Manipur yamna lu-nanba, taru-tahenba, asengba leibak ama oirambani. Magi ising nungsitta, mahousagi fibamda, akoibagi sarukta, leiramba misinggi pukning-pukchelda, fijet chakchada, wangang sangangda, lamchat-sajatta, thoudou-thouwongda, pumnamakta ifada farammi, ifada fajarammi, ichumda chumlammi. Madugidamak jati kayana ikai khumnarammi. Meiteibu chaaokhatpa jatini hainarammi. Jati asigi chaokhatpa matouda Manipurbusu mayamna kallaknarammi.
Adubu ngasidi onna teinare. Ising-nungsitki fibamdasu ahongba leire, mahousagi khongchattasu ahongba lakle, leiriba misinggi pukning-pukchelsu chumdare, fijet chakchasu hongle, wangang-sangangsu fajadare. Thoudou-thouwongsu masa-masana chumme khanba ngakta tounare. Pumnamak ifatta fattare, ithida thire, iranta lalle. Nongma meiteibu kallakcharambasingduna meeteibu karem kathaainabire. Manipurbu ikai khumnarambadu usit thawoibidare.
Misingsi mityengda ahongba laklibasi makhoigi mityengi maralla nattraga eikhoigi ahongbada asoiba leibanara haibasi khannafam thok-i. khannaba haibabu karino, paokhum iseng sengna leirabani. Masi eikhoigi asoibadagini.
Eikhoina ireibak iramdambu kayam nungsibage? kayam sengna thamba ngamnaba hotnabage? Chaokhatnaba kari thabak touribage? isagi oijaba tanbadagi henna Maninipur miyamgidamak thangei sengna karibu touribage? Sahid Minar-gi matonda thamliba mamai ahum longba kanglasadu senjengna sabani hairabadi senjenggi machubu amubara?
Manipurda leiba khwaidagi asengba mafam (holy place)singgi manungda Gobinda mandirsu maru oiba amani. Bhakta kayagi pukninggi leitafafam, changjafam, thawaigi marida khwaidagi senglaba mafamduni. Adubu yengbiyu taru-tananna lakchariba bhaktasingdu thawaigi marida senglaba laifam oiriba mafam asida changlaga masabu amotpa teisinba haibadu thokli. Eikhoigi senglaba laifam faoba sengna thamba ngamdaba eikhoina isabu amasung eigi nung-panbu kayam sengna thamba ngmgadouribage? Gobinda mandirda changbada bhaktagi khongda amotpa totlibasina takpadi eikhoina norokta laisang thambata nattana isasu norokta hingli, eikhoi norokki tin-kangni haibasini.
Norokki macha saitan (devil/imp)singna asengba ising (holy water) kibagum meiteisu aru-ahen amasung asengba haibadu kirabagum semgattri. Amangsang-gi han-na amotpa mafamkhaktada hingbagum Meitei eikhoisu amotpa mafamda hingbada heinari. matam ama, laigi machagum aru-ahen pamduna chaokhatpa jati oirambadu ngasidi saitangi macha oiduna chaokhattaba jati oire.
Gobinda-su sikhiba kuiramlani. Maramdi, mahakna amotpa mafamda hingduna leiba ngamfam thokte. Mahakti achumba (satyam), afaba (sibam), fajaba (sundaram)ni. Gobinda laisang leiriba mafam (Manipur)di aranba, fattaba amasung athiba/fajadabagi mafamni. Laisang manungda Gobinda leiramba hounade. Leiribasidi Naoria Phulona haiba UKANG-LAI haibaduni.
Gobinda mandirda lai khurumba changbada bhaktagi khongda amotpa paklakliba makhei Manipur chaaokhatkhiroi.
No comments:
Post a Comment