MEETEI-da tillaba furup machaa-singsing

Angom, Khaaba, Ngaanba, Khumukcham-nachingbasingsi Meidingu Nongdaa Laairen Paakhangba-gi matamda MEETEI-da tinkhibani.

Mangaang kaangbu asina Meidingu Naaothingkhong-gi matamda tillabani.

Chenglei asina Meidingu Naaokhamba-gi matamdagi tillabani.

Khuman amasung Heirem Khunjaan-nachingba asina Meidingngu Thawaanthaabagi matamda Meetei-da tillabani.

Moiraang, Metu amasung Tonsaang-nachingbasi Meidingu Chingthangkhomba-gi matamda tillakhibani.

Chakpa-di thangba achouba furup aduda napsinduna hingbagi heinabi leibadagi MEETEI-da matamgi matung inna oikhibani. ningthou kanaagi matamdano haaiba akanaba haaiba ngamde matou adugumna Saraangthem, Leisaangthem kaangbu asisu Meetei ningthouga louna-leinabagi maridagi naksillaktuna amatta oikhibani.

masigi mathakta Meidingu Thawaanthaabagi matam (1195 – 1231) dagi houna changsillakkhiba NONGCHUP HAARAM amasung NONGPOK HAARAM gi meeyoisingna semgatkhibani

MEETEI NATION sembada yaaokhiba furup kaanglup machaa-sing khara makhaada thamjari
1. Khaaba
2. Angom
2. Luwaang
4. Khuman
5. Ngaanba
6. Moiraang
7. Ningol Laaiton
8. Faantok
9. Metu
10. Tonsaang
11. Khumukcham
12. Chenglei
13. Mangaang
14. Konthoujam
15. Loktongbam
16. Saraangthem
17. Leisaangthem
18. Mungyaangjam
19. Luwongjam
20. Heirem Khunjaan
21. Khuyonthem
22. Waakongthem
23. Chakpa.
24. Heirem Khunjaan

Moirang lalhanba gi wari-da eigi waahang khara

Meghajit Thoudam

wari ebirak pa
#Khongnangthaba Ningthemcha

"Moirang lalhanba gi puwari......."
kangleipung leimayol dagi poirei
atambada santhong pangna leiba moirang kouba pankoinungda,maichou
lalhanba hiyangei thagi thabal 30 ni yumsakeisa korouda taibang mikap
thokhi. Mabu pokpa panthou gi koloidi moirangthem moba aduga palem
gina ha-ngarei haina mingounei, taloi gi koloina memicha haina
mingounei. Mahak chingu thangjing gi yaibirel na taibang mioipok ta lang-
onduna taibanglen da khongdarakhi. Chingu lai mayambu koina lengna
palli haibagi chingu thangjingbu" ebudhou thangjing koirenglai" haiba
dagi asum theitharaktuna "koirellai" asumna khangnakhi. Asigumba
chingu lalhanba su - sha laan da, khutsu khutlai da, mukna kangjei da
amabu oirabasu amabu oirabasu lal(lam) khudingda hanna heijadunata
lakle, param asidagi lalhanba haina koloikhibane. Mahak asi chingu gi
param erat thounirol kayadasu heithoi singthoi ba oi asina pari nawa
oiringei dagi kangla enungda thourei thouda pangduna leirakhiye asumna
kangla gi thouda puduna leiringei chingu khongleithabaga mahei tanakhi
(mahei tanabagi wari adudi chingu khongnangthaba gi matangda
panjakhibana sidadi panjadre). Khongleithaba na mangonda gi mahei
hellabanina yambung haina mingoukhi. Mahak asi ningthou gi amaiba
oibanina kangla da adum leirakhi. Ningthou pamheiba sana haktakta
meeram gi pandit santidash kangleipak ta amuk changlakhi. Haktaksida
ningthou gi thou-ongdi leipak asida ramandi dharma sandoktuna kanglei
enat ki erat thounigi oiba chatnarol pumnamak maru fukna muthatpani.
Santidash na kangla enung yousillakpada ahanba shathengnaba maichou
di lalhanba oikhi. Kangleicha singi elhoungei dagi leijarakpa pari puri
amadi laining laison nachingba param kayada mahakna santidash ka
ningai sangdannarakhi adubu pamheiba na santidash ki chirol enduna
ramandi dharm da pukning lupkhibana lalhanba gi yawa singdu thoudu da
eshing chaiba gumkhi. Mahakna ramandi dharm mada asuk
hakchinkhribasi meeyancha gi ee yansinkhiba gi param leibanani.
Ningthou na mahakta natana kangleicha singbu huptuna ramandi dharm
da laiming louhanduna enatki laining laison hongdoknaba namduna
thourei thouda kaya pangba hourakle . Lalhanba busu laining asigi parei
ennanaba thou-ong kaya nansillakhi adubu chingu lai gi lang-ollaba
lalhanba na enat ki thourei thouda kannaba thawai khubak ta haptuna
mating utkhi param asidagi lalhanba ningthou yeknaba oina thokhre.
Meetei gi erat thouram laining laison gi thounirol kayasi manghan naba
haiduna meetei gi puwari puya sing chingu lai na lengba lai gi lik-kumba
lairik singbu khambi changduna maru fangna manghannaba kaya tourakle.
Santidash na hairake meetei ningthou pamheiba, ningthou na raman di
dharm mada laiming lourabani na nahakna hannagi meetei gi erat
thounirol gi mayeksing asi manghandra badi leipak miyam hupna raman
di asibu chat-hanba asi oithoklaroi aduna meetei nakhoi gi hanna gi
leiramliba puya pumba nahaki yathangna khomgatnaba thourang puya
sing asi khambi mei changduna mayeksing manghansi asum tourabadi
meetei leipak meyam pumbana ramandi dharm changlagani haina paima
wakhal khankhi. Santidash ki chirol tung inna ningthou na puya kaya
khomgat tuna khambi mei changkhi aduga ningthou na pange khallakpa
thouramda lalhanba na apanba oire khanbadagi mahakpu fasi piduna
angang olhankhinabagi yathang pikhi ningthou gi yathang tung inna manai
masaal singna lalhanba fasi tounanaba thourang toukhre. Lalhanba su
meeyancha gi laining param ingadabagi sarukpudi fasi sagai kabaduna
henna haraona yakhi asumna fasi thourang loirabada khanghoudana
chingu khongleithaba faoraktuna ningthoubu khambi meirina koisinduna
thamkhi asumna ningthouna lalhanba bu angang olhanba ngamkhide.
Asumna awaba kaya sathengnaduna matam kaya hinglamlaba matung
shathup lamdai matam yourabada maichou 7 mak punna waroiching da
unakhi . Mahak enga gi 30 ni noimaiching korou da leihao pambi oina
lang-onduna shathup khi pamel asina leirang amatang leisat tamlaklaba
amadi pamel gi akangba usha da anouba yenning hullaklaba wanglen da
nouna lang-on touduna taibanglen da khongdaraklaba ni khango.... hayum
sidaba mapu

eigi waahang-

ibirakpa mee-duda makhaagi waahang-singsi amukta hangbiyu Meghajit Thoudam

1. 'maichou lalhanba hiyangei thagi thabal 30 ni yumsakeisa korouda taibang mikap thokhi' haairibasi karamba chahidano?

2. ' lal(lam) khudingda hanna heijadunata lakle, param asidagi lalhanba haina koloikhibane' adu oirabadi Lalhanba koudringeida kari kourambage?

3. pari puri amadi laining laison nachingba param kayada mahakna santidash ka ningai sangdannarakhi' haaiba mataangsida ing 1735, Lamdaa 13, Iraai numit-ta Guru Saanta Daas-ka Moiraang Lalhaanba-ga Sikhong Ningen-gi anouba thumkhong touba chatminnarubaduna karamna toubano?

4. 'Lalhanba su meeyancha gi laining param ingadabagi sarukpudi fasi sagai kabaduna henna haraona yakhi' haaiba mataangsida ing 1745  Ingen 10, Sagolsen da Paamheiba-gi majaa ibungo Ngoubraam Saai-ga Moiraang Lalhaanba Katwaan-gi masunupi-ga luhong-khongdongngibasi makhoi masen yeknabagira? masigi mathakta 1748  Ingaa 1, Leibaakpokpa da Moiraang Lalhaanba Katwaan-na Ningthem (Paamheiba)-gi sanggaai ama Raamnagar-da saabi haairibasi makhoi masel yaandabagi khudamla?

5. 'shathup lamdai matam yourabada maichou 7 mak punna waroiching da unakhi' haaibasida yaaoriba maaichou 7 asi kanaa-kanaano?

6.a. 'Mahak enga gi 30 ni noimaiching korou da leihao pambi oina lang-onduna shathup khi' haaiba mataang asidana karamba chahida thupkhibano?

6.b. 'Mahak enga gi 30 ni noimaiching korou da leihao pambi oina lang-onduna shathup khi' haaiba mataang asidana ing 1751 Poinu 26, Yumsakeisa da Tolen Tomba-gi kaangbu-ga mapaa ibungo Paamheiba-gi kaangbu-ga Tonfaang Hiden-da thengnare. Thengnaba asida khut thoknarakpadagi laan-gi thouraang yaaodaba Paamheiba masaa yaaona mahaakki machaa-manaai oiba khongloising masing yaamna Tolen Tomba-gi kaangbu-na haatkhi. Sikharabasing adudi-

Ningthourel Paamheiba, majaa ibungo kokhan-laaihan Syam Saai Khuraailaakpa (Araambam Chanu Linthoingambi-na pokpa, masaa-gi chahi 13 ta ngaairiba), Kisor Saai (Moiraangthem chanu Kunjaraani-na pokpa), Moiraang Lalhaanba Katwaan, manaao Feidaa Hanjaba, manaao Sellungba, Baamon Waari liba Hanjaba mapaa-machaa, Brahmaraam, Krishna, lamboiba Loka Daas, Angom Chandramani, Naoroibam Sellungba, Ningthoukhongjam Kaamdev, Ningombam Syamraam, Waangkhei Maaimu Feidaa Hanjaba, Takhel Lambu Laairen Tumba-nachingbani.

masigi siba asida MOIRAANG LALHAANBA yaaorammibasina karamaaina tourino?

Puwaari-da Meidingu CHARAAIRONGBA amasung KHONGNAANG HOGAAIBI

POKNAFAM paaoche, April 22, 2014 da fonglakpa paao

Meidingu CHARAAIRONGBA

Meidingu Paaikhomba (1666-1697) na thupkhraba matungda manaao ibungo Tonsen Ngamba-na Ngaangbam Chanu Ngaaikhong Ngambi paannaduna 1673 Ingaa-gi 5 ni paanba Thaangja numit-ta pokkhiba Charaairongba-bu ing 1697, Lamtaa-gi 10 ni paanba Iraai numit-ta Meetei leibaak-ki ningthou oina haapkhi.

Charaairongba-na masaa-gi chahi 16 surakpada mapaabung Tonsen Ngamba leikhidabana (1681 da leikhidaba) mapaabung-gi mahut sinna famnaairaga leibaak-ki thougal tourak-i. mahaak-na famnaaiba chahi (1689) adumaktada loinabi Heiraam Chanu leikhide. Matam aduda, mamhaan leimarembi Ponglenkhombi-gi manaainubi amana pokchabi chenglou sakkoi lam youna fajabi Saapam/Saatpam ningol Nungthil Chaaibi koubi ama leimakon-da toina laakpa thengnaduna amaga-amaga sakkhangnakhi. Thamoi-thamoi pinabadagi nungsi heiru taakhiduna heiraang mami tamkhrabada khaaidoknaba yaadraduna leibaak-ki akhang-ahei, angam-athou mayaam taanaraga Khayoiron Saapam Chanu Nungthil Chaaibi-ga Charaairongba-ga nungsi waaithungnahankhi.

Meidingu Paaikhomba-gi tungda mapuroiba-na ningthou oigadaba adu khanglabi Chaaibi-na khutkan paangganba, mathounaa maringjel leiba mapaari amatang fangjanaba laaining parei chetna Laainingthou Sanaamahi-bu thaagonnaduna thounijakhi. Laainingthou-gi thoujaal matung inna ing 1690 gi Poinu 22 ni paanba Thaangja numit-ta mapaari ama mamit-ta uba fangjakhi. Makhaada manaao ateisu taanaba waakhal-da angaang adugi ming-bu MAYAAMBA haaina mingthonkhi. Laainingthou-gi thoujaandagi konungda ningthou oirakkadaba Charaairongba-gi mapaari ama fangbada ngamkhei leitana haraaonakhi.

Asumna haraao-tayaamna paanminnarakpana chahi mangaa matung, ing 1695 Hiyaanggei Thaanin, Nongmaaijing numit-ta Chaaibi-na Charaairongba-gi anisuba mapaari Loiyamba pokkhi. Adubu nongdamba-gi nongdamkhol thibana majaa ibungo Loiyamba-na thaa 6 tang faarakpa matamda mamaa ibema Leimaren Saatpam Chanu Nungthil Chaaibi taaibang thaakhi.

Meidingu Charaairongba-na fambaal kaadringeida Chaaibi leikhidabani. Fambaal kaaraba matungda Hijam Nongthonbam Chanu Senggoirembi amasung Thaangjam Chanu Thabangambi paannaduna Hijam Chanu-da Khampaamba (Kongyaamba, Akoijam taaba) amasung Thaangjam chanu-da Khamlaang Pamsaaba Waangkheiraakpa amasung Mungyaamba Khuraairaakpa pokkhi.

Fambaal-da leiringei thokkhiba panba yaaba maru oiba thoudok khara

1.a. 1698, Sajibu 20, Leibaakpokpa: Nungtek-ta laandaaba chatli. Laanfaa 53 faarak-i.

1.b. Kaalen 1, Iraai: Meidingu Paaikhomba-gi LUPUNG tholli.

1.c. Poinu 4, Iraai: waayen thoudaa khibikpu nungda laairik iduna Laai Kasa-gi mamaangda yungngi.

1.d. Poinu 7, Ningthoukaaba: ningthou yaaoba mee 10 na saaba khutpuga meeyoi 100 na saaba khutpu-ga kaangjei saannabada ningthou khutpu-na ngammi.

2.a. 1699, Poinu 11, Yumsakeisa: Paanthoibi-gi murti heiduna saai.

2.b. Poinu 20, Iraai: Ahallup-na Mungbi Khun-da laandaai, 13 faarak-i. Nahaarup-na Sakaang Lamkaang-da laandaai, 2 faarak-i.

3.a. 1700, Sajibu 11, Leibaakpokpa: Maasem, Penlaan, Meiraao-da Ningthem-na laandaai.

3.b. Kaalen 21, Nongmaaijing: Laai Nongsaaba-da Soibam chanu luhong-i.

3.c. Ingaa 4, Iraai: Sanaamahi-gi murtee heiduna saai.

3.d. Ingaa 16, Yumsakeisa: Paanthoibi-gi laaisang sanggaai.

3.e. Meraa 6, Nongmaaijing: KHAA KEITHEL pik-e haaiduna chaaothokhalli.

4.a. 1701, Meraa 24, Ningthoukaaba: Hidaam chingda ISAA laandaaba chatli.

4.b. Loiyamba-bu ningthou oihannaba sembada yaaoba mee 31 haatli.

5.a. 1702, Sajibu 1, Yumsakeisa: Ahallup-na SACHIKRUM kouba mafamda laandaai.

5.b. Kaalen 17, Thaangja: Khutop Sinlaan-da laanadaai. Kaalen 24-ni Thaangja-da Tusuk, Meraa 25, Ningthoukaaba-da Tingtou amasungHiyaanggei 8 ni Thaangja Anaan-da laandaai.

5.c. Faairen 1, Sagolsen: Awaa laaibaar ama nupi/leima niba laak-i.

6.a. 1703, Sajibu 17, Leibaakpokpa: Ahallup-na Tusuk, Sompung-da laandaai. Meraa 6, Leibaakpokpa Lontaai-dasu laandaai.

6.b. Faairen 10, Yumjakeisa: Ningthem-gi upaak-na kuppa yumjaao sangaai.

7.a 1704, Sajibu 5, Yumsakeisa: charaa hellaga ningthou yaaona meeyoi kayaa ama laaiming lou-i.

(Urisyaa-gi Bhubaneswar Puri-gi Setganggaatul ghaat-tagi Meetei leibaak-ta laakpa Raam Banamaali kouba Braamhan-da Hindu-gi machal ama oiriba laaining Saakta dharma-da dikkhaa loukhibani.)

7.b. Sajibu 20, Sagolsen: waa ngaangdaba Gosaai muni amaga konnana meeyoi 22 thorak-i.

7.c. Kaalen 16, Leibaakpokpa: Anaan 23 faarak-i

7.d. Thawaan 11, Ningthoukaaba: Urup-ta laandaai.

7.e. Hiyaanggei 16, Iraai: Sanaamahi-gi laaisang sangaai.

7.f. Poinu 23, Iraai: Awaa leima Lourembam chanu Homeswari changkhi (5.c da yengbiyu).

(Homeswory-gi atoppa ming ama Chakpa makhaao Ngambi kou-i. mahaakna Awaa-gi makok thongba leima 4 gi manungda leiduna machaa ibungo Mungta Kengtu Ngamba pok-i. ollakpa chahi-da fam taahalli. Yaanakhiba waafam ngaaktabagi laman Charaairongba-na khumba ngamlamde. Machaa Paamheiba-da sinnarammi.)

7.g. Faairen 26, Iraai: Senjeng-na kuppa mathon ahum longba sanaa-sanggaairen saai.

8.a. 1705, Sajibu 21, Yumjakeisa: Sangaairen sanggaai

8.b. Kaalen 29, Sagolsen: PAANTHOIBI KEITHEN tholli.

8.c. Thawaan 27, Nongmaaijing: Baamon Takhen changba Kaamdev amasung Chandrasekhar animak thorak-i.

8.d. Waakching 16, Iraai: Awaa-dagi Jagoi saabi ama thorak-i. lee-gi thong mathakta saaba ngammi.

9. 1706, Ingen 29, Leibaakpokpa: kiyong saaba heiba thorakpadagi Kaalikaa-gi kiyong houhalli.

10.a. 1707, Kaalen 19, Iraai-da Krishna-gi Ingen 5, Ningthoukaaba-da Kaalikaa-gi kiyong saaba houi.

10.b. Hiyaanggei 5, Nongmaaijing-da Nungkhan, Thaanin nong, Sagolsen-da Ashong khun Khaaiba, Faairen 13, Thaangja-da Tusuk-ta laandaai.

10c. Poinu 1, Iraai: laai-gi sanggaai mathol 3 suba saai.

11.a. 1708, Ingaa 10, Yumsakeisa: Paanthoibi-gi Ukrong hongnge.

11.b. Ingaa 12, Iraai: Kaalikaa-gi kiyong sang kaai.

11.c. Ingen 2, Yumsakeisa: Kaalikaa-gi kiyong kinthaduna mee 3 nanbada 1 sibadagi kiyong saaba heibadu amuk halhankhi.

11.d. Laangban thaasi, Iraai: Awaa changba Baamon Lokhon thunglei.

11.e. Poinu 11, Iraai: khullakta leiba yum achinbasingbu hongdokhalli. Mang-su hongdokhalli.

11.f. Lamtaa 1, Nongmaaijing: Laai-gi Kanglaa mathol 3 suba sang kaai.

12.a. 1709, Sajibu 7, Leibaakpokpa: Tusuk-ta laandaai. Khettri Keraa-gi makok purak-I, 15 faarak-i. 17 ni Iraai-da ningthem thunglei.

12.b. Ingaa 8, Nongmaaijing: Laaiwaa Haaibagi sanggaai sang kaai.

12.c. Ingen-gi 7, Nongmaaijing: Ningthem aroiba yaahip taankhi.

meidingu CHARAAIRONGBA karamna taaibang thaakhibage?

Mahousaagum nongma Ningthou Charaairongbana Taaknakhaa paat-ta thamchet chaaba khong leng-i. Numit asi ipudhou Paakhangba-su yaathoktuna ising mathakta taaokhatlaga hiyaang-hirengum chatpada machi-na thengbagi charot maton lengba adu Saji sangaai-na chenbagi nomba oina ningthouna sanaa mityeng taarui. Khudakta lirung tenggaa thongduna kaappada ipudhou-gi chirakta tenbaallammi. Maduda saaoraduna mafam aduda lupthkhraga kongol-na pruk-pruk souna kaakhatlaklammi. Konggol-na imaaidu pik thanba ubada ningthem-gi sanaa pukningda chingnarammi. Khudakta masaa sinba thungna tu chungkhibaga loinana sanaa hakchaang nungaairamde. Konggol-na pruk-pruk souna kaakhiba mafam adubu puruksoubi haaina khangnakhi.

Ningthou-na maram pumnamak maaichou-singga taanarabada ipudhou-gi asaaoba fanaba numit 9 ni chaada-thaktana iraat thounijaraga thaagonnarabadi kokchagani. aduga punsi chengjel-su nibinaba khanghalle. Asumna leiringei taallak asida Waaheng leikaai-da faaduna thamliba Tusuk haaosing ngaaoraktuna yumlon keironnaba kayaabu fu cheiba chattharakpada kanaa amattana maaiyoknaba ngamdabadagi tangaai fadana ningthou masaa chattuna laaksilluba taakhi. Ningthou laakle haaiba taabada yumlak faaoduna Tusuk haao-sing Teraa faaoba chenkhi. Ningthou manaai-singna taannakhringeida numit 9 ni chaada thaktabagi chokthabana Nambul mapaan-da masaaa mareng fanna houriba khongnaang paambi makhongda potthaaduna leirammi. Matam asida ikhang khanghoudana akhaak-araao touduna nongmei singjang taabadagi khongnaang paambi adu mayaaida khaaibok taana khaaidokle. Akhaak-araao-gi meisaana yeibada Charaairongba ningthou maalem leida gyaan maangduna taare.

Khudakta manaaising chensinnaduna konung-da pukhatli. Lambi-da gyaan laaktuna keithel laairembi khurumlammi. Matam aduda pukchatpa laainaa laaktuna meeyoi kyaa sinarammi. Laainaa asi konung yousillaktuna ningthou-da paairei. Pukchatpa kouba khonghaambi laaina asidagi kanba ngamdana masaagi chahi 37 ta ngaairingei, ing 1709 Ingen-gi 7 ni paanba Nongmaaijing numit-ta Ningthem Charaairongba aroiba tumkhun taankhi.

Meidingu CHARAAIRONGBA sibagi atoppa thaajanabi

Atoppa thaajanabi amada Meidingu CHARAAIRONGBA-si nongmei-na paanduna sibani haaibasini. Khaak-laaobagi makhol ama thokkhibadu nongmei kaappagi makholl oina paankhatlaga semjillakpa waari-ni. KHONGNAANG HOGAAIBI haaina khangnakhibasi Meidingngu Charaairongba-na namngaa-na pothaaringei BRAJA (‘Korou maagi kaaptharaang Nongdon maagi huntharaang’ –Asaangbam Minketan) taaduna khongnaang adu hogaaibadagi koukhibani. Nongmeina kaappadagi KHONGNAANG HOGAAIBI koukhiba natte.

Meidingu CHARAAIRONGBA sibagi laanna sandorakpa waari

Meetei revivalist movement-na mapaanggal kankhatlakpada Meidingngu Paamheiba amasung Meidingngu CHingthangkhomba-bu tukatchana unanaba mari-makhong samnadaba waari-waakhong kayaa laanna ikhatlakpa/semjillakpa/linarakpa eikhoina uba fangngi. Meidingngu Paamheiba-bu laanna uhannaba semjillakpa waari-sing-gi manungda mapaa Charaairongba-bu machaa Paamheiba-na taa-na thinduna haatli haaibasini. Machaa-na mapaa-da taa-na thinba asiga KHONGNAANG HOGAAIBI ga mari amatta leinadare. Adubu KHONGNAANG HOGAAIBI haairiba asidi Meidingngu Charaairongba-gi aroiba mitkup-ka mari leinaribani.

JAARIBON-da puthokkhiba Manipuri film-sing

1. Hikthakhraba Sambul, 1998/99
2. Angaangba Gulaap, 2000
3. Nokpiganuko 1
4. Nokpiganuko 2
5. Laaininghan Naaoria Phulo
6. Amamba Meehaat, 09-03-2014, Silchar-gi Gandhi Bhawan-da release toukhiba.

(awaat Apaa haapchinbirak-u)

THAAJABA-gi waari ani

1. Huraanba aduna saadhu lamboiba saaraga dharma chenba inaak khunba adugi yumda laak-i. lamboiba adubu thaak waangna thaanggatcharaduna mayumda sebaa touduna thammi. nongma yumbu nupaa adu chatthokkhringeida huraanba lamboiba aduna sanaa-lupaa huraange toubadu maagi nupina uthokkhirammi. uthokkhibadagi huraanba lamboiba aduna nupi adubu makhanaao mettuna haatthoklammi. adubu afaba saaduna chendi chenkhide, chellabadi mahaakna haatlaga huraankhibani khankhini khanbadagi.

nongaallaga meeyaam omsinnabadu nupaa aduna thengnarammi. adubu mahaakna mahaakki guru (huraanba lamboiba) adu leiringeida maagi nupi siroi haaina kanna THAAJARAMMI. guru aduda mahaakna haaijarammi. guru-na ising khikpiraga 'hougatlo' haaibada adumak hougatlakkani haaina chetna THAAJARAMMI. adubu guru aduna madu toubiyu haaiba yaaramde. maramdi mahaakmakna haatpanina hougatlakkani haaiba THAAJARAMDE.

nupaa aduna ising khara puraklaga guru-gi khongda thamduna sokcharaga guru adugi mahut sinna mahaakna ising adu chaairaga 'tumlaganu hougatlu guru-gi yaathang-ni' haairabada nupi adu hougatkkhi.

2. nupaa amana Vrindaaban chatpada GANGA JOL purakpa kaaorammi. mayum youramdaai lambida ningsinglaktuna mahaakna lambi mapaangi toti pipe-tagi ising khara yaaraga puraklammi.

matam kharagi matungda makhoigi imungda mamaa-du kanna naarammi. maaiba/maaibi kabiraaj Doctor amatta ngamlamde. mamaa aduna GANGA JOL adu khara thaklabadi fagani haaina mapukningda chetna THAAJARAMMI. amasung GANGA JAOL adu thakke haairammi.

machaa nupaa adunadi ising adu kadaaidagi purakpano haaiba khangbanina karisu kaannaroi haaina khallammi aduga madu thaklaga fagani haaibadu THAAJARAMDE. adum oinamak kanna haairabaduda maagi nupi-na puthoraktuna Hari bhakti touduna thakcharammi.

yengngu nongaallaga mamaa adu naaba farammi, hougat kaangkhatpa ngamlammi.

WAARI ANISIDAGI KARI KHANGBAGE?

waai 1 gi guru amasung waari 2 gi ganga jol adugi MAYAAI amattana asiba hinggatlakpa nattraga naaba farakpa natte. mapuroiba adugi amasung anaaba mamaa adugi achetpa THAAJABA aduna makhoida oithoktaba adu oithokpani.

THAAJABA haaibasina NUNG-bu LAAI olahalli. YUMBI thugaairubada NARSINGH thorak-i asinachingba. MOSES na thaajabagi mapaan-na SAMUDRA adu khaaidoklaga kaarakta lambi oihankhi. THAAJABA-na oithoktaba kayaa oithok-i haaibasi ei isaamaktasu testimony kayaa lei.

EASTER SUNDAY: Ibungo Khrista Jisu-na Asiba-bu maaithiba piduna hinggatpikhiba numit

 ইষ্টর সন্দেঃ ইবুঙো খৃষ্ট যিসুনা অশিববু মায়থিবা পীদুনা হিংগতপীখিবা নুমিত

ৱাহৌদোক

তাইবংপানসিদা লৈরিবা মীওইবগী পাপকী উশিন ওইবিদুনা ইবুঙো খৃষ্ট যিসুনা কালবারিগী ক্রোসতা ইরাই নুমিত (গুদ ফ্রাইদে) পাং তিংদুনা শিবীরবা মতুং শাষ্ত্রনা হায়বা ঈশ্বরগী নীংবিবা মতুং ইন্না হুম্নিশুবা নুমিততা অশিববু খূদুম চন্দুনা হিংগতপীখিবা নুমিত অদুবু ‘ইষ্টর সন্দে’ হায়না খঙনৈ৷ নুমিত অসীবু ইবুঙো খৃষ্ট যিসুনা হিংগতপীখিবা হৌগতপীখিবা নুমিতনি হায়দুনা ‘রিজরেক্সন দে’ হায়নসু খঙনৈ৷ নুমিত অসী খৃষ্টিয়ান লাইনীং চতপশিংগী য়াম্নমক মরু ওইবা নুমিতনি৷ মীতৈরোনদা নুমিত অসীবু ইচম চম্না ‘হিংগতপীখিবা নুমিত’ হায়না খঙনৈ৷

‘ইষ্টর’ হায় টর্ম অসী নোংচূপ্লোমগী চতনবী কয়াগা মরী লৈনবা ৱাহৈ ওইবনা ভারতকী তোঙান-তোঙানবা মফমশিং অমসুং মণিপুরদা মিং অসী পন্নরবসু চতনবী অদুদি কয়া নক্না লৌশিনবা উদে৷ লাইনীং অসীবু লৌশিল্লবা মীতৈ ইপাচাশিংনসু নোংচূপকী ইষ্টর অদু লৌবগী মহূততা মিং অদুগী মখাদা সূপ্নগী ইবুঙো খৃষ্ট যিসুনা শিবীখিবা মতুং হিংগতপীখিবা অদুখক্তবু হেন্না মীতয়েং থম্বা উই৷

 

বাইবলদা ইবুঙো খৃষ্ট যিসুনা হৌগতখিবগী ৱারী

নোংমাইজিং নুমিত জেরুজলেমদা পাঙথোকপা চাকখাঙবগী থৌরম য়াওবা লাকপদা মীয়াম্না থাঙতূপ পাম্বীগী মশাশিং পায়দুনা মহাকপু মীয়াম্না ওকখিবনি৷ নুমিত অসীদা ইবুঙোনা লোলা তোংদুনা কাখতলকখিবনি৷ নুমিত অসীবু পাল্ম সন্দে (palm Sunday) হায়না খঙনৈ৷ নুমিত অসীবু য়িউ সন্দে (Yew Sunday) নত্ত্রগা ব্রাঞ্চ সন্দে (Branch Sunday) হায়নসু খঙনৈ৷

শগোলশেন নুমিততা ইবুঙো খৃষ্ট যিসুনা মহাক্কী মতম লাক্লে হায়বা খঙলদুনা মনাইশিংগী মখোঙ হাম্বীরগা তম্বীখি ‘ঐনা নখোয়গী ইবুঙো অমসুং রব্বী ওইদুনা নখোয়গী নখোঙ হাম্বীরবদি, নখোয়নসু অমনা অমগী মখোঙ হাম্বীফম থোকই৷ ঐনা নখোয়দা তৌবগুম্না নখোয়না তৌনবা, ঐনা নখোয়দা খূদম অমা পীবনি’ (যোহান ১৩ ১৪,১৫)৷ ময়াম পূন্না চামিন্নখি (লাষ্ট সপ্পর) অমসুং মহাকপু পীথোক্কদবা মনাই অদু খঙদোকখি৷ নুমিত অসীদা ইবুঙো খৃষ্ট যিসুনা মনাইশিংদা মহাক্না চত্থোকখিগদবা অমসুং থৱায় অশেংবা থাবিরক্কদবা পূম্নমক তম্বীরম্মী৷

নুমিত অসীমক্তদা মহাকপু পুরোহিতশিংদা পীথোক্কদবা মনাই যিহুদা ইষ্কারিয়তকী থৌরাংদগী পুরোহিতশিং অমসুং লান্মীশিং লাক্তুনা ইবুঙো খৃষ্ট যিসুবু ফারম্মী অমসুং ৱাহং পাউহংগীদমক চহীদুগী অথোইবা পুরোহিতলেনগী মকুবোক হন্নাগী ময়ূমদা পুরম্মী৷ মখোয়না অরানবা শাক্ষি কয়া পীদুনা ইবুঙো খৃষ্ট যিসুবু খূদুম্না শুদুনা, মতিন শীতচিন্দুনা অমসুং খূপাকনা থাদুনা লঙনবীরম্মী৷ পুরোহিতশিংনা লৌরোন তৌদুনা অঙম্বগী য়াথং মতুং ইন্না হাতননবা মতমদুগী রোমগী লৈঙাকপা পিলাতকী মনাক্তা পুরম্মী৷ পিলাতনা যিসুদা মরাল ফংদবগা লোয়ননা মহাক অসী গালিলগী মীনি হায়বা খঙলবদা অমুক জেরুজলেমদা লৈবা গালিলগী লৈঙাকপা নিংথৌ হেরোদকী মনাক্তা থারক্লম্মী৷ মফম অদুদা ৱাহং পাউহং তৌরবদা হেরোদনসু মরাল অমত্তা ফংদ্রদুনা অমুক হন্না লৈঙাকপা পিলাতকী মনাক্তা থারক্লম্মী৷

ঈরাই নুমিততা পিলাতনা ইবুঙো খৃষ্ট যিসুগী মরাল হেরোদনসু মহাক্নসু ফংদবা মরম্না চৈরাক খরা তৌরগা থাদোক্লগনি হায়না লাউথোক্লবদা মহাকপু ক্রোসতা পাং তিংদুনা হাতলু অদুগা থাদোকপা অদুনা বরব্বা (মতমদুগী খ্বায়দগী ওক্তবা অমসুং মীহাতপা ওইবগীদমক কৈশুমশঙদা লৈরিবা) বু থাদোকউ হায়না পুরোহিতশিংনা ঈনশিন্দুনা লাউহল্লম্মী৷ অদুম ওইনমক, ইবুঙো খৃষ্ট যিসুদা থঙজিল্লিবা মরাল অদুনা মহাকপু শিবা য়াবা চৈরাক্তি পীনীংঙাই ওইদে হায়রবসু ময়াম্না খোঞ্জেল হৌনা অমত্তা ওইনা ‘মহাকপু ক্রোসতা পাং তিংদুনা হাতলু’ হায়না লাউরদা পিলাতনা ‘নখোয়না মহাকপু পুদুনা ক্রোসতা হাতলু মরমদি ঐনা মাঙোন্দা করিগুম্বা মরাল অমত্তা ফংদে’ (যোহান ১৯ ৬) হায়না লাউথোকই৷

পুরোহিতশিংনা লুচিংবা মীয়াম অদুনা ইবুঙো খৃষ্ট যিসুবু কালবারি হায়নসু খঙনবা লুকংগী লমদা পুরগা ক্রোসতা পাং তিংলম্মী৷ ক্রোসতা পূং তরুক লৈবিরম্লবা মতুংদা ইবুঙো খৃষ্ট যিসুনা ঈশ্বরগী মতিক মঙান হেন্না চাউহন্নবা মথৱায় থাদোকপী৷ অদুগা মহাকপু মনাক নক্না লৈবা কনা অমত্তনা শীজিন্নদ্রিবা অহাংবা মোংফম অদুদা যিহুদিগী চতনবী মতুং ইন্না পোতলোয়নবা থৌরাং তৌদুনা থমখি৷ ইবুঙো খৃষ্ট যিসুগী মনাইশিংনা চিরোল তৌদুনা পুথোকখ্রগা অমুক হিংগতলে হায়না লান্না শন্দোরক্কদ্রা হায়বগী পাখতপনা পুরোহিতশিংনা পিলাতকী য়াথং লৌরগা মী শঙহনখি অমসুং থিংজল্লবা নূংজাউগী থোঙ অদ চূম নমখি৷

থাংজ নুমিততি মতমদুগী থৌরাং লাঙবা মতম ওইবগী পোত্থাবা মতম ওইবনা তূমিন্না লৈখি৷

নোংমাইজিং নুমিত ইবুঙো খৃষ্ট যিসুনা শিবীখিবগী হুম্নি চনবা নুমিত্তা নূংগী মোংফম অদু মখূম হাংদুনা লৈবা মেরী মেগদলিনিনা থেংনখি অদুগা চেনখিদুনা সিমোন পিতর অমসুং অতোপ্পা সেবোক অমদা তম্লে৷ মখোয়না লাক্তুনা য়েংলবদা লীমোনগী ফি অদুতমক থেংনরে৷ ইবুঙো খৃষ্ট যিসুবু মখোয়না কদায়দা পুখ্রবনো হায়বা খঙলমদে৷ মরম অসীদগী সিমোন পিতরখোয়দি ময়ূমদা অমুক হনখি অদুবু মথৱায় ৱাজরবী মেরীদি মোংফম অদুগী ময়াদা কপ্তুনা লৈরম্মী৷ মহাক্না কপ্না-কপ্না অহাঙবা মোংফম অদুদা য়েংশিনখিবা মতমদা স্বর্গদুত অনীনা ইবুঙো খৃষ্ট যিসুবু থম্লম্বা মফম অদুগী খূয়া অমসুং লুখুম্লোমদা ফমদুনা লৈবা উরম্মী৷ মখোয়না মেরীদা হায়রম্মী ‘করিগী কপ্লিবনো’ মেরীনদি লম অদুগী মপু ওইরবোই নীংদুনা খুমজরম্মী ‘ইবুঙো, নহাক্না মহাকপু মফম অসীদগী পুথোকখ্রবদি, নহাক্না মহাকপু কদায়দা থমখ্রবগে ঐঙোন্দা হায়বিয়ু, অদুগা ঐনা মহাকপু লৌথোকচগে’ মতম অসীদা ইবুঙো খৃষ্ট যিসুনা ‘মেরী’ হায়না কৌরকপদু তারম্মী, খূদক্তা খুমখি ‘রব্বী’ (মসীগী অর্থদি গুরু হায়বনি)৷

মতৌ অসুম্না, ঈশ্বরগী নীংবিবা মতুং ইন্না শাষ্ত্রগী ৱা পূম্নমক থুংননবা ইবুঙো খৃষ্ট যিসুনা অশিববু খূদুম চন্দুনা হুম্নিসুবা নুমিততা অমুক হিংগতপীরে৷

নুমিত অসীনা তম্বীবা

১. ইবুঙো খৃষ্ট যিসুনা অশিববু মায়থিবা পীদূনা অমুক হিংগতপীরে৷ মসীদা লৈবা মহাক্কী মপাংগল অদুনা স্বর্গদা লৈবা ইপা ঈশ্বরগী মতিক মঙাল চাউহল্লে৷

২. ইবুঙো মহাকপু থাজবা মী খূদিংনা অশিববু খূদুম চন্দুনা থৱায়দা ইবুঙোগা পূন্না হিংগতমিন্নরগনি৷ ঐখোয়না হকচাংদা শিরবসু থৱায়দা লোম্বা নাইদনা হিংলগনি৷

৩. ইবুঙো খৃষ্ট যিসুনা ৱাশকপীরম্বা মতুং ইন্না মহাক্না স্বর্গদা কাখতখ্রবা মতুংদসু ঐখোয়বু য়েংশিনবিনবা অমসুং লোয়নবিনবা থৱায় অশেংবা থাবিরকখি৷

৪. ইবুঙোনা স্বর্গদা লেঙখতপীদুনা ঐখোয়গী লৈফম শেম শাবিরুগনি৷

৫. ইবুঙো খৃষ্ট যিসুনা অমুক হন্না লেঙথবিরক্তুনা ঐখোয় পূম্ববু স্বর্গদা লৈবা ইপাহী মনাক্তা পুখতপীগনি৷

৬. অশিববু মায়থিবা পীঙম্বা অহিংবা ঈশ্বর অদুনি ইবুঙো খৃষ্ট যিসুদি৷ মহাক্তি লানঙম্বনি৷ ঐখোয়না থাজবদা খ্বায়দগী মতিক চাবদি মহাক মতোমতনি৷

৭. কনা অমত্তনা তাইবংপানবগী পাপকীদমক শিবীখিবা লৈতে অদুগা অশিববু খূদুম চন্দুনা  হিংগতপীদে৷ তাইবংপান অসীদা পাপকী পোতলুম পুদুনা লাকপীখিবদি মহাক মতোমতনি৷ পাপকী উশিন ওইনা শিবীবা অমসুং থৱায়দা অমুক হিংগতপীদুনা শোয়বা নায়দ্রবা অরান খূবম অদু মহাকপু থাজবশিংনা ফংজবা য়ানবা তরং-তরংনা খঙহনবিরম্লে৷

৮. মহাক্তি থোইহেনবনি অমসুং পাঙ্গনবনি হায়বদু শিবীদুনা অমসুং হিংগতপীদুনা খঙহনবিরম্লে৷

৯. কনাগুম্বনা ইবুঙো খৃষ্ট যিসু থাজদুনা হকচাংদা শিরবদি থাজবা অদুগী মপান্না মহাক্না ইবুঙোগা লোয়ননা অমুক হিংগতমিন্নগনি৷

১০. স্বর্গদা লৈবা ৱাংথোইরবা মপু ইবুঙো মহাক্কী থৌরাং মপূং ফাদুনা ইবুঙো খৃষ্ট যিসুগী মপান্না, থৌজালনা পূম্নমকপু লেম্না চুমহনবিদুনা ইবুঙো মহাক্কী মচা-মশুশিং ওইহনবিদুনা লোম্বা নাইদনা হিংবা ফংহনবিরে৷ ইবুঙো মহাক্কী মতিক-মঙাল হেন্না চাউহনবিরে৷ থাজবা মীপূম খূদিংনা স্বর্গগী মচা মশুশিং ওইজদুনা মপু ইবুঙোগী মতিক-মগুন শীংথাজরে৷

নুমিত অসীদা পাঙথোক্নবা থৌরমশিং

ইষ্টর অসী নোংচূপকী লৈবাকশিংদা মখোয়-মখোয়গী ফোক ত্রেদিসনগা মরী লৈনবা ৱারী-ৱাখোঙ কয়াগা মরী লৈনবা নুমিত ওইবনা থেবগা মরী লৈনবা, য়েরুমদা মচু শঙবা অমসুং য়েকশনবা, অঙাংশিংগী ইষ্টর বাষ্কেত শাবিবা অসীনচিংবা য়াওনা মখল-মথেলগী থৌরাং লাঙই৷ ভারতকী মফম অয়াম্বদা মসীশিংসী পাংথোকপগী চাং য়াম্না হন্থৈ৷ ইষ্টর সন্দে হায়বা মিংথোল অসী হিংদুনা লৈরবসু রিজরেক্সন সন্দে অদুদা হেন্না মীতয়েং থম্মী৷ চরা হেন্দুনা প্রার্থনা তৌবা, অমনা অমদা য়াইফরোল পীনবা, শীংলূপতা থাজবা ময়াম পূন্দুনা ঈশ্বরগী মতিক মঙান শীংথামিন্নবা, থাগত-ঈশৈ শকমিন্নবা, ইবুঙো মহাক্কী ঈংথবা অদু তাইবংপানগী ফংদ্রিবা মীশিংদা ফংহনবীনবা হায়জবা, ইবুঙো মহাক্কী মতিক-মঙান হেন্না চাওখত্তুনা ইবুঙো মহাক্কী নিংথৌ লৈবাক হেন্না পাকথোক-চাউথোক্নবগী প্রার্থনা তৌমিন্নবা অমসুং ইবুঙো মহাক্কী মরমদা শাষ্ত্রদগী ৱাপাউ তামিন্নদুনা থৱায়গী মচীঞ্জাক ফংমিন্নবা অসীনচিংবা পাঙথোকই৷ ইমুং-মনুং, মরী-মতা, শাগৈ-নাতৈ অমসুং খঙন-চান্নবশিং অমনা অমদা পূক্নীং থৌগতনদুনা অমদি হরাও-তয়াম্বা ফোঙদোকমিন্নদুনা চামিন-থকমিন্নবগী শরুকসু চীত্থবা নত্তে৷

ৱারোইশিন

ইবুঙো খৃষ্ট যিসুনা তাইবংপানদা লাকপীবা, তাইবংপানগী পাপকী উশিন ওইদুনা কালবারিগী ক্রোসতা ঈ তাবিদুনা থৱায় থাদোকপীরগা পাপ চেনবা ঐখোয়গীদমক থাদোকমল, হন্দোকমল পীবিরম্বা অমসুং অশিববু মায়থিবা পীদুনা অমুক হিংগতপীখিবা খূদিংমক অসী পাপ চেনবা তাইবং মীওইবনা ঈশ্বরগী মতিক মঙানদগী শোত্থখিদুনা পাপকী মনাই ওইখ্রবশিংনা নোরোকতা শিখিগদবদগী কনবিনবা লাঙবিখিবা থৌরাং অদুনি৷ থৌরাং অদু মপূং ফাখ্রে৷ ঈশ্বরগী ওইবশিংনা ঈশ্বরগীরোমদা লাক্নবা মরম অসী থৱায় থাদোক্তুনা ঐখোয়বু কনবিরম্বা ঐখোয় পূম্বগী কনবিবা মপূ ইবুঙো প্রভু যিসু খৃষ্টনা মরম ওইবিরে৷ ইখ্রবা খরা অসী পাখ্রবশিংনা ঈশ্বরদা অমুক হল্লক্তুনা লোম্বা নাইদবা পুন্সী ফংনবগী মরম ওইরক্নবা ঈশ্বরনা থৱায়দা ৱা ঙাঙবিবা ওইরসনু, থৱায়দা খূতনা শোকপীবা ওইরসনু, থৌজাল হৈথবিরসনু৷ আমেন৷

GOOD FRIDAY: Ibungo KHRISTA JISU-na taaibangpaan-gi paap-ki usin oina thawaai thaabikhiba numit

অশেংবা ঈরাইঃ ইবুঙো খৃষ্ট যিসুনা তাইবংপানগী পাপকী উশিন ওইনা থৱায় থাবিখিবা নুমিত

ৱাহৌদোক

‘গুদ ফ্রাইদে’ হায়বসী খৃষ্টান লাইনীং চতপশিংগী শেংথোইরবা নুমিত অমনি৷ নুমিত অসীদা ঈশ্বরগী মচানুপা ওইনা তাইবংপানসিদা মীওইবগী শক্তম লৌবীদুনা লাকপীরগা পাপীশিংগী উশিন ওইনা কালবারিগী ক্রোসতা পাং তিংবিদুনা থৱায় থাদোকপীখিবা নুমিতনি৷ ক্রোসতা তাবিখিবা মহাক্কী অশেংবা ঈ অদুগী মপান্না পাপীশিংনা থৱায়দা লোম্বা নাইদনা শিগদবদগী হিংবা ফংজনবা মরম ওইবা অসীনা খৃষ্ট যিসুনা শিবীখিবা ঈরাই নুমিত অসীবু ‘গুদ ফ্রাইদে’ নত্ত্রগা ‘হোলি ফ্রাইদে’ হায়না খঙনৈ৷ নুমিত অসীবু তোঙান-তোঙানবা মফমশিংদা ‘গ্রেত ফ্রাইদে’ নত্ত্রগা ‘ইষ্টর ফ্রাইদে’ নত্ত্রগা ‘লোং ফ্রাইদে’ নত্ত্রগা ‘সাইলেন্ট ফ্রাইদে’ অসীনচিংবা হায়না খঙনবসু লৈ৷ মালেমগী ওইনা লাইনীং-লাইশোনগা মরী লৈনবা হোলিদেশিংগী মরক্তা অমা ওইরিবা ‘গুদ ফ্রাইদে’ অসীবু মীতৈরোনদা ‘অফবা ঈরাই’ নত্ত্রগা ‘অশেংবা ঈরাই’ হায়না খঙনৈ৷

পুৱারীদা অশেংবা ঈরাই

ইবুঙো খৃষ্ট যিসুনা শিবীখিবা নুমিত অসী ঈরাইনি হায়বদা য়ানদবা ৱাফম অমত্তা লৈত্রবসু চহীগী মতাংদা খরনা ৩৩ এদি-নি অদুগা খরনা ৩৪ এদি-নি হায়না থম্বিরম্বা থেংনৈ৷ অদুম ওইনমক, পাখোনচতপা পিতরগী রিফরেন্স (পাখোনচতপা ২: ২০) তা পল্লিবা ‘থাবু ঈ ওলহনবা’ হায়বসীগী মতুং ইন্না য়েংনবদা ইবুঙো খৃষ্ট যিসুনা থৱায় থাদোকপীখিবা নুমিত অসী (lunar Crucifixion darkness and eclipse model দা য়ূম্ফম ওইবা এষ্ট্রোলোজিগী মীতয়েংদগী) ৩৩ এদিগী এপ্রিল ৩, ঈরাই নুমিতনি হায়বসিনি৷ ইবুঙো খৃষ্টনা থৱায় থাদোকপীখিবা নুমিত অসী থাগী খোঙচততা পাবা অমসুং ঈরাই নুমিত ওইবনা মরম ওইরগা চহী খূদিংগী ওইনা ঐখোয়না ফংলিবা ইংরাজি কেলেন্দর অসীগী অকক্নবা নুমিত অমদা ওইদে৷ হন্দক ২০১৪ অমসুং তুংদা লাক্কদবা চহী খরা (২০২০ ফাওবা) গী গুদ ফ্রাইদে নুমিত মখাদা থমজরি-

২০১৪ - এপ্ৰিল ১৪

২০১৫ – এপ্ৰিল ৩

২০১৬ – মাৰ্চ ২৫

২০১৭ – এপ্রিল ১৪

২০১৮ – মার্চ ৩০

২০১৯ – এপ্রিল ১৯

২০২০ – এপ্রিল ১০

খৃষ্টানশিংনা ‘অশেংবা ঈরাই’গী নুমিত অসী খৃষ্টগী ৪ শুবা চহীচাদগী হৌনা নীংশিং থৌরম পাঙথোক্তুনা লাকই৷

 

বাইবলদা য়াওবা খৃষ্টনা শিবীবগী ৱারী

যিসুগী মনাই ১২ গী মনুংদা অমা ওইরিবা যুদাস ইষ্কারিয়োতনা ইবুঙোবু অথোইবা পুরোহিতশিংদা মমল তীক্নরগা লুপা (শিলভর) গী শেন ৩০ দা য়োন্থোকপীরে (মাত্থি ২৬: ১৪-১৬)৷ অসুম্না তৌগনি হায়বসী ইবুঙোনদি খঙখি (মাত্থি ২৬: ২৩-২৫)৷ মসীগী মতুং ইন্না, শাষ্ত্রগী ৱা থুংননবা লান্মী ময়াম্না ইবুংঙোবু গেতসিমনিদগী ফারে৷ ফারবা মতুংদা চহীদুগী অথোইবা পুরোহিতলেন ওইরিবা কায়াফানা মকুবোক হন্নাগী ময়ূমদা পুরে (যোহান ১৮: ১-১৪)৷ মফমদুদা ৱাহং-পাউহং চত্থবা মতমদা ইবুঙো খৃষ্টগী মায়োক্তা মীনম্বা অমসুং অরানবা শাক্ষি পীবিনবা মী থিরম্মী৷ ময়াম্না হায়বশিংদু শীংথানীংঙাই ওইরমদে, কোন্নথংদা ময়ামগী মরক্তগী অনী থোক্তুনা ইবুঙোগী মায়োক্তা মীনম্বা অমসুং অরানবা শাক্ষি পীবা হৌরম্মী৷ মীনম্বা অমসুং অরানবা শাক্ষি অদুবু শৌগতলদুনা পুরোহিতলেননা ইবুঙোদা মরাল শীরম্মী অমসুং ময়াম্না শীরিবা মরালশিং অদুদা ইবুঙোগী পাউখুম ঙাইরম্মী৷ ইবুঙোনা ‘মীগী মচানুপা অদুনা মতীক চাউবগী য়েতথংবদা ফম্বা অমসুং স্বর্গগী লৈচিন্দা লেঙলকপা নখোয়না উগনি’ হায়রবদা ‘ঈশ্বরবু থীনা চৈরে’ হায়দুনা মরাল পীশিল্লগা মহাক্কী ফংফম থোকপা ৱায়েল অদু মীয়ামদা হংলে৷ মদুদা মীয়াম্না ‘মহাকপু হাতপা মতীক চায়’ হায়রগা তিন শীতচিনবা, খূদুম্না শুবা অমসুং খূপাক্না থাদুনা লঙনবিরে৷ অসুম্না ময়াম তানদুনা যিসুবু হাতননবা লৌরোন তৌরগা রোমগী লৈবাক ঙাকপা মপু পিলাত (Roman governor Pontius Pilate)কী মাঙদা ইবুঙোবু ৱায়েন্নবা পুখতলে৷

মায়গৈ অমরোমদা, শেল লৌদুনা ইবুঙোবু পুরোহিতশিংদা পীথোক্লুবা অদুনা, লাঞ্জদবদা মরাল লৈহনবা ওইহল্লে হায়বা মহাক মশাগী তূকতচনীংঙাই ওইরবা মরাল যিহুদা ইষ্কারিয়োত মশানা খঙজরক্তুনা পুরোহিতশিংদা লুপাগী শেন ৩০ অদু হন্দোক্লম্লগা মশা মতোমতা ঙাকপীবা ঙমজদদুনা থৌরী য়ান্দুনা শিদোকচখি৷

পুরোহিতশিংনা কল্লকপদগী যিসুবু মরাল লৈহনবনি, যিসু মশাগী মরাল অমত্তা লৈতে হায়বসী ৱায়েন মপু পিলাতনা খঙলম্মী৷ মহাক্না যিসু অসী গালিলগী মীনি হায়বা খঙলবদা জেরুজলেমদা লৈবা গালিলগী লৈঙাকপা নিংথৌ হেরোদ (King Herod, the ruler of Galilee) কী মফমদা অমুক থারম্মী৷ হেরোদনসু ৱাহং-পাউহং তৌবদা মরাল অমত্তা ফংলমদে অদুনা যিসুবু পিলাততা অমুক হন্না থারক্লম্মী৷ পিলাতনা তিল্লিবা মীয়ামদা ‘নুপা অসীগী মরাল হেরোদনসু অমসুং মহাক্নসু ফংদে, নখোয়না থৈজিল্লিবা মরালশিং অদু মাঙোন্দা ফংদে, শিবা য়াবা লঙজবা অমত্তসু মহাক্না তৌখিবা লৈতে, মরম অদুনা মহাকপু চৈরাক খরা তৌরগা থাদোক্লগনি’ হায়না পুরোহিতশিং অমসুং তিল্লিবা য়িহুদি মীয়ামদা লাউথোক্লম্মী৷ মতম অদু চাকখাঙবা মতম ওইবনা মী অমবু থাদোকপসু য়ারম্মী৷ মদুদা ফতখিদ্রবা, ওক্তবা, মীহাতপনচিংবা মরাল কয়াগীদমক ‘কৈশুমশঙদা লৈরিবা বরব্বা-বু থাদোক্লগা যিসুবু পাং তিংদুনা হাতলু’ হায়না পুরোহিতশিংনা ঈনশিন্দুনা মীয়াম্না খোঞ্জেল ৱাংনা হৌনা নিল্লম্মী৷ পিলাতনা ফনা য়াম্না ‘মী অসীগী মরাল লৈতে’ হায়রবসু মখোয়না ‘ক্রোসতা পাং তিংদুনা হাতলু’ হায়না কন্না-কন্না লাউশিনবা অদুনা ঙম্লম্মী৷ মরম অসীদগি পিলাতনা বরব্বাবু থাদোক্লগা যিসুবু পাং তিংদুনা হাতনবা মখোয়দা শিন্নরম্মি (লুক ২৩: ১-২৫)৷

ৱায়েলগী মতুং ইন্না ইবুঙোনা মহাক্কী পাং তিংনবা উ-কারন পাং (ক্রোস) অদু মশানা পুজরম্মী৷ মহাকপু হিব্রু লোনদা গোলগোথা অমসুং লেটিন লোনদা কালবারি কৌবা লুকংগী লমদা পুরগা অতোপ্পা মী অনীনা মতাই-মতাইদা থম্লগা যিসুনা ময়ায়দা থমদুনা মখোয় অহূমবু পূন্না পাং তিংলম্মী৷ পাং তিংলিবা যিসুগী ক্রোস অদুগী মথক্তা পিলাতকী য়াথংনা থেতহনবা ৱারোল অদুদি ‘নাজরেথকী যিসু য়িহুদিশিংগী নিংথৌ’ হায়বা ৱারোল অসীনি, ৱারোল অসী মফমদুদা লাকপা মীয়াম্নসু পারে৷

ইবুঙো খৃষ্ট যিসুনা ক্রোস মথক্তা পূং ৬ লৈবিরম্মী৷ অকোনবগী পূং ৩ হায়বদি নুমিত য়ুংবদগীনা নুংথিল পূং ৩ ফাওবা অসীদা মফম অদু মমশিল্লক্লম্মী, অরোইবা পূংফমদা যিসুনা হৌনা ৱাহৈ খরা হায়দুনা লাউরম্লগা থৱায় থাদোক্লম্মী৷ ইবুঙোনা থৱায় থাদোকপা মতম অসীদা নীংনশঙগী লৈরম্বা মায়খন-ফি অদু তঙখায় তানা মথক্তগী মখা ফাওবা শরুক অনী থোক্না শেগায়রম্মী, য়ুহা হাদুনা লৈপাক কন্না নীক্লম্মী, নূংজাউ পোখায়রম্মী, মোংফম হাংদোক্লম্মী অমসুং শিখ্রবা অশেংবা মী কয়া হিংগতলক্তুনা অশেংবা শহরদা চঙদুনা মীশিংদা উহল্লম্মী৷ অসীগুম্বা অঙকপা ময়াম অসী উরবদা লান্মী ১০০গী মপূগা যিসুবু শঙবা মহাক্কা লোয়নবশিংনা কিরদুনা হায়রকখি – ‘অওইবমক মী অসী ঈশ্বরগী মচা নুপানি’ (মাত্থি ২৭: ৪৫-৫৪)৷

যিসুনা ক্রোসতা লৈরিঙৈদা হায়রম্বা ৱাহৈশিং

১. হে ইপা মখোয়বু কোকপীয়ু, মরমদি মখোয়না করি তৌরিবা মখোয়না খঙজদে৷ (লুক ২৩: ৩৪)

২. ঐনা নঙোন্দা থাঙৈশেংনা হায়রিবসিনি, ঙসি নঙ ঐগা লোয়ননা পারাদাইসতা লৈমিন্নগনি৷ (লুক ২৩: ৪৩)

৩. হে নুপী, য়েংউ, নচানুপা ... য়েংউ নঙগী নমা৷ (যোহান ১৯: ২৬-২৭)

৪. এলোই, এলোই, লামা শবক্তানি ( ঈশ্বর, ঐগী ঈশ্বর, ইবুঙোনা ঐবু করিগী হুন্দোকপীবগে)৷ (মাত্থি ২৭: ৪৬ অমসুং মার্ক ১৫: ৩৪)

৫. ঐ খৌরাংই৷ (যোহান ১৯: ২৮)

৬. লোইরে৷ (যোহান ১৯: ৩০)

৭. হে ইপা ইথৱায় ইবুঙোগী খূত্তা শিন্নজরে৷ (লুক ২৩: ৪৬)

যিসুনা ক্রোসতা থৱায় থারবা মতুং

ময়াম্না লান্না শাগতনবা ৱাখল অমসুং ফত্তবা তৌবা য়াদবা অহল্লূপতা য়াওদুনা ঈশ্বরগী লৈবাক ঙাইরিবা এরিমেথিয়াগী যোসেফ কৌবা ধর্ম্ম চেনবা নুপা অমনা পিলাতকী মফমদা চঙজদুনা যিসুগী হকচাং অদু নিজরম্মী (লুক ২৩: ৫০-৫২)৷ যিসু শিরে হায়বা তাবদা পিলাত ঙক্লম্মী অমসুং লান্মী ১০০গী মপু অদুদগী অশেংবা অদু খঙলবদা পিলাতনা যিসুগী অশিবা হকচাং অদু যোসেফতা পীনবিরম্মী (মার্ক ১৫: ৪৪-৪৫)৷ যোসেফতা শিন্নদ্রিঙৈদা লান্মীশিংগী মরক্তগী অমনা যিসুগী পূক্নোপতা তানা থিল্লে অমসুং মদুদগী ঈগা ঈশিংগা থোরক্লম্মী (যোহান ১৯: ৩৪)৷ তুংদা লৌথরগা যিহুদিশিংগী চতনবী মতুং ইন্না অনানবা লীমোন ফি অমনা য়োম্লগা মী কনা অমত্তা থম্নদ্রিবা নূংদা হূত্তোক্লবা অহাঙবা মোংফম অদুদা ইবুঙোবু থম্লে৷ ইবুঙোগা লোয়ননা গালিলদগী লাকপা নুপীশিংনসু ইবুঙোবু মতৌ করম্না থম্বগে হায়বদু য়েংবা লাক্লে (লুক ২৩: ৫৩-৫৫)৷ মায়গৈ অমরোমদা, নিকোদিমসনা গন্ধরসকা অগুরুগা (myrrh and aloes) য়ান্নবা পোত সের য়াঙ্খৈরোম পুরকখি (যোহান ১৯: ৩৯)৷ নুপীশিং অদুনা হল্লক্তুনা মনম নুংশিবা পোত অমসুং তৈনথাউ থৌরাং তৌরে৷ মতমদু যিহুদিশিংগী থৌরাং লাঙবা (সবাত) মতম ওইবগী য়াথং মতুং ইন্না যিসুবু মোংফম অদুদা থম্লগা মোংফম অদুগী থোঙদা নূংজাউ অমা ওনশিল্লম্লগা চত্থোক্নখিদুনা পোত্থানখ্রে৷ অদুবু নুপীশিংগী মরক্তগী মগদলিনি মরিয়ম অমসুং অতোপ্পা মরিয়ম অদুনা মোংফম অদুগা মায়োক্ননা ফম্লগা লৈহৌই (মাত্থি ২৭: ৬০-৬১)৷

 

ইবুংঙো খৃষ্ট যিসুনা হুম্নিসুবদা অমুক হিংগতপা

যিসুনা শিরবা মতুং হুম্নি শুবদা অমুক হিংগতকনি হায়বা পুরোহিতশিংনসু খঙবা মরমনা যিসুগী মনাইশিংনা লোন্না পুথোকখ্রগা অমুক হিঙ্গতলে হায়না নমথাক তৌরক্কনি হায়বগী চিংনবা লৈবদগী পিলাতকী মফমদা চঙজরগা য়াথং লৌদুনা মোংফম ওইরিবা সুরুংগী মমায় অদুদা মোহর নম্লগা মী ঙাকহনখি (মাত্থি ২৭: ৬২-৬৬)৷ ফনা চেকশিন্না ঙাক্লবসু শাষ্ত্রগী ৱা অদু থুংনবা সবাত মতুং চয়োলগী অহানবা নুমিত (নোংমাইজিং), ইবুঙোনা শিবিখিবা নুমিতকী হুম্নিশুবদা অশিববু খূদুম চন্দুনা ইবুঙো মহাক্না অমুক হৌগতপীখি (মাত্থি ২৮: ৬)৷

ইবুঙোনা শিবিবা অমসুং হৌগতপা অসিনা তম্বীবা

ইবুঙো খৃষ্টনা ক্রোসতা পাং তিংদুনা শিবিবা অসীনা তম্বীরিবসী মরু ওইনা থৱায়গী ‘অরান খুবম’গী মরমদনি৷ মীওইবনা পাপ চেন্দুনা ঈশ্বরগী মতিক মঙান্দগী শোত্থদুনা ফত্তবা লাই সইতানগী মনাই ওইরগা নোরোকতা চতখিবশিংদু ঈশ্বরগীরোমদা অমুক হল্লক্নবা ঈশ্বরগী ওইবা থৌরাং অদু মপূং ফাহনবনি৷ থৌদোক অসী থোক্লগদবা লৈরে হায়বসী মাঙজৌননা মায়চৌশিংগী খূত্থাংদা খঙহনখিবদু শাষ্ত্রদা ময়েক শেংনা লাচন্দুনা লৈখ্রবনি৷ ইবুঙো খৃষ্ট যিসুনা শিবিবা অমসুং অমুক হিঙ্গতপীবা অসীগী মপান্না তম্বীবশিংগী মনুংদা পনবা য়াবা খরদি-

১. যিহুদিশিংগী চতনবীদা মৈ ঈরাতপা অমসুং মদুদা থৱায় পানবা জিব অমা অকতপোত পীবা অসী চতনদুনা লাকই৷ কনাগুম্বনা ঈশ্বরদা লঙজরুবা অমসুং পাপ লঙশিল্লুবগীসু প্রাইশ্চিত ওইনা মৈ ঈরাত্তুনা জিব অমা কতপা অসী চতনরকই৷ মী অমগী পাপ অমগী জিব অমা অদুগা পাপ ১০০গী জিব ১০০৷ জিব অসী ঐখোয়না য়াউ কতপা অসী চতনবী ওইনা থেংনৈ৷ অদুগা য়াউ-না মী অমগী ঙম্বগুম্না তাইবংপানবগী ওইনদি ঙম্বা নত্তে৷ মীওইবা অমনসু ঙমদে মরমদি মীওইবা  মহাক পাপ চেল্লে৷ মরম অদুনা পাপ চেন্দবা অমনা পাপ চেনবশিংগীদমক মহূত শিন্দুনা প্রাইশ্চিত তৌবিনবা পুন্সী অমগী কত্থোকপগী তঙাইফদবা লৈবা মতম, থায়নদগী চতনরকপা প্রাইশ্চিতকী মওং অসীনা মপূং ফারক্তবা অমসুং ঙাইহাক্কী ওইবা অসীদগী মতম পূম্নমক্কী ওইবা অকতপোত ওইনা ঈশ্বর মশামক্না মশামকপু ইবুঙো যিসু খৃষ্ট ওইনা তাইবংপান্দা লাকপীদুনা তাইবংপানগী পাপ পুবীবা য়াউ মচা অদু ওইবিখিবনি৷ ইবুঙো খৃষ্ট যিসু অসীমক্না তাইবংপান অসীদা লৈরিবা পাপ অসীগী প্রাইষ্চিত তৌবদা অকতপোত ওইবিরগদবা য়াউ অদুনি হায়না শাষ্ত্রদা পল্লম্বা অদু শাক্ষি পীদুনা ইহান হান্না বাপ্টাইস তৌবিবা যোহাননা ইবুঙো খৃষ্ট খোঙলেংলকপা উবদা হায়খি ‘য়েংউ তাইবংপানগী পাপ পুবিবা ঈশ্বরগী য়াউ মচা অদু’৷ (যোহান ১: ২৯) মহাক্কী মপান্দগী তাইবংপানবগী পাপ অসী কোক্নগদবনি হায়সী ফোঙদোকখিবনি৷

২. তুংদা থোক্লগদবা ৱাফম কয়াগী মনুংদা ইবুঙো খৃষ্ট পোক্কনি, মহাক্না অৱা-অনা কয়া মায়োক্নগনি, মহাকপু পাং তিংদুনা হাতকনি, অদুবু মহাক্কী শরুদি থুদেক্লোই (মতমদুদা পাং তিংদুনা শিরবশিংবু শরু থুদেকপগী চতনবী লৈরম্মী), মহাকপু ফুমগনি অমসুং হুম্নিশুবা নুমিততা অমুক হৌগতলক্কনি হায়বনচিংবশিংসী শাষ্ত্রদা ইরম্মী৷ শাষ্ত্রদা ইখিবা ঈশ্বরগী অনীংবশিংদু লোইনমক থোকখি৷ পোলনসু কোরিন্থিয়গী শীংলূপতা হায়খি ‘...শাষ্ত্রগী মতুং ইন্না খৃষ্টনা ঐখোয়গী পাপকীদমক শিবিরে, মহাকপু ফুম্লে অমসুং শাষ্ত্রগী মতুং ইন্না হুম্নি শুবা নুমিততা মহাক হিঙ্গতখ্রে’৷ (১ কোরিন্থিয় ১৫: ৩-৪)

৩. ঐখোয়না পাপতা তাদুনা সইতানগী কৈসুমশঙদা পাপকী মীনাই ওইনা লৈরিঙৈ অমসুং শিরগা নোরোককী মৈদা মতম পূম্নমক্কী ওইনা চাক্তুনা লৈখিগদবা অদু উবিরদুনা ঈশ্বরগী ওইবশিংদু ঈশ্বরগীরোমদা অমুক হল্লক্নবা মশাবু পূম্নমক্কী হন্দোকমল (থাদোকমল) ওইনা কত্থোকপীরনবা লাকপীখিবা অদু থুংহনবীবনি৷ (মীগী মচানুপা অদুনা মশাবু থৌগল তৌহন্নবা লাকপা নত্তে, অদুবু থৌগল তৌনবা অমসুং ময়ামগী থাদোকমল ওইনা মহাক্কী থৱায় থাদোকপা লাকপনি৷ -মাত্থি ২০: ২৮) মহাক্না মশাবু হন্দোকমল ওইনা শিবিরবা অসীবু খঙলবা অমসুং থাজরবা খূদিংমক্না লেম্না চুমহনবীদুনা ঈশ্বরগী মচা-মসু ওইহনবীবনি৷ ফত্তবা লাই সইতানগী কৈসুমশঙদা লৈরুবগী থাদোকমল পীবিবনি, ঐখোয় হৌজিক ঈশ্বরগী নিংথৌ লৈবাক্তা হল্লকপা য়ানবা লম্বী অদু খৃষ্টগী শিবিবগী মপান্না ফংজরবনি৷ মহাক্কী অশেংবা ঈ-না মমল পীবিরম্বনা মরম ওইরগা সইতানগী কৈসুমশঙ অদু ঐখোয়গীদমক লোনশিন্দ্রে, হাংদোকপীরে৷ ঐখোয় নীং তমজরে অমসুং ঈশ্বরগীরোমদা লাকচবা য়ারে, অপনবা অথিংবা লৈত্রে৷

৪.  অসুম্না শিবিবা অসীনা লাই ফত্তবা সইতান (দিয়াবোল)গী থবকশিং, মপাঙ্গল অমসুং থৌরাং পূম্নমক মাঙহল্লে৷ (পাপকী থবক তৌরিবা মী অদু দিয়াবোলদগীনি, মরমদি দিয়াবোলদি অহৌবদগী পাপ তৌদুনা লৈরক্লি৷ দিয়াবোলগী থবক মাঙহন্নবা ঈশ্বরগী মচানুপা অদুবু ফোঙদোকপীরে৷ -১ যোহান ৩: ৮) মহাক্না অসুম্না ফোঙদোকপীদুনা সইতানগী থবকশিং মহী-ময়াই চমহন্নবা অমসুং মাঙহন্নবগীদমক মহাক্না শিবিবা অসী তঙাইফদবনি৷ তঙাইফদবা অদুগীদমক ক্রোসতা পাং তিংদুনা শিবিখিবনি৷ (ইপা পূংফম অসীদগী ঐবু কনবিয়ু, অদুবু মরম অসীগীদমক ঐনা পূংফম অসীদা লাকপনি৷ –যোহান ১২: ২৭) মসী খূদিংমক্সি মপা (ইপা ঈশ্বর) গী অনীংবা অদু পাঙথোকপীরখিবনি৷ (ঐনা ইশাগী অনীংবা তৌনবা স্বর্গদগী কূমথরকপা নত্তে, অদুবু ঐবু থারকপা মহাক্কী অনীংবা তৌনবা কূমথরকপনি৷ –যোহান ৬: ৩৮)

৫. পূম্নমক অসীবু থাজরবা খূদিংমক্না হকচাংদা শিরবসু থৱায়দা হিংবা ফংগনি হায়বগী খূদম ঊতপীবনি৷ অশিববু খূদুম চন্দুনা হিংগতহনবা ঙম্মী হায়বসী লজরস-পু হিংগতহন্দুনা খঙহনখ্রবদুনি৷ মহাকপু ফাবা মতমদা স্বর্গদুত কৌথদুনা লান্থেংনরম্বসু ঙম্লম্বনি, থাঙ শতলবা মনাইবুসু থাঙখুমদা হনজিনহনখিবনি, মনা শোইদতলবা অদু খূনগত্তুনা পানশিনবিখিবা অদুনি৷ মসী পূম্নমক অসী ঈশ্বরগী অনীংবা তৌবা অমসুং হায়বা ইনবা মতৌ অদু নোল্লুকপগা লোয়ননা ফোঙদোকপীখিবনি৷ (ফিলিপ্পিয় ২: ৮)

৬. মহাক্না শিবিবা অসীনা মীওইবা অমসুং ঈশ্বরগী মরক্তা পল ওইনা লৈরম্বশিং অদু লৌথোকপীরে৷ নীংনশঙদা লৈরম্বা মায়খন-ফি অদু তংখায় তানা শেগায়খ্রিবা অদুনি৷ (মাত্থি ২৭: ৫২) খৃষ্টনা শিবিখিবা অসীগী মপান্না ঈশ্বরগা মীওইবগা অনীগী মরক্তা পল অমত্তা লৈহন্দ্রে, হকথেংননা উনহল্লে৷ ঈশ্বরগা মীওইবগা অনীগী মরক্তা করিগুম্বা মখল অমত্তগী মায়খন-গুম্বা অপনবা অথিংবা অমত্তা লৈহন্দ্রে৷

৭. তাইবং মী অসী ঈশ্বরগী মরলনি অদুবু পাপনা মরম ওইদুনা ঈশ্বরগী ওইরম্বা ঐখোয় মীওইবসী অমাঙবা হায়বদু ওইরে, ঈশ্বরগী ওইদ্রে, সইতানগী ওইখ্রে৷ মরম অদুনা মাঙখ্রবশিংদু অমুক হন্না থিদোক্তুনা ঈশ্বরগী ওইহন্ননবা মথৱায় কত্তুনা কনবীরম্বনি৷ (মরমদি মীগী মচানুপা অদুনা মাঙখ্রবা অদুবু থিবা অমসুং কনবিবা লাক্লে৷ –লুক ১৯: ১০) খূদিংমক অসী ৱায়েল য়াথং পূম্নমক মপূং ফাহনবিরখিবনি৷ (ঐনা ৱায়েল য়াথং নত্ত্রগা ৱা তাকথোকপা মীশিংগী ৱা অদু মাঙহনবা লাকপনি হায়না খনগনু, ঐনা মাঙহনবা লাকপা নত্তে, অদুবু থুংহনবা লাকপনি৷ –মাত্থি ৫: ১৭)

৮. মহাক্না শিবিদুনা ঐখোয়না শিগদবা অদুদগী কনবীরম্মে, লাই ফত্তবা সইতানগী কৈসুমশঙদগী মহাক্কী ঈ-না মমল পীবিদুনা হন্দোকপীরম্মে৷ মহাক্না শিবিবনা ঐখোয়না থৱায়দা লোম্বা নাইদনা হিংবা ফংজরে৷ ঐখোয়গী ইথক্তা লৈরম্বা ৱায়েল য়াথং অদু লৌথোকপীরে, ঈশ্বরনা ঐখোয়গী পাপ শীংথানবীদরে অমসুং ‘ধর্ম চেনবা’ হায়না শীংথানবিদুনা ঈশ্বরগী মচা-মসুশিং ওইহল্লে৷ অমম্বা কৈসুমশঙদগী মঙালগী মচা-মশুশিং ওইহনবীরে, ঈশ্বরগী নিংথৌ লৈবাক্কী লৈবাকমচাশিং ওইহনবিরে৷

৯. পাপ তৌরিবদি ঐখোয়নি, পাপকী অতৌমনদি শিবনি (রোমিও ৩: ১৬) অদুবু ঐখোয়না শিগদবা অদুগী উশিন ওইবিদুনা মহাক্না শিবীবা অসীমক্না ঐখোয়না হিংবা ফংজবনি৷ মহাক্না মথৱায় ফাওবা থাদোক্তুনা ঐখোয়বু শিগদবদগী কনবীরম্বনি, যিসুদি তাইবংপানসীদা লৈরিবা তাইবং মীওইবা পূম্নমক্কী কনবিবা মপূ অদুনি৷ মহাক্কী মপান্না ঐখোয়না লেম্না চুমজদুনা ঈশ্বরগী নিংথৌ লৈবাক অদু ফংজবনি৷

১০. ঐখোয়না হকচাংদা মহাক্কা লোয়ননা শিমিন্নরবদি ঐখোয়না থৱায়দা মহাক্কা লোয়ননা হিংগতমিন্নগনি৷ (রোমিও ৬: ৮) হিংবা অমসুং হিংগতপা অসী ইবুঙো খৃষ্ট যিসুদা লৈবনি৷

অশেংবা ঈরাইগী থৌরম করম্না পাঙথোকপগে

থাজবা ইচিন-ইনাউশিং খরনা নুমিত অসীদা চরা হেল্লি (ব্রত তৌই), প্রার্থনা কন্না তৌই, শীংলূপতা পূনমিন্নদুনা থাগত ঈশৈ কয়ামরোম শকই, অৱাবা ফোঙদোকই, মহাক্না তৌরম্বশিং নীংশিংদুনা ঊতলি, মহাক্না হায়রম্বা ৱাহৈশিং নীংশিংনৈ, নুমীত অসীগী মরু ওইবদু নীংশিংদুনা শীংলূপকী অহলনা শাষ্ত্রদগী ৱাফোঙ পীদুনা থৱায়গী মচীঞ্জাক পূন্না ফংমিন্নৈ৷ কনাগুম্বশিংনা ঈমুং-মনুং অমসুং মরী-মতাগা পূন্না ইবুঙো খৃষ্টগী মিংদা মথেল-মকোয় তৌদুনা চামিন্নৈ৷ অমগা-অমগা পূক্নীং থৌগতনদুনা থৱায়গী মরীদা হেন্না চাওখতনবা অমসুং চঙখোন্নবা ফনা ঈনশিনমিন্নৈ৷

ৱারোইশিন

ইবুঙো খৃষ্ট যিসুনা তাইবংপানদা লাকপীখিবা অসী পাপ চেল্লবা তাইবং মীওইববু নুংশিবদগীনি৷ ঈশ্বরনা তাইবংপানবা অসীবু মশাগী খূতশেম ওইবগী মরমনা অসুক্কী মতিক নুংশিবিরে মদুদি মসিদগী কনাগুম্বা তাইবং-মী অমত্তবু লাই ফত্তবা সইতানগী মনাই ওইখিদুনা নোরোকতা চতখিবা পামদে, অসুম্না নুংশিবা অসীগী মহয়না মহাক্না মশামকপু মহাক্কী অমত্তা ঙায়রবা মচানুপা ওইনা পীনবিরে৷ মচানুপা অদুনা তাইবংপান অসীদা লাকপীরগা তাইবংপানদা লৈরিবা পাপকী উশিন ওইনা কালবারিগী ক্রোসতা পাং তিংদুনা শিদোকপীরে৷ শিদোকপীবা অদুগী মপান্না, থাজবা মীপূম খূদিংমকপু লেম্না চুমহনবিদুনা লোম্বা নাইদনা হিংবা অদু ফংহনবিরে৷ মহাক্না শিবিবা অসীখক্তনা তাইবং মীওইবগী অরান খুবম হায়বদু ওইবিরে৷ মহাক্না কালবারি ক্রোসতা তাবিখিবা ঈ অদুনা মমল পীবিদুনা ঐখোয়বু লাই ফত্তবা সইতানগী কৈসুমশঙদগী থাদোকমল ওইবিদুনা ঈশ্বরগীরোমদা লাক্ননবা মরম ওইহনবীরে৷

ঐখোয়না পাপ চেল্লিঙৈ মীতকূপমক্তদা নহাক্কী নুংশিবনা মরম ওইদুনা শিবিরবা অসীনা লোম্বা নাইদনা হিংবা ফংহনবীরম্বা অসীগীদমক ঙমখৈ লৈতনা খাগতচরি ইবুঙো খৃষ্ট যিসু৷ নহাক্কী নপান্না নত্তনদি তাইবং মীওইবশিংগী হিংনবগী মরম অতৈ লৈরম্লোইদবনি৷ ইপা ইবুঙো নহাক্কী থৌরাং নচা ইবুঙোদা মপূং ফাহনবিদুনা তাইবংপানদা নহাক্কী নিংথৌ লৈবাক অদু পীবিরম্বগীদমকসু হরাওবা ফোঙদোকচরি৷ তাইবংপানদা নহাক্কী নিংথৌ লৈবাক হেন্না পাকথোক-চাউথোকপা ওইসনু৷ ইবুঙো খৃষ্টগী মিংলেন হেন্না-হেন্না চাওখতপা ওইসনু৷ ইখ্রবা খরসী পাখ্রবশিংগী মথক্তসু ইবুঙোগী নুংশি থৌজাল অদু হৈথবিবা ওইসনু৷ আমেন৷

মখা তানা অকূপ্পা মরোল খঙবিনবা চঙবিবা য়াবা লিঙ্কশিং-

http://www.calendar-365.com/holidays/good-friday.html

http://www.kidzworld.com/article/4354-good-friday

http://en.wikipedia.org/wiki/Sayings_of_Jesus_on_the_cross

http://en.wikipedia.org/wiki/Good_Friday

http://www.britannica.com/EBchecked/topic/238700/Good-Friday

http://www.gotquestions.org/Good-Friday.html

India-gi Odisha-da thaajaba nupi amana Khrista-gi mitam-da nungsina chuppiba