BAPTISM

Lakhipur-da Pastor Gobin Singha-na baptise pikhiba

BAPTISM haaibasi yaamnamak maru oiba thouram amani. masi yaamnamak haraao-tayaambaga loinana paangthokningaai oiba thouram amani. masi atei karisu natte, supnagi ibungo KHRISTA JISU asi ei-gi kanbiba mapu-ni haaina lousinjare haaibagi saakhi pithokpani. tongaan-tongaanba denomination-gi oiba tongaan-tongaanba waakhallon kayaa ama lei. madu googling touduna khangnaba hotnaba yaai.

KHRISTA LOUSINBA- masidi thawaaigi oibani. saastra-na haai - dharma chenba kanaasu leite, amattasu leite (Romans 3:10), meeyoiba pumnamak paap chelle (Romans 3:23). adu oirabadi, eikhoi pumnamak paap chelle, dharma chendre. ISOR-gi mityengda eikhoisi paapi-ni, paap-ta taarabani.

amaromda amuksu haai- paap-ki atouman-di siba-ni (Romans 6:23). adu oirabadi nang ei-gi paap-ki atouman oina eikhoi siba taare. siba haaibasida - 

1. hakchaangda siba, 
2. thawaaida siba amasung 
3. lomba naaidana siba asi leire. 

nang ei ahummakta siba taare. adu oirabadi kanaana eikhoibu thawaaida sibadagi kanbigadage?

SAAKHI PIBAda IPRUPPA, Chennai

mataang matam asida ISOR-na machaanupaa-gi saktam louduna paap chenba eikhoi pumnamakpu PAAP-tagi handokpinanaba taaibangpaansida laakpire. mahaakna PAAP-ki usin oiduna cross-ta paang tingbiduna, mahaakki maktraba ee taabiduna sibire. mahaakna sibiba asina eikhoibu sigadabadagi kanbire. eikhoigi sigadaba adugi mahaakna USIN oibikhare. aduga eikhoibu thawaaida lomba naaidana hingba fanghanbire. mahaakna eikhoibu sibadagi kanbiba ngamba KANBIBA MEEYOI/ISOR/MAPU adu oibire. aduga mahaakna asiba-bu khudum chanduna humnisubada amuk hinggatpiba aduna maram oiraga eikhoisu mahaakka punna ISOR-gi machaa oina hingminnagani haaibagi pramaan pire. masi khudingmak asi thoknaba sinba ISOR-gi thouraang adu KHRISTA JISU-na sibiba asida houkhibagisu, oiribagisu, laakkadabagisu mapung ifaa faahanbire.

masi khudingmak asi taseng-tasengna khangba fangjaraba meeyoi amana, masaana masaabu paap chenba-ni haaina yaajaduna haaidokcharaba, aduga thawaai-na sigadabadagi ibungo KHRISTA JISU asikhaktana, eikhoibu nungsibiba maramdagi sidokpiduna kanbibani, mahaakti eikhoi pumnamakki KANBIBA MAPU aduni haaina lousinjaba (Romans 10:9) adubu KHRISTA LOUSINBA kou-i. 

asumna PAAP CHENBA ei-gidamak USIN oibiduna ibungo mahaakna sibikhibani amasung mahaakna sibiba adugi mapaanna EI-na hingba fangjabani haaina thaajaduna thamoi kaaiba ngamlabadi, mit-tagi pi taaba ngamlabadi thawaai asengbana maangonda thabak toubirabani. aduga KHRISTA-na hinggatpiba adumaksu eikhoigidamak hinggatpiduna khudam pibirambani haaibasi khangjarabadi meeyoi adu thawaaida baptise tourabani.

SAAKHI PIBA- meeyoi amagi thawaai-na KHRISTA-gi nungsiba adu khanglaktuna KHRISTA-bu lousille haaibasi meeyaam-da (maru oina thaajabasinggi marakta) mapaanthonggi oina utthokpa adubuni SAAKHI PIBA haairibasi. SAAKHI PIBA asibuni BAPTISM haairibasi.

saakhi pidrabasu mee amana KHRISTA JISU-bu thawaaida lousinjaduna ISOR-gi machaa oiba yaai. adubu HAAIBA INBA matou uttuna ISOR adumakna machaa nupaa oina laakpa matamda mahaaknasu saakhi piduna isingda irupkhibaduni. ISOR adumakna faaoba (Jisu) nollukpa amadi haaiba inba uttuna saakhi pirabadi eikhoidi karigi piroidage?

SAAKHI PIBADA ISINGDA IRUPPA- masi chatnabi ama oina ure. aduga denomination maannadaba-singgi SAAKHI PIBA matou khennabasu lei. kharana ising khiklaga tok-i, kharana iruppi, iruppadasu longna luppa aduga longdrabasu yaaba lei. adum oinamak, KHRISTA JISU masaamakna baptise toubiba John-dagi baptise louba matamda isingda iruppa aduna maram oiraga masina henna Biblical oi haaina lounei. Biblical oibaga loina-loinana masigi paandam/pramaan-su lei.

AHAANBA PAANDAM/PRAMAAN- ising haaibasi yaamna maru-ni. ISOR-na ising-gi khutthaangda paapisingbu maanghankhi. aduga dharma chenba Noah-bu ising mathakta thamduna kanbikhi. paapisingna isingda luptuna sibagum paapi oiba ei-su ising-da iruppa asida sire haaina pramaan toubani. aduga kanbiba fangduna hingba fangkhraba Noah-gumna amuk faaogatle. hakchaang-gi oibasing sire aduga thawaaigi oibada faaogattuna hingba fangle. paap chenba EI asi ising manungda leihoure aduga faaogatlakliba EI asina haannagidu nattaba Noah-gumna dharma chenba adu oina faaogatle haaibani.

ISOR lousinkhibagi maramda saakhi piba 16-09-2001

ANISUBA PAANDAM/PRAMAAN- hakchaang fangduna leibiramba JISU adu sire aduga surungda leirol challe. eikhoigi hakchaanggi oiba paap-ki punsi adu mahaak-na siba asiga punna siminnare. aduga asibabu khudum chanduna humnisuba numitta amuk thawaai oina hinggatpiba aduda eikhoisu KHRISTA-ga punna hingminnaba fangle haaibasini.

masisingsigi paandam/pramaan piduna isingda iruppani. iruppa asida eikhoigi paap chenba hakchaanggi punsi adu sire, faaogatlakpada dharma chenba thawaaigi punsi adu fangjare haaibasini. masi Meeteigi anam-ahaa chuba koknaba touba thouramga naksinnana maannaba masak leiba thengnei. Meetei-gi chatnabi-da thouram ahum lei, makhoising adudi-

1. Pukhri 7 tagi ising sokluraga, sumaangda laa laaton ama thaaraga madugi mathakta suman thamgani, mee aduna suman mathakta leplaga soklakliba ising adu makoktagi heithagani, heithaba matamda, 'anam-ahaa chuba kokcharage' haaina chinda songani.

2. turel ahum-gi itinnafam-da mathakki waaheisi haairaga ahumlak/mangaarak/taretlak lupkani. luppa matamda 'anam-ahaa chuba' haairaga lupkani aduga faaogatlakpada 'kokchare' haaigani.

3. Samudra ahumgi itinnafam-da mathakki waaheisi haairaga ahumlak/mangaarak/taretlak lupkani. luppa matamda 'anam-ahaa chuba' haairaga lupkani aduga faaogatlakpada 'kokchare' haaigani.

***pumnamak asigi khudong chaaba fangdrabadi anakpa turel, pukhri nattraga khutsemgi tanki amada pankhriba thouramsing asiga maannana paangthokpa yaai. IRUPPA amasung FAAOGATPA asi yaamna maruni.

Christianity-da masigi IRUPPA asibuni SAAKHI PIBA haairibasi, aduga SAAKHI PIBA adubuni BAPTISE TOUBA haairibasi. icham chamna, lanaai oina KHRISTA LOUSINJABA haaibasiga thaajabasinggi maangda ei-su KHRISTA LOUSINJARE haaina SAAKHI PITHOKPA asiga khennariba asi. SAAKHI PIBA asina ISOR-gi haaiba inba adu utpaga iroinana hakchaang-gi oiba makhei siraga thawaai-gi oiba makheida punsi hingjare haaina haaidokchare.

irupnabagidamak sem saaba 16-09-2001

THOURAM- masaana sem saajaraba (mental preparation leijaraba) meeyoi amana SINGLUP amagi luchingba ahan amaga taanaraga Baptism asi lougani. SINGLUP-ki oiba chatnarol-singdu topna thamsi. thouram oina kari toubage haaibadu yengsi-

1. SINGLUP-ki ahan-ga (Pastor) ga taanara numit amasung matam lepkani.
2. numit adugi matam aduda thaajaba ichin-inaao khara pullaga Baptism-ga mari leinaba waafam khara punna saruk fangminnagani.
3. thaajabasing-gi mamangda isaagi saakhi/testimony lithoktuna taahangani. masida matou karamna KHRISTA JISU-bu eigi KANBIBA MAPU oina lousinkhibano haaibagi waari adu samlapna oirabasu linei.
4. Baptise tougadouriba meeyoi adugidamak haaijaminnagani.
5. punbagi thouram loiraga PUKHRI nattraga TUREL nattraga IRUPNABA SEMBA MAFAM amada chatminnagani.
6. Pastor-na (nattraga Deacon na) ising-da irupnaba sem saagani. matamsida thaajaba ichin-inaao-singna ISOR THAAGATPA isei sakkani.
7. Pastor-na (nattraga Deacon @Baptise pigadouribana) Baptise lougadouriba aduda waahang khara hanggani. (waahangsingdu KHRISTA lousinbaga mari leinabani. madu tambigani).
8. paaokhum fanglaba matungda haraaoba fongdokpaga loinana haaijagani amasung KHRISTA-gi matik-mangaan-gidamak isingda longna hipthahanduna iruphangani. (longna lupthaba asida naaton-da ising changgani khallabadi naaton mensinba yaai. thabak asida Baptise piribanasu paangbigani.)
9. loiraga achotpa fi hongdoklaga mayaamga punna haraaoba fongdokminnagani.
10. haraaoba fongdokminnaba asida achaa-athak khara sinbasu yaai.

ikhraba khara asi paakhraba-singna ISOR-gi bor maraang kaaina fangba oirasanu, thawaaida sokpiduna tambirasanu, waa ngaangbirasanu, pumkhang khanghanbirasanu. matik mangaan pumnamak ibungo KHRISTA JISU-gi oibirasanu. aamen.

lupsillamdaai

lupsillaba