মণিপুরী
খোরীরোল(সাহিত্য)দা অইবা অমসুং অপাবগী মরী
(রিদর রেষ্পোন্স থীওরিগী মীৎয়েংদগী)
এনদি
হোদাম্বা
ৱাহৌদোক
তোঙান-তোঙানবা হীরমশিংদা
পেরাদাইম সিফ্ট ওইরকপনা মরম ওইরগা হীরমশিং অদুগী মীৎয়েং অমসুং নৈনবগী মাইয়োনদা অনৌবা
অওনবা-অহোংবা কয়া লাকখ্রে। জেক জেরিদা-খোয়গী মতমদগী হৌরকপা দিকন্সত্রাক্সন-না পীরকপা মহয়দগী রোলা বর্থ-খোয় পোষ্ট ষ্ট্রকচরেলিষ্ট-শিংনা শাগৎলকপা ময়োল
অমসুং মতাই মাঙহনবা নৎত্রগা
ওন্নহল্লকপগী মশক অসীনা নৈনবগী তাইবংদা অনৌবা ৱাহন্থোক কয়াসু পীরকখ্রবনি। অসুম্না হীরম
কয়ামরোমদা লাকখিবা অওনবা-অহোংবশিং অসী খোরীরোল নৈনবগী তাইবংদসু মমি তাখিবা উবা
ফংই। খোরীরোল নৈনবগী তাইবংদা লাকপা অওনবশিংগী মনুংদা মোদর্নিজম, পোষ্ট মোদর্নিজম,
নিয়ু ক্রিতিসিজম, ফোর্মেলিজম, ষ্ট্রকচরেলিজম, পোষ্ট ষ্ট্রকচরেলিজম, কোলোনিয়েলিজম,
পোষ্ট কোলোনিয়েলিজম, ফেমিনিজমনচিংবা লিটরেরি থীওরিশিংসী পনবা য়াই। মখোয়গী মরক্তা
মরু ওইবা মীৎয়েং অমদি রিসেপসন থীওরি
হায়নসু খঙনবা রিদর রেষ্পোন্স থীওরি
হায়বসীসু অমনি।
লান্থোকচনবগীদমক শেম-শাজরিবা
নৈন-চেরোল অসী মপূং ওইনা রিদর রেষ্পোন্স থীওরি
হায়বা থীওরি অসীগী মীৎয়েংদগী শাগৎচবা মশক অমনি।
রিদর রেষ্পোন্স থীওরি
রিদর রেষ্পোন্স থীওরি
হায়বসী লিটরেরি থীওরিগী ষ্কুল অমনি। থীওরি অসীনা খোরীরোলগী তাইবংদা য়েংলিবা মীৎয়েং
অসী মপূং ওইনদি অপাবা অমসুং মখোয়গী খোরীরোলদা লৈবা রেষ্পোন্স অসীবুনি। মসীদা লৈরিবা রেষ্পোন্স
অসী ইমোসোনেল রেষ্পোন্স ওইবা য়াই, ৱাহন্থোক পীবা (ইন্টর্প্রিটেটিব), নৈনবা (এনালাইসিস),
ৱা মচং (সমরি), ৱাহং (ক্যেসন), ইন্টর টেকচুয়েলিতি অমসুং অইবদা মরৈ তৌবা মখলগী ওইবা
য়াই।
খোরীরোলদা ঐখোয়না মরোল
অহুম উবা ফংই। মখোয় অদুদি-
অইবা -
ময়েক – অপাবা
Author – Text – Reader
ত্রেদিসনেল ওইবা নৈনরোলদা
ঐখোয়না অইবা অসীবু হেন্না মমল থম্লম্বা উবা ফংই, মতমদুবু অইবদা য়ূম্ফম ওইবা নৈনরোলগী মতম হায়না খঙনবা য়াই। মখা চত্থরকপদা, ময়েক (text) তা য়ূম্ফম ওইবা
নৈনরোলগী মতম অসী চত্থরম্বদগী হৌজিক হোংলক্লিবা অনৌবা পেরাদাইম অসীনা মপূং
ওইনা মীৎয়েং থম্লিবসী অপাবদা য়ূম্ফম ওইবা
নৈনরোল অসীনি। নৈনরোল অসীনা মপূং ওইনা য়ারিবা ৱাফমদি- খোরীরোলদা লৈরিবা
ৱাহন্থোক অসী অপাবা অমনা চত্থরিবা পাবগী থবক (reading
process/situation) অদুগী খূত্থাংদগী
থোরকপনি। অপাবা অমনা পাদ্রবদি ময়েক অদু মতোমতনা মশাগী ওইবা ৱাহন্থোক পীবা ঙমদে।
খোরীরোলগী ময়েকশিংবু মথৱায় হাপতুনা অহিংবা ওইহল্লিবসী অপাবননি হায়বসীনি।
টেক্স অমা পাবা মতমদা ফংবা
ৱাহন্থোক অসী অনীনি। অমনা দিটর্মিনেটিব
অমসুং অমনা ইনদিটর্মিনেটিব হায়বসিনি।
দিটর্মিনেটিব ওইবা ৱাহন্থোক অসীনা টেক্স অদু পাবদা ফংবা মপান্থোঙগী ওইবা ৱাহন্থোক
অদুনি অদুগা ইনদিটর্মিনেটিব ওইবা ৱাহন্থোক হায়বসীনা টেক্স অদু পাবদদি য়াওদবা অদুবু
অপাবা অদুনা মেনশিনবা ৱাহন্থোককী শরুক অদুনি। থীওরি অসীদা ইনদিটর্মিনেটিব ওইবা
ৱাহন্থোক অসীবু হেন্না মমল লৈনা লৌই।
দিটর্মিনেটিব ওইবা
ৱাহন্থোক ফংনবা পাবা অপাবা অদুবু ইমপ্লাইদ
রিদর হায়না কৌরে অদুগা ইনদিটর্মিনেটিব ওইবা ৱাহন্থোক ফংনবা পাবা অপাবা অদুবুনা
অমুক একচুয়েল রিদর হায়না কৌরে।
রিদর রেষ্পোন্স থীওরিগী মশকশিং
খোরীরোলগী ময়েক(text)শিংবু মথৱায় হাপতুনা
অহিংবা ওইহল্লিবসী অপাবননি হায়বসীদা মান্নবা মীৎয়েং লৈরবসু রিদর রেষ্পোন্স থীওরি-গী মনুংদা অমুক তোঙান-তোঙানবা মীৎয়েং কয়ামরোমনা
মশা ফন্দোক্তুনা লৈ। লোইস তাইসন (Lois
Tyson) না পীবা মরু ওইবা মশা মঙা অদুদি-
১. ত্রানজেক্সনেল রিদর রেষ্পোন্স থীওরি (Transactional reader-response theory)
২. এফেক্টিব ষ্টাইলিষ্টিক্স (Affective stylistics)
৩. সবজেক্টিব রিদর রেষ্পোন্স থীওরি (Subjective reader-response theory)
৪. সাইকোলোজিকেল রিদর রেষ্পোন্স থীওরি (Psychological reader-response theory)
৫. সোসিএল রিদর রেষ্পোন্স থীওরি (Social reader-response theory)
খোরীরোল অমসুং মণিপুরী খোরীরোল
খোরীরোল (সাহিত্য) হায়বসী পর্ফোর্মেটিব আর্ট অমনি। অপাবা নৎত্রগা
ভাবোক অমনা পারিঙৈ নৎত্রগা য়েংলিঙৈ/তারিঙৈ মতমদা খোরীরোলনা পর্ফোমেন্স পীবনি। (literature is a performative art and each reading is a
performance) পাবিদবা খোরীরোলদি মথৱায়
য়াওদবা ময়েক ওইদুনা লৈ, পর্ফোমেন্স পীদনা লৈ। ময়েকশিং অদুবু মথৱায় হাপতুনা অহিংবা
খোরীরোল অমা ওইহনবা ঙম্লিবসী অপাবননি। অপাবা য়াওদবা খোরীরোলদি অশিবনি। (the text doesn’t have any meaning without a reader.)
ময়েকশিংগী মশাগী ওইবা
অরেপ্পা অমসুং অরোইবা ৱাহন্থোকসু লৈজদে। খোরীরোলগী ৱাহন্থোক অসী ময়েককা অপাবগা
অনীগী পাউ ফাওনবা অদুগী মখা পোল্লি। মরম অদুনা অপাবশিংগী হৈ-শিংবগী য়ূম্ফম অমসুং ফীবম
খেন্নবা মতুং ইন্না মখোয়না ময়েককা উনরুবা মতুংগী পাউদম অসী খেন্নগনি। খেন্নবা
অসীনা মরম ওইরগা খেন্ন-খেন্নবা ৱাহন্থোক থোকহল্লকপা ঙম্বনি। অপাবা অমনা টেক্স অমবু
অনীরক হন্না পাবদসু খেন্নবা ৱাহন্থোক থোকহল্লি হায়না য়ানৈ। অপাবনা ময়েককা উনরিবা
অসী হকথেংনবা থৌওংনি, নাকোইনবা নত্তে। মরম অদুনা খোরীরোলদা অপাবগী মফম অসী
থোইদোক্না শীংথানীঙাই ওইরিবনি।
মণিপুরী খোরীরোলসু
পর্ফোর্মেটিব আর্ট অমা ওইনা লৈবনি। অপাবনা পাবা মতমদা খোরীরোলনা পর্ফোমেন্স পীদুনা
অপাবগা উনবনি। উনরুবা অদুনা মরম ওইরগা মহাক্না হিংবা ফংজবনি। অপাবা য়াওদ্রবদি
মণিপুরী খোরীরোলসু মথৱায় য়াওদবা হকচাং ওইদুনা লৈগনি।
অইবা অমসুং অপাবাঃ মশক লেপ্পা
অইবা টেক্স অমবু পারিবা
অমসুং টেক্স অমা পারিবা অদুবু তারিবা নৎত্রগা টেক্স অদুনা ঊৎলকপশিংবু য়েংলিবা
অদুবু অপাবা কৌই। অপাবা অসীবু ফীবম খরদা ভাবোক (অয়েংবা অমসুং অতাবা)
হায়নসু লৌবা য়াই। মখাগী অসীদা মীৎয়েং থম্বা য়াই
|
ইদ্রিঙৈ
|
-
|
ইরিঙৈ
|
-
|
ইরবা তুং
|
|
Before writing
|
-
|
while writing
|
-
|
after writing
|
ইদ্রিঙৈ মতমগী মীওই অসী মীচমনি, অইবা (খোরীরোলমী / সাহিত্যকার) হায়বসী ইরিঙৈ
মতমগী মীওই অদুবুনি, অদুগা ইরবা তুং-গী মীওই অদু অমুক হন্না অইবা ওইদ্রে, মহাক মশামক্না মশামক্কী খূৎই
অদু পাবদা মহাক অপাবা ওইরে। ইবা হেক লোইবদা অইবা অদু শিরে অদুগা মহাক্না অপাবা
ওইনা মপোক ফংলে। ("the death of the author is the birth of the
reader." – Roland Barthes) ৱাহৈ পরেং অসীবু অমুক অসুম্নসু হায়- “the birth of the reader must be at the cost of the death of the author.”
পাবগী মওং অনী
পাবগী মওঙসী অনী লৈ হায়না
য়ানৈ। অমনা খোরীরোলগী টেক্স অমবু লৌখৎলগা মহাউ ফংজনবা পাবগী মওঙনি, মসীবু এসথেটিক্স রিদিং হায়না খঙনৈ।
অদুগা অমনা অইবা চেরোল খরবু লৌখৎলগা ঈ-পাউ ফংনবগীদমক পাবা মওঙনি, খূদম ওইনা
টেলিফোন বুক, দাক্টরগী প্রেসক্রিপসন, হীদাক্কী ইনফোর্মেসন অসীনচিংবা, মসীবুনা এফরেন্ট রিদিং হায়রগা খঙনৈ। মখাগী
লাইয়েক অসীদা মীৎয়েং থম্বা য়াই-
পাবগী
মওঙ |
এসথেটিক এফরেন্ট
 |
ফোঙদোক্কদবা ফোঙদোক্লোইদবা |
|||
 |
|||
মমল লেপ্নবা নুঙাইজনবা খঙজনবা
(রিদর রেষ্পোন্স থীওরিনা এসথেটিক রিদিং অসীবু য়াম্নমক মরু ওইনা
লৌই। এফরেন্ট
রিদিংগা থীওরি অসীগা মরী লৈনদে।) মণিপুরী খোরীরোলগী তাইবংদসু এসথেটিক রিদিং অসীদা খোরীরোলগী মমল
লেপতুনা ফোঙদোক্কদবা মখলগী ওইবা পাবগী মওঙ অসী লৈ। মখোয়না খোরীরোলগী মমল লেপতুনা
অফ-ফত্ত অমসুং অনেম-অৱাং অতৈ অপাবশিংদসু খঙহল্লি। মায়গৈ অমরোমদা, মশাগী নুঙাইজনবা
নৎত্রগা খঙজনবা পাবগী মওঙসু লৈ। মখোয়না পাদুনা টেক্স অদুবু মমল লৈহনবা ঙম্লবসু
ফোঙদোরক্তবনিনা মমল অদু অতৈদা খঙহনবা ঙমদে। মীৎয়েং অসোমদগী য়েংলগা হায়বা য়াবদি, এসথেটিক রিদিং অসীদা থীওরি অসীনা
ফোঙদোক্কদবা অমসুং ফোঙদোক্লোইদবা অনীমকপু শৌগৎলবসু মরু ওইনদি মমল লেপতুনা
ফোঙদোক্কদবা মখলগী ওইবা পাবগী মওঙ অসীবু হেন্না মীৎয়েং থম্বা উবা ফংই। পারগা
রেষ্পোন্দ তৌবসী থীওরি অসীনা পাম্মী।
অইবা, ময়েক অমসুং অপাবা
ময়েক শাগৎতুনা খোরীরোলগী
মশক শেমগৎলিঙৈদা ওইবা অইবনি। ইবা
লোইবদা মহাক্কী মথৌ লোইরে। মশাগী মথৌ লোইশিল্লকপদা মহাক্না শেমগৎচবা পোত্থোক ওইবা ময়েকশিং অসী অপাবা খুনাইদা শিন্নরম্মী। ময়েকশিংনা অমুক অপাবা অমা ফংদ্রিবা ফাওবা
তূমদুনা লৈ। অপাবা অমনা ময়েককা উনরবতদা ময়েকনা হৌগৎলি নৎত্রগা হিংগৎলি। অপাবনা
ময়েককী মমল লেপ্পী, মথৱায় হাপ্পী, ৱাহন্থোক লৈহল্লি।
মণিপুরী খোরীরোলগী অপাবশিং
অপাবা হায়বসী ইচম চম্না, অহানবা
মীৎয়েংদা খঙবা য়াবসী লোনসু খঙবা অমসুং লোন অদুবু ইরিবা ময়েক অদুসু পাবা ঙম্বা অদুবুনি।
মখাগী অসুম্না মশক লেপ্পা য়াই-
|
|
লোন
খঙবা
|
|
ময়েক
পাবা ঙম্বা
|
|
|
১
|
Ö
|
|
Ö
|
|
|
২
|
Ö
|
|
X
|
|
|
৩
|
x
|
|
Ö
|
|
|
৪
|
x
|
|
X
|
|
লোন খঙলগা ময়েকতি পাবা
থোক্তবা, লোনদি খঙদনা ময়েক পাবা থোকপা নৎত্রগা লোনসু খঙদবা ময়েকসু পাবা থোক্তবা
মীওই অমনা অপাবা মী ওইবা ঙমদে হায়বসিনি। মণিপুরী খোরীরোলগী অপাবশিং হায়বসী মণিপুরী
লোন খঙবগা লোয়ননা লোন অদুবু ইরিবা ময়েক (বাংলা / মীতৈ ময়েক / রোমান ময়েক / দেবনাগরি ময়েক) অদু খঙদুনা পাবা ঙম্বা মহাক অদুনি হায়না
লৌবা য়াই।
খরা লূপথবা মীৎয়েংদগী
হায়বা য়াবদি, অপাবা হায়বসী খোরীরোলগী মহাউ লৌনবা পারিবা এসথেতিক রিদরশিং অদুবুনি।
হেন্না মমল লৈবা অপাবা হায়রগদি খোরীরোলগী টেক্স অমবু পারগা মমল অমসুং মগুণ লেপ্নবা
হোৎনদুনা ৱখল্লোন ফোঙদোকপীবা অদুবুনি। মসীদা অইবগী ৱাখল্লোন খঙবিবা ঙম্বা গুণ
অমসুং উবিবা ঙম্বা মীৎয়েং য়াওবা অপাবশিংবু ইন্টেন্দেদ
রিদর হায়না কৌবা য়াই অদুগা অইবা অমনা লান্থোরকইবা টেক্স অদুগী মায়োক্তা
লেপ্পগী মীৎয়েং য়াওবা অপাবশিংবুনা রিসিষ্টিং
রিদর হায়না কৌবা য়াই। রিসিষ্টিং রিদরশিংগী মীৎয়েং অসী এন্টাগোনিষ্ট নৎত্রগা
মার্জিনেল করেক্টর অমা ওইনা য়েংলম্বা য়াই হায়না লৌনৈ।
মণিপুরী অইবা অমসুং অপাবা অনীগী মরক্তা লৈনবা মরী
অইবা অমনা ইবগী থবক
চত্থরকপা মতমদা মহাক্কী য়ূম্ফম অমা লৈজৈ। য়ূম্ফম অদু মশাগী নাৎ, পুৱারী, চৎনরোল,
পূক্নীং লৌশিং, তানশিঞ্জরকপা এক্সপরিয়েন্স, ৱার্ল্দ-ভিয়ু, মশাগী শাগৈ-জাৎ-কুচু
অমসুং মশাগী জেন্দর-গী ওইবা ফীবমদা মীৎয়েং থম্লগা শাগৎপনি। মরম অদুনা, অইবশিংগী
পোত্থোক্তা খেন্ন-খেন্নবা মশক অমসুং থাক উবা ফংলিবনি। মায়কৈ অমরোমদা, অপাবা অমগীসু
পঞ্জখ্রিবা অইবা অমগী য়ূম্ফম অসীগা মান্নবা মওংদা লৈবনি। মশা-মশাগী য়ূম্ফম চেৎপা
অমসুং চেত্তবা মতুং ইন্না মখোয়না অইবা পোত্থোক অমগী মগুণ অমসুং মমল লেপ্নরকপগী
চাংদা খেন্নবা মশক লৈরকইবনি।
অইবা অমসুং অপাবা অনীগী
লৈনরিবা মরী অসী ময়েক (text)কী
খূত্থাংদনি। মরম অদুনা মখোয়গী মরী অসী হকথেংনবা নত্তে, নাকোইনবনি। নাকোইনবা মরী
ওইরবসু লৈনরিবা মরী অসী মাইয়োন অনীদগী লৈনৈ হায়না লৌবা য়াই। মখোয় অদুদি- ১. মশীংদা
য়ূম্ফম ওইবা মরী অমসুং ২. মগুনদা য়ূম্ফম ওইবা মরী
১. মশীংদা য়ূম্ফম ওইবা মরীঃ খোরীরোলগী টেক্স অমা অপাবগী খূৎতা লাকপসী মওং
অহূমদনি হায়না মপূং ওইনা লৌবা য়াই। মখোয় অদুদি- খূদোলপোৎ ওইনা ফংবা, মশানা লৈজবা
অমসুং ৱায়জবা অসীনি। মণিপুরদা অইবনা মখোয়গী লাইরিকশিং খূদোলপোৎ তৌবগী চৎনবী লৈ।
লাইরিক ফোঙবা নুমিৎতা পাউকৎ-চেরোল ফংদুনা থৌরম শরুক য়ারবশিংদা লাইরিক লেম্না
ফংহনবা অসী পাক শন্না চৎনৈ। অইবগী য়ূমদা কোয়রুবদা নৎত্রগা অইবনা লম কোয়থোকপদা
থেংনবা মীওইশিংদা খূদোল তম্নবা অসীসু চৎনৈ। অইবনা লাইরিক খূদোল তৌবা অসী মশানা
অপাবশিংগা শেমজবা মরীনি হায়না লৌবা য়াই, অদুগা অপাবা অমনা লাইরিক য়োনফমদগী লৈবা
নৎত্রগা অইবা মশাদগী খূদোল ওইনা ফংজনীংদুনা লৌরবা অসীনা অপাবনা শেমজবা মরীনি হায়না
লৌবা য়াই।
মণিপুরদা অইবা অমনা মশাগী
লাইরিক ফোঙদোক্নরিবসী মশীংদা চাউরাক্না কোপী ৫০০ দগী ১০০০ ফাওবনি। কোপী মশীং ১০০০
দগী হেন্না ফোঙবা লাইরিককী মশীংসী য়ামদে। বল্ক পর্চেজ নত্তবদা অপাবনা লাইরিক
য়োনফমদগী খোরীরোলগী টেক্স লৈবগী চাং অসী য়াম্না নেম্মী। অদুম ওইনমক, অফোঙবা
লাইরিকশিংবু খোমজিন্দুনা থমজবা মীওই খরসু লৈতবা নত্তে। মখোয়না পারগা করিগুম্বা ৱাহৈ
অমত্তসু ফোঙদোক্তনা পানবগী ময়ূমদা মশীং য়াম্না খোমজিন্দুনা থম্লগা শেম্বা মখলগী
মরী অসীবু মশীংদা য়ূম্ফম ওইবা মরীনি
হায়না থমজরি।
২. মগুণদা য়ূম্ফম ওইবা মরীঃ খোরীরোলগী টেক্স অসী মশাগী ফোঙদোক্লবা
লাইরিকশিংদতা নত্তনা নুংতিগী ফোঙবা পাউচেদা, চয়োলগী, থাগী নৎত্রগা থা ৩, ৪, ৬
নৎত্রগা চহীগী তোঙান-তোঙানবা চেফোঙশিংদসু পাবা ফংই। কনাগুম্বা অপাবশিংদি মসীদসু
পূক্নীং থম্মী। অইবগী থৌইনশিনদগী ওইরবসু, লূপ অমগী থৌইনশিনদগী ওইরবসু নৎত্রগা
থৌইনশিন অমত্তা য়াওদ্রবসু অপাবা অমনা থেংনবা খোরীরোলগী টেক্স অমা পারগা পূক্নীংদা
ঈনশিল্লক্তুনা অতৈদা পাউদম্নীংবদগী নৎত্রগা টেক্স অদুগী অফবা মগুণ অদু
শীংথানীংদুনা নৎত্রগা মমল লেপতুনা অতৈদা ফোঙদোক্নীংবদগী কূপ্না পারগা অইবা মওঙদা
ৱারী শাদোরকই। অসীগুম্বা মখলগী মরী অসীবুনা মগুণদা
য়ূম্ফম ওইবা মরী হায়না থম্বা য়াই।
লোইশিল্লকপদা থৌদোক ৱারী
অনীখক নীংশিংবা পাম্মী। অমনা খোরীরোলমী ওজা লাইশ্রম
সমরেন্দ্র-গীনি অদুগা অমনা ওজা কৈশাম
প্রিয়োকুমার-গীনি। ওজা সমরেন্দ্রগী শৈরেং অমা (চীং কাসি ঙসিদি) পারগা ওজা
নৈনরোয় এন তোম্বী (নোংমাই পণ্ডিত) য়াওনা নৈনরোয় কাঙবু অমনা মশা-মশানা ফংবা ৱাহন্থোক
পীনবদা ৱাখল্লোন তোঙান-তোঙানবা থেংনবদগী কাঙবু অদুনা পূন্না ওজা সমরেন্দ্রবু উনবা
চৎখি। মখোয়-মখোয়না ফংবা ৱাহন্থোক অদু ওজাদা তাহল্লবা মতুংদা ওজাগী ৱাখল্লোন অদুমুক
হংখি। মদুদা ওজা সমরেন্দ্রনা ‘নখোয়না
হায়নরিবশিংদু ঐনা ইবা মতমদা অমত্তসু খনখিবা লৈতে’ হায়না পাউখুম্বীরকই হায়না ওজা তোম্বীনা ৱারী শাবিখি।
নোংমা ওজা কৈসাম প্রিয়োকুমারগা
উনবা (ইন্টর্ভিয়ু) অমদা ওজানা মহাক্কী লাইরিক ‘নোংদি তারকখিদরে’দা অপাবশিংনা ৱাখল্লোন ফোঙদোক্তুনা ইনরখিবশিংদু
পেন্দবা ফোঙদোক্লগা হায় ‘মখোয় (অপাবা / নৈনরোয়)দি নোংমতসু চীংদা কারুদে,
পাৎতা কূম্মুদে। লায়রবা চীংমী অমগী পুন্সী অদু খঙদে, পাৎতা কূমদুনা পূকচাক
তাল্লিবা পুন্সী অদু খঙদে, লায়রবা লৌমী অমগী অৱা-নুংঙাই অদু মখোয়না হকথেংনদে। ঐদি
মখোয়গা লৈমিন্নরুরে, তিন্নরুরে, লোয়নরুরে, হিংমিন্নরুরে। অদুনা মখোয়গী উরক্লবা পুন্সী
অদু ঐনা পানখত্তুনা য়েক্লে। অদুগা উসু উনদবা, লোয়সু লোয়নদবা, তিনসু তিন্নদবা,
হকথেংনদবা, শহরদা লৈবা ক্রিতিকশিংনা মখোয়গী পুন্সী কদায়দগী খঙলগদগে? লৈখোম তোৎতবা মীনা লৈখোম তোৎপা পুন্সীগী অৱাবা কদায়দগী
খঙবিরগদগে?’
ৱারী অনীসিদগী ঐখোয়না খঙবা
ৱাফম অমদি- অইবা অমসুং অপাবগী মরক্তা লৈনরিবা এক্সপরিয়েন্সকী খল অসী খেন্নরে
হায়বসীনি। অহানবগী ৱারীদা অপাবগী এক্সপরিয়ন্সনা খোরীরোলগী টেক্সপু ৱাংনা থাঙ্গৎলগা
হুমদুনা পুখিবা উবা ফংই। অদুগা অনীশুবগী ৱারীদা অপাবদগী অইবগী এক্সপরিয়েন্সনা
হেন্না ৱাংনা লৈখিবা ওইনা উবা ফংই। অসুম্না খল মান্নদবা অসী য়াম্না তোয়না থোকই।
মীৎয়েং অসোমদগী য়েংবদা ঐখোয়গী অইবা অমসুং অপাবগী মরী অসী খল মান্নদনা লৈ হায়বসিনি।
খল মান্নদবা অসীনা অইবদা তন্থহনবা নৎত্রগা করিগুম্বদনা অপাবদা হৈনীংহন্দবা
থোক্তুনা অফবা মরী অমা শেম্বা ঙমদবা মাইয়োন অদুসু উদবা নত্তে।
হৌজিক মীরোলগী অপাবা খরনা
ইমপার্সোনেল ওইবা, হ্যুমেনিজমদা য়ূম্ফম ওইবা, য়ুনিভর্সেল থিংকিং য়াওবা অমসুং ষ্কুল
ওফ থোৎ অমগী মখাদা পাদম লাক্না ইবা পোত্থোক ঐখোয়গী অইবশিংদগী পাম্মী। অসীগুম্বা
মচলশিং অসী য়াওদবা পোত্থোকশিংবু হৈনীংদবগী অমসুং পানীংদবগী ৱাখল্লোন ফোঙদোকই। নাকন
অমরোমদনা, অইবশিংনা মখোয়গী পোত্থোকপু চপ চানা খঙবীবা ঙম্বা অপাবা থোরক্তে হায়না
ফোঙদোকই। অসীগুম্বা এক্সপরিয়েন্সকী খল মান্নদবা অসী লৈখ্রবসু মপূমদা য়েংবদা
মণিপুরদা মশা ঈকপা অপাবা খরা অদুগা অইবা খরা লৈখি হায়বসীদি অচেৎপা ৱাফম ওইনা থম্বা
য়াই। অদুবু হৌরক্লিবা নহা মীরোল অসীগীদি অয়াম্বনা ৱাহং ওইনা লৈরি।
ৱারোইশিন
খোরীরোলগী ৱাহন্থোক অসী
টেক্স অদুদা লৈবা নত্তে, পাবা মতমদা থোরকপনি। অপাবশিংগী মশাগী এক্সপরিয়েন্স
খেন্নবা লৈবনিনা মখোয়না খোরীরোলগী ৱাহন্থোক পীনরকপা মতমদসু খেন্নবা লৈবনি। মদু
লিতরেরি থীওরিশিংগী তোঙান-তোঙানবা পাদম লাকপদা ওইবসু য়াই নৎত্রগা রিদর রেষ্পোন্স
থীওরিগী তোঙান-তোঙানবা মশাশিংদা ওইবসু য়াই। মখোয়গী মনুংদা খরনা অতৈদগী হেন্না মপূং
ফাবা ৱাহন্থোক পীনরকপা ঙম্বসু য়াওনরকপা শোয়দবনি। মতৌ অদুম্না, অইবশিংনসু মখোয়গী
লিতরেরি প্রদক্ট অদু তোঙান-তোঙানবা ষ্কুল ওফ থোৎ য়াওবা কলা অমা ওইনা লান্থোরকপগী
তঙাই ফদবা লৈ।
মায়গৈ অমরোমদা, মীওই ফূরুপ
অমগী অপাবশিংনা ফূরুপ অদুগী অইবা অমগী পোত্থোক পারগা ৱাহন্থোক পীনরকপা মতমদা
খেন্নবা খরা মখৈ লৈরবসু মান্নবা মশক খরদি কম্ম্যুনিতি এক্সপরিয়েন্স মান্নবা লৈবনা খরমখৈ
মান্নবসু য়াই। অদুবু কম্ম্যুনিতি এক্সপরিয়েন্স খেন্নবা অপাবা অমনা অতোপ্পা ফূরুপ
অমগী খোরীরোলগী টেক্স অমা পারগা ৱাহন্থোক পীরকপা মতমদদি চাউনা খেন্নবা লৈগনি হায়না
য়ানৈ। মণিপুরগী খোরীরোলদা হায়রিবা কম্ম্যুনিতি এক্সপরিয়েন্স মান্নবা লৈরবসু অপাবগী
খেন্নবা মতৌ অসী খরমখৈদি লৈরে। অদুমক ওইনমক, খেন্নবা খরমখৈ উরবসু মশেনগী মরক্তা অফবা
মরী অমদি শেমগৎনবা লাক্নৈ হায়বসী শোন-শোন্না ওইরবসু তশেং-তশেংনদি উবা ফংই। শম্না
হায়রবদা, মণিপুরগী খোরীরোল (সাহিত্য)দা অইবা অমসুং অপাবগী মরী অসী হেন্না নক্নহনবা
অমসুং চেৎহনবগা লোয়ননা থীওরি অমগী পাদম লাক্তুনা নৈনবগী অৱাংবা থাক অমদা কাখৎলকপগী
তঙাইফদবদি লৈরি।
মশেনগী মরক্তা লৈনরিবা মরী
অসী হেন্না নকশিন্নহন্নবা অমসুং চেৎশিন্নহন্নবগী ওইনা মরী অসীগী মতাংদা কূপ্না
নৈনবা চঙলি, অপাবশিং একচুয়েল অমসুং এসথেতিক রিদর ওইরক্নবা ফনা ঈনশিনবগা
লোয়ননা হেন্না পূক্নীং শৌগৎপীবা চঙলি। অইবশিং খরসু হেন্না মাঙলোমদা চৎখৎলক্তুনা
শীংথানবা য়াবা থাক অমদা লাক্নবা হোৎনবা চঙলি। পূম্নমক অসীগীদমক ঐখোয় পূন্না কোক
চূংশিন্নবগী তঙাই ফদবা লৈরি।
তানজখিবশিং-
- Barthes,
Roland. “The Death of the Author.” Art and Interpretation: An Anthology of
Readings in Aesthetics and the Philosophy of Art. Ed. Eric Dayton.
Peterborough, Ont.: Broadview, 1998. 383-386. Print.
- Barthes,
Roland. Image/Music/Text. Trans. Stephen Heath. New York: Noonday, 1977.
- http://pt.slideshare.net/dijamalik39/reader-response-theory-33860734?nomobile=true&smtNoRedir=1
- https://en.wikipedia.org/wiki/Reader-response_criticism
- https://www2.cnr.edu/home/bmcmanus/readercrit.html
- Keisam
Priyokumar Singh, Sahitya Akademi Awardee, Imphal
- Nongmaithem
Tombi Singh, Rtd Prof, Manipuri Department, Manipur University, Imphal
- Tompkins, Jane P. (ed.)
(1980). Reader-response
Criticism: From Formalism to Post-structuralism. Johns Hopkins
University Press. ISBN
0-8018-2401-X.
- Tyson, Lois
(2006). Critical theory
today: a user-friendly guide, 2nd edn. Routledge, New York and London
