মশাগী মখোঙদা মশানা শীংজঙনা য়ানশিঞ্জবা থৌওং
মীতৈ রিভাইবেলিষ্ট মুবমেন্ট কন্না লাকপা মতম (১৯৪৫ তগী হৌরকপা অমসুং ১৯৭০ গী মতমদা য়াম্নমক মপাঙ্গল লৈখিবা) দা মতেং ওইননবা চীরোল তৌদুনা ইশিনখিবা লাইরিক অনী পামহৈবা লারৈ লাথূপ অমসুং ভাগ্যচন্দ্র লারৈ-লাথূপ অসী হেন্না মমল লৈহনবা পাম্বশিংনা উনম তৌদুনা ফোঙদোরক্লে. গৌর লাইনীংবু তুকতচনবা অমসুং মীতৈ লাইনীংলোমদা মীতয়েং চঙশিল্লক্নবা মরাল লৈজদবা নিংথৌ অনীবু মরাল কয়া শীজিন্দুনা লৌনম তৌরগা ইবা লাইরিক অসীনা মণিপুরগী পুৱারীবু লান্না মায়য়োন থৈদুনা পুনবা হোতনরক্লিবনি. হৌরক্লিবা মীরোলবু লান্না লমজিংবসু ঙম্লক্লবনি. মসী লেপ্পা লৈতনা হৌজিক্সু পাক শন্না শন্দোরক্লিবলি. থৌদৌ অসীমক্তি ইশাগী ইখোঙদা ইশানা শীংজঙনা য়ানশিঞ্জবনি, মকন্থিনা মরন মাঙহনবাফোয়দতপা হায়বা থৌদৌ অদুনি. ইশাগী মায়দা ইশানা য়ানা হামুক তৈশিনবতা নত্তনা মীরোল নাইনা লেপ্তনা শিনবিবা অসীনি.
পামহৈবা অমসুং চীংথংখোম্বা হায়রিবা নিংথৌ অনী অসী মণিপুর শেমগতলম্বা খ্বাইদগী মরু ওইবা নিংথৌশিংগী মনুংদা শীংথানীংঙাই ওইবা অনীনি. নিংথৌ অনী অসীগী মপান্দগী ঐখোয়না ইশাবু মীতৈনি হায়না ঙসী ফাওবা লেপচবা ঙম্লিবনি. নিংথৌ অনী অসী য়াওদবা মণিপুর অমা কনানসু মঙ মঙবা ঙম্লম্লোইদবনি. হায়রিবা নিংথৌ অনী অসীবু তর্গেত তৌদুনা ঙম্লিবমখৈ লান্না উহন্নবা হোতনরিবা অসী মতমগী খোঙলৈ লাক্তুনা অশেংবা মায়খুম হাংদোক্লকপদা অচুম্বা মশক খঙলক্তুনা মতোমতা অমুক ঈকাইজরক্কদবনি.
এম জয়চান্দ লুৱাং কৌবা ইপাচা অসীনা "ফীজঙ মরুমদা" হায়দুনা 'পামহৈবা অমসুং ভাগ্যচন্দ্রগী লারৈ-লাথুপ' হায়রিবা অরানবা লাইরিক অসী উনম তৌদুনা পুথোরকপা অসী মীতয়েং অমরোমদগী য়েংলগদি য়াম্নমক পূক্নীং থৌগতনীংঙাইনি হায়বা তাই, অফবা থবক্নি হায়নসু লৌনীংঙাই ওই. লাইরিক অদু পাবা ফংদবশিংনা য়াম্না লায়না কৈথেলদগী ফংবা ঙম্লগনি অমসুং চীলহায়দা পঙতা তারম্বদু মশা-মশানা পাজদুনা খঙজবসু য়ারগনি. নৈনরোয়শিংদসু লাইরিক অসী কয়াম চীরোল চঙবা, অরানবা, তৌশন্নবা, লৌনম্বা লাইরিক্নো হায়বদু হান্নদগী হেন্না লায়না মীয়মদা খঙহনবা ঙম্লগনি.
No comments:
Post a Comment