijei. Laainingthou Sidabagi yaathang ngaaknaba amasung Laainingthou Sanaamahigi aningba pumba thunghanaba Khoiyum asina maalemda khongdaabirakkhi.

Khoiyum PISAATAAO masaanadi masaagi thoudaang asi maalem-da leiriba laaiyaamsinggi thouchat thoudaada mateng paangbani aduga mahaak masaamakna kum amagi LAANGBAN THAAda maalemda kumlakkani haaina laaiyaamsingda fongdokpikhi.

Khoiyum athoiba asina laaireipaakta Laainingthou Sidabagi thouganda leigani aduga Laangban thaa-da maalem-da kumthabiraktuna Laainingthou Sanaamahi-gi aningba pumba thunghallaragani. Khoiyum asina maalem-da kumlakpa matamda heikat-leikat tamduna iraat thounijarabadi mahaakki athoiba thoujaal (masaa-masaana paangjaba thouram-thoudaa-da maai paakchaba) adu fangjagani.

KHOIYUM LAAI asi Meidingu SAMEIRAANG (518-568) na KANGLAA da SANAA KONUNG saanaba urep uyung tamngei-da ahaanba oina maaichousingga taanaduna iraat-thouni paangthokkhi haaiba waarisu leiri. (henna kupna khangbinabagidamak Iraabot Ningthoujaa-na iba PISAATAAO THOUNIROL THOURAM kouba laairik-tu paabiyu)

masi Hindu-gi matou tamba nattabida maannaruba oirambasu yaai.