করি নুমিততা চহী হৌফম থোকপগে

solar chart

ভারতকী অহানবা প্রধান মন্ত্রি, লৈখিদ্রবা শ্রী জৱাহরলাল নেহরুগী মীতয়েং মখাদা দ. মেঘনাদ সাহানা চেয়রমেন ওইরগা শেমখিবা কেলেন্দর রিকন্সত্রক্সন কমিতিনা ইং ১৯৫৬ তগী হৌনা সোলর কেলন্দর শেমগতপা হৌরম্মী অমসুং মদু ইং ১৯৫৭ তগী মীয়ামদা ফংহনবা হৌখি৷ ভারতকী রিজর্ব বেঙ্কনসু কেলেন্দর অসিবু এপ্রুব তৌবতা নত্তনা মসিনা পীবা তারিখশিংদা য়ূম্ফম ওইরগা শেমখিবা চ্যেকশিং অদুসু চতনবা য়াবনি হায়না লৌখি৷(অসিগুম্বা চ্যেকশিং চতনবা য়াদবনি হায়না খত্তোকপা অসি অরানবনি) অসিদসু নত্তনা হায়রিবা কেলন্দর অসি ওল ইন্দিয়া রেদিও, দুরদর্শন, সরকারগী ঈ-পাউ লোয়শঙশিংদা শীজিন্নদুনা খঙনরিবনি৷

কেলন্দর অসিগী মগুন

গোর্গোরিয়ন কেলন্দরগী মতুং ইন্না জনুৱারি তাং ১দা চহী হৌই৷ অদুবু নুমিত অসি আতিয়া মকোয়দা করিগুম্বা অখন্নবা থৌদোক অমত্তা থোকপা লৈতে৷ মসিগা খেন্নবা মওংদা, ঐখোয়গী সোলর কেলন্দর অসিগী মতুং ইন্না চহী হৌবা অসি লমতা/চৈত্রগী ১ [খৃষ্টগী চহীদা মার্চ ২২/(লিপ য়িঅর ওইরগনা) মার্চ ২১] অসিদনি৷

নুমিত অসিদা কোরৌহনবনা বিষুব রেখা (ইক্বিতর)গী লৈঈদা লাকপনা মরম ওইরগা অহিং অমসুং নুংথিল অনীমক শাংবা মান্নহল্লকই৷ মসিনা মরম অদুনা অহিং-নুংথিল শাংবা মান্নহনবা মতৌ (ইক্বিনোক্স) থোকহনবা নুমিত অসিনা হেন্না বৈগ্যানিক ওইবসু হেল্লি৷

মসিগী মথক্তা চহী অমগী মনুংদা

লমতা/চৈত্রগী ১ (মার্চকী ২২/২১) – ভর্নেল ইক্বিনোক্স, ইঙা/আষার (জুন ২২) – দক্ষিণায়নদগী হৌই (কোরৌহনবনা খারোম থংবা তংখায়দগী থোরকই)

লাংবন/আশ্বিন ১ (সেপ্টম্বর ২৩) – অটম্নেল ইক্বিনোক্স, পোইনু/পৌষ ১ (দিসেম্বর ২২) – উত্তরায়ণদগী হৌই (কোরৌহনবনা অৱাং থংবা তংখায়দগী থোরকই)

অসিগুম্বা মখলগী সাইন্টিফিক ওইরবা খোঙচত অমদা য়ূম্ফম ওইরবনিনা কেলন্দর অসি মালেমগী ওইনা চতনবা য়াবা অমনি হায়বসিনি৷

মরম অসিদগী ঐখোয়না কেলন্দর অসি হৌখিবা চহী অহুমদগী শীজিন্নরক্লি অমসুং মসিবু মোবাইল ফোনগী খূত্থাংদা ফংহন্দুনা মীপূম খূদিংমক্না শীজিন্নবা য়ানবসু হোতনরক্লিবনি৷

-ভারতিয়/রাষ্ট্রিয় সৌর কেলন্দর-
(হন্দোকপা)