লৌউ-শীংউগী পোত্থোক হেনগতহনবদা ৱাখল্লোন খরা

লৈবাক অমা পানগে হায়রবদি লৌউ-শীংউগী তঙাইফদবা কয়া য়াম্না লৈবগে হায়রবদা হকচাং পাল্লিবা পুন্সী অসিনা হিংনবগীদমক চীঞ্জাক্কী মরু ওইবা অসিগা চাংদম্নবা য়াই৷ মণিপুরগী জননেতা হিজম ইরাবোতনা লৌউ-শীংউ চাওখতপগী তঙাই ফদবদু খঙলদুনা শক্লম্লিবনি-

থাঙ্গোল অদু ময়া থাংউ থৌনা

হে লৌ-উবা

থাঙ্গোল অদু ময়া থাংউ থৌনা

মণিপুরনা লৌউ-শীংউগী পোত্থোক্তা মপূং ওইনা ফৌ (চেঙ) অসিনা মপূং ওইনা পুথোক্লি৷ মরু-মরাং, হঙ্গাম-থাউ, চু, লশিংসু পুথোকপা উই৷ মণিপুর সরকারনা ঊতলিবা রাজ্য অসিগী লৌউ-শীংউগী পোত্থোক অদু মখাগী অসিনি-

Cereal Crops in Manipur

Paddy, Maize

Non- Cereal Crops in Manipur

1. Pea 2. Bean 3. Soyabean 4. Other Pulses 5. Cotton 6. Jute 7. Rubber 8. Seasamum 9. Rape & Mustard 10. Ground-nut 11. Potato 12. Arum 13. Cabbage 14. Cauliflower 15. Onion 16. Vegetable 17. Pineapple 18. Orange 19. Lemon 20. Banana 21. Papaya 22. Other fruits 23. Chillies 24. Ginger 25. Turmeric 26. Other Spices 27. Tobacco 28. Sugarcane 29. Tea 30. Tapioca 31. Sweet Potato অসিখক্তমক থম্মি৷ অকূপ্পা মরোলগীদমক-

STATISTICAL ABSTRACT MANIPUR, 2007

DIRECTORATE OF ECONOMICS & STATISTICS, GOVERNMENT OF MANIPUR

লামায় অপূনবা ৩৪৬কী ১৫৮-১৭৫ য়েংবিয়ু

অপদেত তৌবিদবগী প্রোব্লেম অসি মফম অসিদসু লৈ৷ মপূমদা য়েংবদা, মণিপুর সরকারনা লৌউ-শীংউদা পূক্নীং চঙলিবা চাং অসি থোইদোক্না থাগতনীংঙাই ওই হায়না লৌবা য়াদ্রি৷ মশঙ অমসুং লোয়শঙ অসিগী মতাংদা অকূপ্পা মরোল ফংননবগীদমক ৱেবসাইদসু হাংদ্রি৷ কনাগুম্বনা খঙনীংদুনা চঙবীরবদি-

Government of Manipur Web Directory

State Governments

List Departments and its websites কী অনীশুবদা 2 Agriculture লৈ৷ মদুদা চঙবিরগা য়েংবিয়ু, থেংনবিগনি-

This Web Site is Under Construction

and

shall be made available soon.

webmaster@www.nic.in

মণিপুরদা লৌউ শীংউগা মরী লৈনবা তাইবং মহৈকোল (ইরোইশেনবদা লৈরিবা সেন্ত্রেল এগ্রিকলচরেল য়ুনিভর্সিতি) অমা লৈ৷ মহৈকোল অসিদা তম্বা মহৈরোয়শিংবু ‘হাফু-হরাং তম্বা’ হায়না খঙনরিবা মণিপুরনা লৌউ-শীংউদা চাওখতকদবসি কদায় ফাওবনো? মণিপুরদা লৌমীগী শিনফম অসি চাউথোকচনীংঙাই ওইবা থাক ফাওবদা থাঙ্গতলকপা অমা চঙলি৷ লৌমীশিংনা ঐহাক লৌমীনি হায়না শকতাকচবদা লেমজবা ফাওবা ফীবম ফাওবদা পুখতলকপা চঙলি৷ তাইবং মহৈকোল অসিদা কোলেজ কয়ামরোমসু লৈরি৷ মখোয় অদুদি-

CAU Colleges

• College of Veterinary Sciences & Animal Husbandry
• College of Fisheries
• College of Horticulture and Forestry
• College of Home Science
• Agricultural Engineering & Post-Harvest Technology
• The College of Post-Graduate Studies

শূপ্নখক্তগী দিগ্রি ফংনবা অমসুং তোলোব চাগদবা থবক অমা ফংনবা তম্বা মহৈকোল ওইরবদি অরেম্বনি৷ মহৈকোল অসিনা মণিপুরগী লৌউ-শীংউ চাওখতহনবদা কদায় ফাওবা মতেং পাংবা ঙম্লবগে হায়বগী এসেসমেন্ট তৌবা ওইনা নুমিত তরানীগী ৱার্কসোপ অমা শীনবিবা য়াই৷ ওইরিবা ফীবম, ওইহনবা অমসুং ওইথোকপা য়াবা থৌরাংশিং মণিপুর সরকারগী লোয়শঙগা পূন্না খন্নমিন্নবা চঙই৷

মণিপুর সরকারনা মণিপুরগীদমক তৌগদবা অহানবা মরু ওইবা তরাগী মনুংদা লৌউ-শীংউ অসিসু অমনি৷ লৌউ-শীংউগী পোত্থোক মরাং কায়না পুথোকপা ঙম্লিবমখৈ লৈবাক অদুগী চাওখতপা, মরা তাবা, হরাও তয়াম্বা পুন্সি মরেল অমা পুরকপা ঙমগদৌরিবনি৷ মরম অদুনা, মণিপুরগী লৌউ-শীংউগী পোত্থোক হেন্না মরাং কায়হন্নবগীদমক লৌমীশিংনা মশাবু লৌমীনি হায়না শক্তাকচবদা চাউথোকপা ঙমজনবগীদমক অমসুং শিনফম অসিবু হেন্না মমল লৈহন্দুনা পোত্থোক-চাথোক হেনগতহন্নবগীদমক মখাগী হীরম অহূমসিদা সরকারনা মীতয়েং চঙবীবা য়াই-

১. রাজ্য মনুংগী থৌরাং ওইনা – 

(ক) ইরোইশেনবদা লৈরিবা সেন্ত্রেল এগ্রিকলচরেল য়ুনিভর্সিতি অসিগা সরকারগী ময়ায় লোয়শঙ অমসুং দিষ্ট্রিকশিংদা লৈবা মশা লোয়শঙশিংগা খূতশম্নরগা থা অমগী, থা অনীগী, থা অহুমগী, থা তরুক্কী ওইবা অতেনবা কোর্সশিং লেম্না নত্ত্রগা শেল লৌদুনা লৌমীশিংদা ফংহনবা য়াই৷ 
লৌমী মশীং – তম্নীংবা মখৈ 

(খ) খ্বাইদগী শীংথানবা য়ানা পোত্থোক পুথোকপা লৌমীশিংবু তোঙান-তোঙানবা মনা-মথুম কয়ামরোম থম্বিদুনা চহী খূদিংগী পীবিবা চঙই৷ মনাগী শেনফম অদু পীগদৌরিবা মনা অদুগী ফীবম য়েংলগা অহানবা চহী খরগী ওইনা লুপা ২৫,০০০ দগী লুপা ১,০০,০০০ ফাওবগী ওইহনবিবা য়াই৷

(গ) হীরম অমদা মশানা হৌগতচরবা লৌমী অমদা সরকারনা অপীকপা শেন্োই নত্ত্রগা সবসিদি পীবা মখলগী লোন ওইনা শেন্থং পীবিদূনা মখোয়গী থবক অদু হেন্না চাওখতবনবদা মতেং পাংবিবা য়াই। অহানবা শেনফম শিংদোকপা ঙম্লবসিংদা হেন্না চাউবা শেন্থং থাদবিবগী পোলিসি অমসু লৈফম থোকই। মনিপুর সরকারগী ওইবা এগ্রি পোলিসি অমসু লৌমীশিংগী স্বার্থদা শেম্বীবা চুম্মী হায়না খল্লি।

২. রাজ্যগী মপানগী থৌরাং ওইনা – 

লৌউ-শীংউগী লমদা চাওখতলবা ভারতকী রাজ্যশিংদা খনগতলবা লৌমী ১০০ (চাম)বু পূক্নীং-লৌশিং তানশিনজনবা চহী খূদিংগী থাবিবা৷ থৌরাং অসিগীদমক সরকারনা লৌমী অমমমদা অকক্নবা শেনফম (লুপা ২৫,০০০দগী তাদনা অমসুং ৫০,০০০ ফাওবদা লেপ্পিরগা) ষ্পোন্সর তৌবিবা য়াই৷ নুমিত মশীংদি লৌমী মশানা লেপচবা য়াই, নত্ত্রগা ত্রেনিংগুম্বা য়াওহনবা ওইরগনা নুমিত মশীং অদুনা লেপচবা তাই৷ থুংলুগদবা ইনষ্টিট্যুট নত্ত্রগা লোয়শঙ নত্ত্রগা রাজ্য নত্ত্রগা ফার্মশিংদি সরকারনা লেপ্পীবা ওইবা য়াই৷ খূদম ওইনা- ভারতকী রাজ্য তরেতকা থৌরাং অসিগী মতাংদা খূতশম্নবিরে হায়রবদি হীরমশিংদুগী রাজ্য অদুগা খঙহনবিরগা লৌমী মশানা খনজদুনা চতচবা য়াই৷

৩. মপান লৈবাক্কী থৌরাং ওইনা – ভারতকী ৱাংমদা মণিপুরগী খনগতলবা লৌমী ১০ চহী খূদিংগী ষ্পোন্সর তৌদুনা থাবীগদবনি৷ মপান লৈবাক্তা চতনবগীদমক্তি মণিপুরদা লৌমী ওইনা মশাগী কেরিয়র শেমজরবা, শীংথানরবা মীওইশিংবু থাবিগদবনি৷ সরকারনা মীওই অমদা লুপা ২,০০,০০০ দগী তাদনা মতেং পাংবিগদবনি৷ অহেনবা শেনফমদি মশানা পুথোকচবা য়াই৷ (থৌরাং অহুম অসী মণিপুরগী চাওখত থৌরাংদা মতেং ওইগদবা অতৈ-অতৈ শিনফমশিংদা লৈবা শিন্মীশিংদসু পানশিনবা য়াই৷)

মণিপুরদা লৌউ-শীংউগী অঙম্বা (মাইনর ইরিগেসন অমসুং সোসিয়েল ৱেলফ্যেরগীসু য়াওনা) ওইনা নামৈরাকপম লোকেন সিংহ লৈবিরে৷ চাওখত থৌরাং অমসুং মরা তাবা মণিপুর অমা শেম্বদা থৱায় য়াওবা ঈকাই খুম্নজরবা অঙম্বা মকোক (চিফ মিনিষ্টর) ওক্রম ইবোবি সিংহসু লৈবিরি৷ মণিপুরদা লৌউ-শীংউবগী থবকসি ইন্দষ্ট্রিগী থাক্তা পুখতপা ঙম্নবা হোতনবগী মতম ওইরে৷ 

অতোপ্পা মরু ওইবা ৱাফম অমনা, মণিপুর সরকারগী বজেটতা লুপা লাক্ষকী খূজিংদা হিসাব তৌবসী তোক্লসি, মসিনা ঐখোয় চাওখতপা ঙমদ্রবগুম খল্লে৷ হিসাব খূদিংমক ক্রোরগী খূজিংদা হোতপগী মতম ওইরে, মদুসু মশঙ নত্ত্রগা লোয়শঙ অমগী হিসাব হোতপদা ক্রোর ১০০দগী তারবদি অঙাংগী অঙ্ক ওইনা লৌবনা ফরগনি৷ 

মসিদা এনজিওশিংগী থৌদাংসু য়াম্না চাউনা লৈফম থোকই। সরকার অমসুং এন জি ও অনীমক্না কৈথেলগী লম্বী শমজিন্নবা হোতনবরোমদসু মীতয়েং থম্বগী তঙাইফদবা লৈ।

লৌমীবু ঈকাই খুম্নরবদি মণিপুরনা মাঙদা কারগদবনি৷ লৌমীনা মশাবু লৌমীনি হায়দুনা চাউথোকচরিবমখৈ মণিপুরগী য়াইফবনি৷ লৌমীনা চৈথেং ফংলিবমখৈ মণিপুরনা চৈনা ফংগদবতনি৷ থৌরাং নত্ত্রগা থৌৱোং অমা চুমদ্রিবমখৈদি অরেম্বনি৷