Manipur-da LANGUAGE DIRECTORATE

Manipur-da LANGUAGE DIRECTORATE haangbagi waarep cabinet-na lourakpagi haraaoba marakta ingak ngakpa waafam kharadi-

1. 2015 da Meetei Mayek-na class X thaarakkadaba leibana tangaai fadaba leirakpadagini haaibasini.

2. thabak yaamna tougadaba leibana Directorate asigi Director IAS officer amana oigani haaibasini.

3. class IX amasung X gi tamna laairik-sing Meetei Mayek amasung Roman Mayekta onthoknaba cabinet-na waarep loure haaibasini. Masida Roman Mayek asida angaangsing-gi text book leihannaba thouraang ama amuk paaikhatlakpasini.

4. Directorate asi MANIPURI LANGUAGE DIRECTORATE ama oina uhannaba hotnarakpa asini.

5. Manipur-gi chingmee LUP amattana haraaoba fongdoraktaba asini.

6. MEETEI LON amasung Meetei Mayek-khaktagi oigadaba Directorate ama oina meeyoi kharana uhannaba hotnarakpa asini

7. chahi 30 romdagi daabi taanduna laakkhiba LUPsingna daabii fanglakpa matam asida haraaoba fongdoraktaba asini.

8. paaoche kharana paao iba matamda MANIPUR APUNBAGI OIBA LON-sing-gi Directorate oina iraktaba asini.

masidi yaamnamak laaibak thibani. Directorate asi MANIPURI LON yaaona sarkaar-na sakkhanglaba amasung sakkhangdriba Manipur-gi LON khudingmakki Directorate ama oigadouribani. Meetei LON amasung Mayek khaktagi Directorate oigadaba natte.

Maniur-da LANGUAGE DIRECTORATE

লেংগোইস দিরেক্টোরেত

MANIPUR-da leiriba ipaachaa-ipuchaa khudingmakta LANGUAGE DIRECTORATE ama haangnaba cabinet-na loukhiba waarep asigi nungaaiba amasung haraao tayaamba fongdokchari.

DIRECTORATE asina Manipur-da ngaangnariba LON khudingmak-ki chaaokhat-thouraang-gi mataangda mityeng changsillaklagani haaina thaajaba thamli. DIRECTORATE asina mapung oiba mityeng changgadabasi mityeng ahum-dani.

1. MANIPURI LON (State, Court, Official Language oiba)
2. Leingaak-na sakkhanglaba Chingmee LON-sing
3. Leingaak-na sakkhangdriba Chingmee LON-sing

asini. chahi 30 henna daabi touduna laaklaba DIRECTORATE asi haangnaba waarep louriba leingaak puba angamba-sing amasung mari leinaba pumnamakpu ngamkhei leitana thaagatpa fongdokchari.

  - - -

লেংগোইস দিরেক্টোরেত অমা লৈদুনা লোন চাওখৎনবা হোৎনগদবদু এজুকেসন দিপার্টমেন্টকী কাখু অমদা সেল ওইনা হাংদুনা লৈরম্বনা মরম ওইরগা মণিপুর সরকারনা মশাগী লোন চাওখৎনবা হোৎনবদা মঙম শান্দদুনা লৈরম্বনি ৷ দিরেক্টরেত অসি হন্দক নুমিৎ ১০ নি অসিগী মনুংদা হাংবা ঙম্লগনি হায়বা থাজরে ৷ হাংবা ঙম্লবদি মণিপুরী লোন য়াওনা মণিপুরদা লৈরিবা লোনশিং চাওখৎহনবা ঙম্লগনি হায়বসি শোয়দ্রবনি ৷

ঐখোয়না মতম কুইনদগী তান্দুনা লাকপা দাবী অদু হন্দক ফংলগনি হায়বগী থাজবা লৈরে ৷ হীরম অসিদা মোইরাংথেম ওকেন্দ্রনা কয়ারক হন্না কম্মিৎমেন্ট পীখিবসু লৈরে ৷ মণিপুরী লোন (অতৈ চীংমী লোনশিং য়াওনা) চাওখৎলক্নবগী মরু ওইবা পাম্বৈ ওইরিবা দিরেক্টোরেত অসি হাংলগনি তাবদা থম্মোয়দা ফাওবা ঙমখৈ লৈতবা হরাওবা অদু ফোঙদোকচরি ৷

মণিপুরী লোন, খোরিরোল অমসুং ময়েক হেন্না চাওখৎলকপা ওইরসনু ৷

http://hueiyenlanpao.com/headlines/item/7618-language-directorate-in-10-days-assures-edn-minister-okendro — with Rakesh Naorem and 19 others.

Valentine day 2013

Thamoi-da meetamliba eigi thawaai-gi mabema
nungsi irik chaaidabana kangsillaba nang-gi maaithong
tekhatchanaba ngasi haairage 'Happy Valentines Day'
Christian Saint Valentinus-pu ningsingba numit asida.

William Shakespeare-gi HAMLET, Act IV, Scene 5-ta iramba pareng kharadang loukhatchari-

"To-morrow is Saint Valentine's day,
All in the morning betime,
And I a maid at your window,
To be your Valentine.
Then up he rose, and donn'd his clothes,
And dupp'd the chamber-door;
Let in the maid, that out a maid
Never departed more."

Ratan Thiyam

YAKAIRO kouba supplementary issue amamam Nongmaaijing khuding-gi machu sangduna (colour touduna) "Matam-gi Yakairol" (nungti-gi paaoche)-na fongbagi ahaanba issue-da eihaak-na Padmashree Ratan Thiyam-bu interview loujaraga haapchakhi.

matamduda (akaknaba kaaore, 1998/9 oiramba yaai) ojaa Thiyam-na ei-ga unaduna waari saabiraga YAKAIRO da haappa yaahanbikhiba adu ngasi amuk ojaa-gi foto asi ururaga haraaoba faaorak-i.

ningsingbada nungaai- chahi 15 rom mamaang-da eihaak-na ojaa-ga waari saanajakhi. waari saananaba matam ojaa-na eingonda pinabikhi.

DZUKO TAMPAAK-KI KHONGCHAT NINGSINGBA

1999-gi July thaa-da MMTA (Manipur Mountaineering and Trekking Association) na sinduna chatkhiba 'Dzuko Tampaak' youba khongchat amagi leihouba foto ama. khongchat asi ei-gi anisubani. ahaanbadu 1997-gi November-da chatlubani.

nong yaamna chukhiba anisubagi khongchat aduda akangba fi-rol amatta yaaonakhidabani. chaak-su thonglaga chaanakhidabani. tampaak youba matamda nungsaa thoraktuna fi-rol foudoknakhi. chaak thongduna chaakhi. numit nini-da yougadaba khongchat-tu humni changkhi. Lily saatpa matam oibana ubasu fanglakkhi. ahaanbagiduda urakte.

Mao-dagi Aalu (Potato) firm laanthoklaga km 5/6 muk haraao-haraaona chatnaramba meeyoi kayaana km 10 hellakpa matamdagidi famlaga kapnakhiba 'kari nung-gi laakcharurabano' haaina sonnakhibasing-du ningsing-i.

kanaa amatta yaaodana ahingda km 3 rom nonglakta itomta paao puthok-pusin touba chatkhibagi akiba experience ei-gi lannaai oina khongchat asida leikhi. meeyoi 70 rom-na chatkhiba khongchat asida chokthaba leikhidaba ningol machaa-singdu ningsingli. makhoigi thounaa, meeyok meechaan, khaangba kanba, loinabasingda touba sebaa amadi khongchat asi maai paaknabagidamak katthoklaba matoudu fana singthaaningaaini.

hallakpadadi Zakhama-romda kumthaba faklaanggumna ngamba lambi aduna khara samjilli haaiduna kumthanarakkhi. madugi waarising tongaanna leikhrasanu.

Dzuko tampaak-ki chayetnaba-sing makhaa taana leitrasanu.

ফেব্রুৱারি ২১ - মালেমগী ওইবা মমারোলগী নুমিত (ইন্টরনেশনেল মাদর লেঙ্গোইজ দে)

শহীদ মিনার, ধাকা, বাংলাদেশ

নুমিত অসি য়ুনেসকো-না ইং ১৯৯৯ গী নবেম্বর ১৭ তা ইহান হান্না লাউথোকখ্রবা মতুং ইং ২০০০ দগী হৌনা ফেব্রুৱারি ২১ বু ‘মালেমগী ওইবা মমারোলগী নুমিত’হায়না পাঙথোকপা হৌরকখি৷লিঙ্গুইষ্টিক, কলচরেল দাইভর্সিতি অমসুং মল্টিলিঙ্গুএলিজমবু হেন্না মমল লৈহনবদা থৌদোংবগী মীতয়েংদা নীংশিংগদবা নুমিত অসিগী হৌরকফমদি বাংলাদেশতনি৷

মতম অমা বাংলদেশনা পাকিষ্টান ওইরিঙৈ ইং ১৯৫২ দা বাংলা লোনবু অনীশুবা জাতিগী লোন ওইনা শকখঙবিয়ু (মতম অদুদা উর্দু-না নেশনেল লেঙ্গোইজ ওইরম্মী) হায়না ধাকা য়ুনিভর্সিতি অমসুং ধাকা মেদিকেল কলেজগী মহৈরোয়শিংনা দাবী তানবা খোঙচত কয়া চতখি৷অদুবু মতমদুগী লৈঙাকনা দাবী অদু পীবগী মহুত্তা মীওই কয়াবু ধাকাগী লম্বীদা নোংমৈনা কাপতুনা অশোক অপন নংহনখিবগা লোয়ননা মীওই কয়াগী থৱায় লৌখি৷লৈখিদ্রবশিংগী মনুংদা আবদুস সলাম, রফিক উদ্দিন অহমদ, সফিউর রহমন, আবুল বরকট অমসুং আব্দুল জব্বরগী মিং নীংশিংবা য়াই৷ কোন্নথংদা পাকিষ্টান লৈঙাকনা বাংলাবু নেশনেল লেঙ্গোইজ ওইনা শকখঙবিদুনা উর্দুগা চপ মান্নবা থাক্তা থম্বিখি৷

মতমদুদা হৌখিবা ঈহৌ অদুবু বাংলাদেশিশিংনা ‘বেঙ্গলি লেঙ্গোইজ মুবমেন্ট’ হায়না খঙনখি৷ মীওই কয়ানা শহীদ ওইখিবা তুংদা দাবী অদু ফংলগা মপুং ওইনা কাউঙখিদবা নুমিত ফেব্রুৱারি ২১ বু ‘লেঙ্গোইজ মুবমেন্ট দে’ নত্ত্রগা ‘লেঙ্গোইজ রিভোল্যুলন দে’ হায়না খঙনরম্বদগী ‘লেঙ্গোইজ মার্টিয়র্স দে’ নত্ত্রগা ‘মার্টিয়র্স দে’ (শহীদ দিবস) হায়না খঙনরকখি৷ নুমিত অসি বাংলাদেশকী ওইনদি বব্লিক হোলিদে-নি৷ নুমিত অসিবু ইন্দয়াগী ৱেষ্ট বেঙ্গলদসু ‘মার্টিয়র্স দে’ হায়না নীংশিং থৌরম পাঙথোক্তুনা লাকখি৷

মণিপুরদা নুমিত অসি হন্দক চহী খরনি অসিদগী থৱায় য়াওনা পাঙথোক্নবা হৌরকপা উবা ফংলে৷

WANGMADA kouba Bangalore-dagi fongba magazine amagi Vol-1, 2012 ta yaaoba mee maming neinaba

Chefong asida angaang maming 13 yaaona meeyoi 53 gi ming fangjei. Meeyoi 53 asida-

a.     nupaa 39 amasung Nupi 14 yaaori.
b.    Angaang (chahi 15 makhaa) masing nupimachaa 8 nupaamachaa 5 punna 13 ni.
c.     meeyoi  33 na masaagi ming haanna iraga Yumnaak konna i.
d.    meeyoi 14 na masaagi mapung faaba yumnaak haanna mayek sengna i.
e.     meeyoi 6 na masaagi yumnaak-ki makok adutabu ming-gi mamaangda thammi, mapung faana ide.
f.     Meeyoi 1 na masaagi mingkhaktamak i.
g.    Nupaa 7 na masaa-gi mingda Singh sijinnei.
h.     Nupi 4 na masaa-gi mingda Devi sijinnei. Nupi anina Chanu sijinnei.
i.      Mayaang maming 31 (angaang maning 3 yaaona), English maming 10 (angaang 5 yaaona) Meetei ming 9 (angaang 5 yaaona), Meetei-mayaang yaannaba 2 thollammi.

Waaroisin-

Nupaa-na ‘Singh’ amasung nupi-na ‘Devi’ sijinnaba tokpa matam oire. Angaang-gi ming thonbada Mayaang amasung English ming thondaba fare. Meetei ming thonbada henna pukning changbagi tangaai fadaba leiri. Yumnaak mapung faana ming-I maangda nattraga tungda sijinnabagi tangaaifadaba leiri.

Data oina fangjakhiba mingsing-

Ak. Mirabai Devi, Amar, Amarjit Thiyam, Anandjoy Laishram, Arun Yambem, Baru Lairenjam, Bikram Singh, Clifford Thiyam, Devananda S. Ningthoujam, Dinesh Waikhom, Heigrujam Daniel, Heigrujam Sheilaja, Ingoba Ningthoujam, Irom Devan, Irom Nganba, Irom Nini, James Oinam, Jammy Chungkham, Jananjoy Rajkumar, Jenial Thiyam, Jiban Moirangcha, Jibon K S Leihaothabam, Jiten Khumukcham, Johns Nongthomba, K. Sabita Devi, L. Kunjeswari Devi, Leshana Chungkham, Leyna Nongthombam, Marcel Khumukcham, Moirangthem Jiban Singh, Muhen Khundrakpam, Nirmal Kansam, Jemson Singh, O. Ibobi Singh, Ornela Thiyam, Parinita Heishnam, Potsangbam Omprakash, Premjit Leishangthem, Pukhrambam Khogendro Singh, Pukhrambam, Linthoingambi Devi, R. K. Danisana, Ramananda Moirangcha, Roopa Salam, Saratchand Thiyam, T. Mangibabu Singh, Tayenjam Bijoykumar Singh, Thangjam Chanu Rosy, Vivek Rajkumar, Vivekananda Ningthemcha, Wahangbam Lilita Chanu, Wahengbam Raseshwor, Wangkhem Dinesh Singh, Yaiphabi Wahengbam

Nungsibee Leibaaklei !

ikhang khanghoudana paaithokkhi tonglamba khunu-sing ufei-dagi
machu ahum-gi firaal cheikhokna nang-gi nathabaak thuumna yungbada
cheinaakhol-ga konnana othorakpada nang-gi nayaadagi ee-gi timbom.

angaangba eekheng-gi ichel nang-gi nathbaaktagi chentharakpa
machu sangli angouba khunu-sing masaa pumba chotthokladuna
mamit-ta sinthari ee-gi pi, hundorakli machin-dagi asangba unaa-su.

firaal amadi paairi maning tamna athaappa chingdum asigi maton-da
mei chaakliba umang-si faaoduna chatpasu taari Sangaai machaa-sing
mantiknaba taari nang-gi cheinaakhol-ga mit-tagi sinthariba ee-gi pi asiga.

(31-05-2011 da upload toukhiba seireng ama)

লেংগোইস দিরেক্টোরেত হাংলগনি

লেংগোইস দিরেক্টোরেত অমা লৈদুনা লোন চাওখৎনবা হোৎনগদবদু এজুকেসন দিপার্টমেন্টকী কাখু অমদা সেল ওইনা হাংদুনা লৈরম্বনা মরম ওইরগা মণিপুর সরকারনা মশাগী লোন চাওখৎনবা হোৎনবদা মঙম শান্দদুনা লৈরম্বনি ৷ দিরেক্টরেত অসি হন্দক নুমিৎ ১০ নি অসিগী মনুংদা হাংবা ঙম্লগনি হায়বা থাজরে ৷ হাংবা ঙম্লবদি মণিপুরী লোন য়াওনা মণিপুরদা লৈরিবা লোনশিং চাওখৎহনবা ঙম্লগনি হায়বসি শোয়দ্রবনি ৷

ঐখোয়না মতম কুইনদগী তান্দুনা লাকপা দাবী অদু হন্দক ফংলগনি হায়বগী থাজবা লৈরে ৷ হীরম অসিদা মোইরাংথেম ওকেন্দ্রনা কয়ারক হন্না কম্মিৎমেন্ট পীখিবসু লৈরে ৷ মণিপুরী লোন (অতৈ চীংমী লোনশিং য়াওনা) চাওখৎলক্নবগী মরু ওইবা পাম্বৈ ওইরিবা দিরেক্টোরেত অসি হাংলগনি তাবদা থম্মোয়দা ফাওবা ঙমখৈ লৈতবা হরাওবা অদু ফোঙদোকচরি ৷

মণিপুরী লোন, খোরিরোল অমসুং ময়েক হেন্না চাওখৎলকপা ওইরসনু ৷

http://hueiyenlanpao.com/headlines/item/7618-language-directorate-in-10-days-assures-edn-minister-okendro

অঙম্বা ইবুঙো মোইরাংথেম ওকেননা অহানবা ফোঙদোকখিবা ৱারোল

http://www.facebook.com/photo.php?fbid=370472463043555&set=a.107584809332323.15250.100002424144448&type=1&relevant_count=1

করিগীদমক হন্দোকলূপ, মণিপুর (মায়খুম হাংবা ৱারোল)

মায়খুম হাংবা ৱারোল

করিগীদমক হন্দোকলূপ, মণিপুর

০২-০২-২০১৩

mamaang- Dr. Ch. Sheela ramani Devi, ojaa Salam Tomba Singh, Prof. Elangbam Dinamani Singh (athoiba meethung), Prof. Jodha Chandra Sanasam (meefam mapu), ojaa A Kumar Sharma, Prof. I S Kangjam, ojaa Longjam Joychandra Singh.

maning- Dr. M. Priyabarta Singh, Lenin Khuman, Dr. H. Nirendra Singha, Bimol Lambamayum, Dr. N. Saratchandra Singh, Devchand Singh, Uttam Kumar Singh, Dr. Dolen Hidam, Ningombam Rabichandra.

‘হন্দোকপা’ হায়বসী হৌজিক্কী মতমদা য়াম্নমক তঙাইফদবা অমা ওইরে ৷ কনাগুম্বা অমনা করিগুম্বা ৱাফম অমা মালেমগী মীয়ামদা খঙহনগে হায়না নীংলবদি ‘হন্দোকপা’ অসীগী মপান্না নত্তনা অতৈ অতোপ্পা পাম্বৈ অমা লৈত্রে ৷ নাকন অমরোমদা, মালেমগী থোক্লিবা থৌদোক-ৱাথোক কয়ামরোমগী ঈ-পাউ খঙগে হায়রবসু ‘হন্দোকপা’ অসীবু পাম্বৈ অমা ওইনা শীজিন্নরি ৷ মরম অদুনা ‘হন্দোকপা’ হায়বসী হৌজিক্কী মতমদা য়াম্নমক তঙাইফদবা হীরম অমা ওইরক্লি ৷

মণিপুরদসু হন্দোকপগী মরু ওইবা অসী ১৮ অমসুং ১৯ শুবা চহীচাদগী হৌনা লৈরক্লি ৷ মরু ওইবগী খোঙচৎ অসীনা ঙসী ফাওবদা লেপ্তনা চৎলক্লি ৷ কৃয়েটিভ লিটরেচরদা, রিলিজিয়স টেক্সশিংদা অমসুং ঈ-পাউগী তাইবংদা লৌরিবা হন্দোকপগী থৌদাং অসী শীংথাদুনা লোইবা নাইবা অমা নত্তে ৷ কৃয়েটিভ লিটরেচরদা হন্দোকপগী খোঙথাং অসীনা খ্বাইদগী হেন্না মাঙজিন থানা চঙশিনবা অদুসু ঐখোয়না উবা ফংই ৷ ভারত সাহিত্য একাদেমিনসু মণিপুরী লোনদা হন্দোকপা সাহিত্যগী অফবা পোত্থোকতা ইং ১৯৮৯ দগী হৌনা মনা পীদুনা লাক্লি ৷ মণিপুরগী লূপশিংনদি হন্দোকপা লাইরিকশিংদা মনা-মথুম পীবসি কয়া থৱায় য়াওবা উদে ৷ মায়গৈ অমরোমদা, মণিপুরী লোনদগী ইংলিস অমসুং অতৈ ভারতকী লোনদা হন্দোকপগী থবকতসু খুমাঙ চাওশিল্লক্লি ৷ বেংগোলি লোনদা হন্দোকপা লাইরিকতা সাহিত্য একাদেমি মনা পীবদা মীতৈ মচা (ওইনাম নিলকন্থ) য়াওরে ৷

হৌজিক-হৌজিক মণিপুরদা হন্দোকপনা খ্বাইদগী চাওখৎলিবসি সাহিত্যদনি, মথংদা লাইনীং-লাইশোনগা মরী লৈনবা টেক্সশিংদনি ৷ মীৎয়েং অসোমদগী য়েংলগা হায়বা ঙম্বা অমদি, ঐখোয়গী হন্দোকপগী তাইবংদা নন-লিটরেরি টেক্স অসীদি য়াম্নমক শোত্থহৌরে হায়বসিনি ৷ মায়গৈ অমরোমদা, ইংরাজি অমসুং ভারতকী লোন কয়াদগী মণিপুরী লোনদা হন্দোকপা অসীনা ঈনাক খুল্লগা মণিপুরীদগী অতৈ লোনশিংদা হন্দোকপা অসীনা খরমখৈ লায়ররি হায়বসী উবা ফংই ৷ অমরোমদা অমুক, মণিপুরদা লৈরিবা লোনশিংগী মরক্তদি হন্দোকপগী থবক অসী খম থেংনা শোত্থদুনা লৈবা উরি ৷

ঐখোয়না য়ূমথংনবা লোনশিংগী ৱাখলসু মপাংগল কন্না খনবা ঙমদ্রি ৷ ঐখোয়গা খ্বায়দগী নক্ননা লৈমিন্নবা লোনশিংদি অসামিস, বোদো অমসুং নেপালিনি ৷ মণিপুরী য়াওরগা লোন মরি অসী অৱাং নোংপোক ভারতকী লোননি হায়না য়ানরি ৷ মণিপুরীগা য়ূম্লোন্নরিবা লোন অহুম অসিদা ঐখোয়না অসামিস লোনগা খরমখৈ মরী থম্নবা অমসুং সাহিত্যগী পাউ ফাওননবা হন্দোক্তুনা হোৎনবা উবা ফংই ৷ ঐখোয়গী মীৎয়েং, নেপালি অমসুং বোদোদসু থম্বা চঙলি ৷ মতাং অসীদা থমজনীংবা ৱাফম অমদি, নেপালিগী ৱা খন্নরকপদা মণিপুরদা লৈরিবা নেপালি ইচিন-ইনাউশিং অসীগী থৌদাং হেন্না লৈগনি হায়না নীংই ৷

হন্দোক্লোয় অমগী পুন্সীদা তঙাইফদনা চঙলিবা ত্রান্সলেসন টুলশিং খূদম ওইনা দিক্সনরি, গ্লোসরি, ই-দিক্সনরি অমসুং অতৈ টেক্নিকেল সপ্পোর্ট ওইবা য়াবা সোফ্টৱ্যের টুল কয়া শকখঙ মায়খঙনবা ঙমদনা লৈরি ৷ মসিগী মথক্তা কম্প্যুটর অমসুং কম্পোজিংগী নোলেজ ৱাৎনা লৈবসু উরি ৷ ইন্টর্নেটকী তাইবংদা লৈরিবা হন্দোকপগী তাইবং অমগসু শকখঙনবা ঙমদ্রি ৷ মরম অদুনা ভারত অমসুং মপান লৈবাক্কী ত্রান্সলেসন এজেন্সি কয়ানা ঐখোয়গী লোন অসীদা হন্দোকহন্নীংবা ৱারোল কয়া হন্দোকপীনবা লৈতদুনা মাঙলগা তোকপা য়াওরি ৷

ভারততা অমসুং মালেম অসীদা ত্রান্সলেসন এজেন্সি কয়ামরোম লৈ ৷ মখোয়না মতম পূম্নমক্তা লোন অমগী ত্রান্সলেটর ইন্টর্নেটকী খূত্থাংদা থিদুনা লৈ ৷ হায়রিবা ত্রান্সলেসন এজেন্সীশিং অসীনা সরকার, লন্নাই কম্পেনিশিং অমসুং লন্নাই মীওই কয়াগী এসাইনমেন্ট ফংই অদুগা মখোয়গী হন্দোক্লোয়শিংদা হন্দোকহল্লগা মায়গৈ অহুমগী ওইবা অফবা মরী অমা শেমগৎলি ৷ মসিগী মথক্তা, চাং নাইনা ফোঙবা চেফোঙ কয়া অমনসু মখোয়গী চেফোঙ অদুগী ইন্দিয়ন লেংগোইস ভর্জন অমা পুথোকপদা থৱায় য়াওই ৷ মসীগী থবকশিং অসী তৌবিনবা ঐখোয়গী মী ইন্টর্নেটকী খূত্থাংদা ফংদে ৷

মণিপুরী লোন অসীনা ভারত সংবিধানগী ৮ শুবা সিদ্যুলদা চনশিল্লবা লোন অমা ওইবনা মরম ওইরগা ভারত সরকারনা সিদ্যুল লেংগোইসশিং অসিদা য়েংলিবা মীৎয়েংশিং চপ মান্ননা মণিপুরী লোনদসু য়েংলকই ৷ সরকারগী ৱাফোঙ অমা ভারত অপূনবগী ওইনা থোকপদা মশাগী রিজনেল লেংগোইস অদুদা হন্দোক্তুনা ফোঙনবা খঙহল্লকই ৷ তোঙান-তোঙানবা দাইরেক্টোরেতশিংদা হাংবা ৱেবসাইততা লেংগোইস ওপসন পীদুনা সরকারনা শকখঙলবা লোন অমদা হেক্তমক পাবা য়াহন্নবা হোৎনরকই ৷ হায়রিবা থবকশিং অসীদা লোয়শঙ অদুগী মণিপুরী হন্দোক্লোয় লৈতবনিনা এজেন্সি অমগী খূত্থাংদা মথৌ তারিবা ৱারোলশিং হন্দোকপীনবা হন্দোক্লায়শিং থিরকই ৷ মসীদা হন্দোক্লোয় ফংদবগী সমস্যা অসী কন্না মায়োক্নরিবা লোনশিংগী মনুংদা মণিপুরী অসীসু অমা ওইরি ৷ অসুম্না, অপীক-অপীকপা এদভর্টিজমেন্টতগী হৌরগা ন্যুজলেটর, আর্টিকলনচিংবা কয়া অমগী হন্দোকপীনবসু লৈত্রি ৷

মায়গৈ অমরোমদা, ভারত সরকারনা লৈবাক অসীগী লোনশিংদা কলেজ অমসুং য়ুনিভর্সিতিগী তম্ন-লাইরিক অমসুং মতেং ওইনবা লাইরিকশিং ফংহন্নবগী থৌরাং অমা ওইনা নেশনেল ত্রান্সলেসন মিশন লিংখত্তুনা চঙশিল্লক্লি ৷ থৌরাং অসীদা তোঙান-তোঙানবা দিসিপ্লিনগী লাইরিক কয়ামরোম মশীং থীঙমদনা হন্দোক্কদৌরি ৷ হৌজিক ফাওবদা দিসিপ্লিন খূদিংমক্কী মীওই থিবদা অৱাবসু মায়োক্নরি অদুগা লৈরিবা খরা অসীদসু মাগী-মাগী ষ্পেসিএলাইজেসন লেপথোকপগা লোয়ননা এভ্যেলেবিলিতি অসীগী খুদোং চাদবা মায়োক্নরি ৷ দিসিপ্লিন অমগী লাইরিক হন্দোকপা হন্দোক্লোয় অমনা লাইরিক অমা হন্দোকপদা লুপা লাক্ষ ২.৫ দগী লাক্ষ ৫ ফাওবা নেশনেল ত্রান্সলেসন মিশনগী খূত্থাংদা ফংলগদবনি ৷ মসিদা পাব্লিসর ওইবিনবা লৈতবনা ত্রান্সলেসনগী থবক হৌগৎপা ঙমদদুনা লৈবসু উরি ৷

হন্দোকপগী কৈথেল অসীদা পোৎফম ফম্বা অমসুং অফবা মায়ওন অমদা চঙশিন্দুনা অফবা অমসুং থাজবা য়াবা এজেন্সিশিংগা খূৎশম্নরুরবদি মশাগী ময়ূমদা লৈন-লৈনা অফবা শেন্থোক লম্বী অমা ফংজবসু য়ারে ৷ অচৌবা এসাইনমেন্ট অমগী মখাদা হন্দোক্লোয় অমনা নোংমদা লুপা ২,০০০ দগী তাদনা ফংবা ঙম্মী ৷ হায়রিবসী ৱাহৈ অমদা লুপা অমগী চাংদা হায়রবদি ৱাহৈ ২,০০০ খক্তগী ৱানি ৷ কনাগুম্বা খূৎলোয়রবা হন্দোক্লোয় অমনা মতম পীরগা হন্দোক্লবদি নোংমদা ৱাহৈ ৫,০০০ দগী তাদনা হন্দোকপা ঙম্মী ৷ ৱাহৈ লাক্ষ তরেৎকী এসাইমেন্ট লাকপদা লৌবিনবা লন্নাই মীওই অমসুং মণিপুরী লোনগী ওইবা এজেন্সি অমত্তা লৈখিদে ৷ ৱারোল খরা অসি ইজরিঙৈদসু ৱাহৈ লাক্ষ মরিগী এসাইমেন্ট অমা ফংজখি, মদুসু খুদোং চাদবা খরদগী লৌজখিদে ৷ অদুম ওইনমক, ঐখোয়গী হন্দোক্লোয়শিংগী ওইবা লূপ অমা লৈরগনি হায়বদি খঙহনজখ্রে ৷ মখোয়নসু হরাওবা ফোঙদোকপীরকই ৷

হৌজিক্তি হন্দোকপা হায়বসী শিনশঙ অমা ওইনা লৌবা য়াবগী থাক্তা লৈরে ৷ ভারতকী অপাম্বসু মদুনি ৷ শিনশঙ অমা ওইহল্লগা হন্দোক্লোয়শিংবু শিন্মী অমগুম্না মশাগী হোৎনজমননা মরন্নাই শেন্দানজবা হায়বসোমদা মীৎয়েং চঙশিল্লকপা অসীমক অখন্নবা থৌরাং অমনি ৷ থৌরাং অসীদা ভারতকী অতৈ লোনগী হন্দোক্লোয়শিংনা মাঙলোমদা চঙশিন্নখ্রবা মতমসিদা ঐখোয়না অহানবা খোঙকাপ ফাওবা লৌবা ঙমদনা লৈরি ৷ মায়গৈ অমরোমদা, হন্দোকপা হায়বা শিনফম অসিদা ফুল তাইম ওইনা লৈবসু য়ারে ৷ ভারতকী পর্লিয়ামেন্ট অমসুং মণিপুরগী এসেমব্লিদা হন্দোকপগী থবক অসি য়াম্নমক মরু ওইনা লৌবগা লোয়ননা হন্দোক্লোয় মশীং য়াম্না লৈহনবসু উরি ৷ প্রিন্ট মেদিয়া অমসুং ইলেক্ট্রোনিক্স মেদিয়াদসু হন্দোকপগী মফম অসী য়াম্না চাউনা লৈরি ৷

অমুক্তং খন্দুনা য়েংমিন্নসি, মশাগী মরন্নাই ওইবা লূপ লৈজদবা ঈরৈ লৈশিল্লকত্রে হায়বসি ঐখোয়না উরে ৷ সাহিত্যগী, বিজ্ঞানগী, জগোয়-ঈশৈ, থাঙ-তা অসিনচিংবা কয়াগী লূপ লৈজৈ ৷ মসীগী মথক্তা রিক্সো পুল্লরশিংগী, ওটো, বস, ত্রকনচিংবা কয়া থৌরিবা দ্রাইভরশিংগী লূপসু লৈজৈ ৷ তোঙান-তোঙানবা হীরমশিংদা মীৎয়েং থম্লগা শেম্বা লূপ কয়া অমসু লৈরে ৷ ওফিস কর্মচারিশিংসু মখোয়-মখোয়গী দিপার্টমেন্টকী ওইবা লূপ লৈনরে ৷ অদুবু ১৮ শুবা চহীচাদগী হন্দোক্তুনা লাক্লিবা ঐখোয়গী হন্দোক্লোয়শিং অসিগী ওইবা লূপ অদূতদি ঙসি ফাওবা লৈহনবা ঙম্লকত্রি ৷

লেংগোইস দিরেক্টোরেত অমা লৈদুনা লোন চাওখৎনবা হোৎনগদবদু এজুকেসন দিপার্টমেন্টকী কাখু অমদা সেল ওইনা হাংদুনা লৈবনা মরম ওইরগা মণিপুর সরকারনা মশাগী লোন চাওখৎনবা হোৎনবদা মঙম শান্দদুনা লৈরি ৷ মতৌ অসুম্না, সাহিত্যগী সংস্থান অমগী এজেন্দা ওইনা হন্দোকপা অসিনা লৈবনা হেন্না পাকথোক-চাউথোকপা অমসুং মশাগী মঙম ইশান শানবা ঙমদনা লৈরি ৷ মসিগী মথক্তা অমুক, হন্দোকপা হায়রগা লোনদা য়ূম্ফম ওইদুনা লৈরি, হন্দোক্কদৌরিবা অসী সাহিত্যগী টেক্স ওইরমগনি হায়না মীপূম খূদিংগী কোকতা চঙদুনা লৈরে, মসিদগী হেন্না অতৈ খঙদবগুম উরে ৷ কম্প্যুটর সাইন্সকী টেক্স অমা হন্দোক্নবগী ৱারী শাবদা কম্প্যুটর সাইন্সকী লাইরিকপু মণিপুরী লোনদা হন্দোকপা য়াগদরা হায়না হংবা ওজা লৈরে ৷ সাইন্সকী মতাংদা পল্লিঙৈদা ফিজিক্সকী প্রোফেসর ওজা এন নিমাইনা হায়বা ৱাফম অমা নীংশিংজরি ‘মমালোনদা সাইন্স তম্বীদবা হায়বগী অর্থদি সাইন্স অসী সোসাইতিদগী তোঙান্না খাইদোকখ্রে হায়বনি ৷ সোসাইতিদা তাগদবা সাইন্সকী ইম্পেক্ট অদু লাক্ত্রে হায়বগী ময়েক লারবা খূদমনি’ ৷ হন্দোকপগী লমগন অসী কয়াম পাকপগে অমসুং হীরম অসীদা ঐখোয়না কয়াম শোত্থরিবগে হায়বসী ঐখোয়না উবা ঙমদনা লৈরে ৷

পঞ্জখ্রিবা অৱাৎপা ময়াম অসী মাঙদা থমজরগা ঐখোয়না ঙসি খন্থমিন্নবা য়াবা অদুদি- ঐখোয়গী হন্দোক্লোয়শিংগী ওইবা লূপ অমা লৈদুনা হন্দোকপগী লমগন অসী লৈরম্লিবা মশক অসিদগী হেন্না পাকথোক-চাউথোকহনবগী তঙাইফদবা অসী লৈরব্রা নৎত্রগা লৈত্রবসু য়ারিব্রা হায়বসিনি ৷ অৱাৎপশিং অসিবু মেনশিন্দুনা হেন্না মায় পাকপা, মমায় য়াম্না লোঙবা, হেন্না ফবা অমসুং অৱাংবা থাক্তা থাংগৎপা ঙম্নবা হোৎনবগা লোয়ননা অশানবা মীৎয়েং অমগী তুংলমচৎতা খোঙ থাংজিনমিন্নবা য়ানবগীদমক হন্দোক্লোয়শিংগী ওইবা লূপ অমা লৈবগী তঙাই ফদবা লৈরে হায়বসী ঐহাক্কী লন্নাই মীৎয়েং ওইনা লাই গুরুশিংগী মাঙদা থমজরগা ময়ামগী মীৎয়েং চিংশিনজরি ৷

তিনবীরিবা অহল-লমনশিংগী য়াথংগা লোয়নবা থৌজালদগী লূপ অমা শেম্বা ঙমজদুনা ৱাৎহৌরিবা শরুকশিং মেনখৎপা ঙম্নবা অমসুং হান্না লৈরম্বা মশকশিংবু হেন্না মশেক মঙাল নাইহনবা ঙম্নবা হোৎনবগা লোয়ননা হীরম অসীদা হেন্না খন্ন-নৈনবা অমসুং থিজিন-হূমজিনবগী লম্বীরোমদা খোঙ থাংজিন্নবা হোৎনবা অসী ঙসীগী মীরোল অসিগী খ্বাইদগী তঙাইফদবা অদু ওইরে হায়বসিসু পূক্নীংদা মপাঙ্গল কন্না লৈজরে ৷

মণিপুরদা হন্দোকপা হায়রগা খঙনরিবসী লেংগোইজ বেজ ওইবা নোলেজতা য়ূম্ফম ওইবনি ৷ হন্দোকপা হেক হায়বগা করম-করম্বা লোনগী হন্দোকপনো নৎত্রগা করি লোনদগী হন্দোক্কদবনো হায়বসীনা অহানবা ৱাহং ওইরি ৷ মণিপুরদা ঐখোয়না উরিবসী মণিপুরী, হিন্দী, ইংলিশ, বাংলা, সংস্কৃত খঙবশিংনা হন্দোকপগী থবক তৌই হায়বা অহানবা থাক অসীদা মপূং ওইনা লৈবনি ৷ ভারতকী লোন – মপূং ওইনা হিন্দি বেংগোলিদগী মীতৈরোনদা হন্দোকপা অদুগা ইংলিশ অসীনা লিঙ্ক লেংগোইস ওইবা অসিনি চৎনরক্লিবসি ৷ মায়গৈ অমরোমদা, মণিপুরীদগী ইংলিশ অমসুং হিন্দী নৎত্রগা বেংগোলিদা হন্দোকপা অসিনি ৷ মণিপুরীদগী বেংগোলি লোনদা হন্দোকপা অসীদি মপান-মণিপুরগী মীতৈশিংনা অয়াম্বনা তৌই ৷ ঙাঙনরিবা ময়াম অসিদা ‘করি দিসিপ্লিন (হীরম) গী হন্দোকপনো’ হায়বা ৱাহং অসীমদি ৱাৎলগা লৈরে ৷

মতৌ অসুম্না, চত্থরক্লিবা হন্দোকপগী খোঙচৎ অসীদা দিসিপ্লিনগী ৱাফম অসী কয়া পন্নবা উদ্রি ৷ কোলগেৎ হায়রগা তুৎপেচ খূদিংমকপু খঙনবা, ভিআইপি হায়রগা লগেজ পূম্নমক খঙনবা অমসুং সর্ফ হায়রগা দিটর্জেন্ট পাউদর খূদিংমকপু খঙনরম্বা অদুগুম্না হন্দোকপা হায়রগা সাহিত্য হন্দোকপখক্তবু খঙনবগী মওং ওইনা লৈরি ৷ লূপ (করিগুম্বা শেম্লবদি) অসীনা মপূং ওইবা কেটগোরি খরা খায়রগা মদূগী মখাদা লৈবশিংবু মশক খঙদোকমিন্নরগা অপূনবা ফম্বাক অমত্তদা পূম্নমক্না লেপমিন্নদুনা মণিপুরী লোনগী হন্দোকপগী থাক অসী ৱাংখৎহনবা পাম্লি, হেন্না পাকথোক-চাউথোকহনবা পাম্লি ৷ মপূং ওইবা কেটগোরি খরা ৱাহৌদোক ওইনা থম্বা য়াবা অদুদি-

ক. দিসিপ্লিনগী মীৎয়েংদা

ক.১. লিটরেরি

লিটরেরিগী মখাদা করি-করি লৈগদগে হায়বদুদি পন্দ্রবসু য়ারে হায়না লৌজরি ৷

ক.২. নন-লিতরেরি

নন-লিটরেরি অসিগী মখাদা লৈগদবশিং অদুদি-

ক.২.১. জেনরেল (কৃয়েটিব লিটরেচর, নেচরেল সাইন্সেস অমসুং সোসল সাইন্সেস নত্তবা)

ক.২.২. নেচরেল সাইন্সেস (সবজেক্ট খূদিংমক)

ক.২.৩. সোসল সাইন্সেস (সবজেক্ট খূদিংমক)

খ. লোনগী মীৎয়েংদা

খ.১. ইংলিশতগী মণিপুরী লোনদা

খ.২. মণিপুরী লোনদগী ইংলিশতা

খ.৩. ভারতকী লোনশিংদগী মণিপুরীদা

খ.৪. মণিপুরীদগী ভারতকী লোনশিংদা

খ.৫. মণিপুরগী অতৈ লোনদগী মণিপুরীদা

খ.৬. মণিপুরী লোনদগী মণিপুরগী অতৈ লোনদা

খ.৭. অরিবা মণিপুরীদগী অনৌবা মণিপুরীদা

খ.৮. মপান লৈবাক্কী অতৈ লোনদা

পনজখ্রিবা মখলশিং অসিগী মখাদা হন্দোকপা ওইনা শকখঙলবা, মশাগী ফিদা কনজনবা হোৎনরিবা, চঙশিল্লক্লিবা, পামজবা, ওইরক্কদবা অমসুং নৈনবা পামজবা মীওইশিংনা পূল্লগা লূপ অসী শেম্বা পাম্মী ৷ তোঙান-তোঙানবা কেটগোরিশিং অসীদা লমজিংনবা থৌমী লৈবসু পাম্মী ৷ লূপ অসীনা থবক থৌরম কয়া পায়খৎপা পাম্মী ৷ মখোয়শিং অদুদি-

১. থৌরম শীনবা

১.ক. সেমিনর

১.খ. সিম্পোজিয়ম

১.গ. ৱর্কসোপ

১.ঘ. কন্ফরেন্স

১.ঙ. হেন্দান্নবা

১.চ. অতেনবা মতমগী কোর্স

২. লাইরিক হন্দোকহনবা

৩. দিক্সনরি শেম্বা

৪. গ্লোশরি শেম্বা

৫. মনা-মথুম পীবা

৬. ভারত অমসুং মালেমগী ত্রান্সলেশন এজেন্সিশিংগা শমজিন্নবা

৭. হন্দোকপগী এসাইমেন্ট অতৈদগী লৌবা অমসুং পীবা

৮. ‘হন্দোকপা’ কৌবা মতম নাইবা চেফোঙ ফোঙবা

৯. পব্লিকেশন য়ুনিত অমা লৈহনবা

১০. ৱেব সাইত অমা লৈবা

১১. হন্দোকপগী এজেন্সী অমা ওইহনবা

১২. নুমিত খূদিংগী থোঙ হাংবা মশাগী ওফিস অমা লৈজবা

১৪. হন্দোকপগা মরী লৈনবা লাইরিকশিং থম্বা লাইব্রেরি অমা লৈজবা

১৫. লাইরিকশিং ইগজিবিসন কম সেল তৌবা য়াবা মওংসু লৈজবা

১৬. ওনরেরি বেসিসতা মীওই অমা নৎত্রগা অনীনা ওফিস পুবিবা

১৭. অসিনচিংবা

লূপ অসিনা মণিপুর অমসুং ভারতকী তোঙান-তোঙানবা লোয়শঙ অমসুং মশঙশিংগা খূৎশম্নবা য়াই ৷ ভারতকী ওইনা সি আই আই এল, এন টি এম, সাহিত্য একাদেমি, এন কে সি, সি এস টি টি নচিংবা শমজিন্নবা য়াই ৷ ভারতকী প্রাইভেত এজেন্সিশিংদা- মেরিগোল্দ, ইন্ফো ত্রান্সতেক ইন্দিয়া, কোষ্মিক গ্লোবেল লিমিটেদ অসিনচিংবা শমজিন্নবা য়াই ৷

হৌজিক্কী মতমদা হন্দোক্লোয় অমনা লোন খঙবা অমসুং হন্দোকপগী হৌশিংবা লৈজবগী মথক্তা কম্প্যুটরগী নোলেজ লৈবগী তঙাইফদবা লৈরে ৷ মশাগী এক্টিব ওইবা ই-মেল একাউন্ট অমা অমসুং মশাগী এক্টিব ওইবা বেঙ্ক একাউন্ট অমসু লৈজবা চঙই ৷ মপান লৈবাক্কী এসাইনমেন্ট লৌগে হায়রবদি পে-পালনচিংবগী একাউন্ট লৈবসু চঙই ৷ ইন্দিয়ান এজেন্সিশিংদগী মপান লৈবাক্কী এজেন্সিশিংনা হন্দোকমল হেন্না পী ৷ হন্দোক্লোয় অমনা পূম্নমক অসি লৈজবগা লোয়ননা মশাগী কম্প্যুটর (দেক্সটোপ, লেপটোপ পাল্মটোপ নৎত্রগা টেব্লেট) অমা লৈজবগা লোয়ননা মশাগী নেট কনেক্সন অমা লৈজবা তাই ৷ মসিগী মথক্তা টাইপ, কম্পোজ তৌবা হৈবগা লোয়ননা কোরেল দ্রো, ফোটোসোপ, ৱর্দ অমসুং পেজমেকরদা খরমখৈ লে-আউট দিজাইন-নচিংবগী মরমদসু খঙবা চঙই ৷ হৌজিক্তি বেংগোলি ফোন্ট-তা কম্পোজ তৌবা হৈবগা লোয়ননা মীতৈ ময়েকতসু কম্পোজ তৌবা হৈবা চঙলে ৷ মরমদি, হন্দোক্লবা মরোল অদু মীতৈ ময়েকতসু ফংহন্নবা হোৎনবা অসি ভারত সরকারগী অপাম্বনি অমসুং য়াথংনি ৷

লূপ অসি লৈরবদি, মখাদা পনজরিবশিং অসিনা মেম্বর ওইনা শরুক য়াবিগনি খল্লি-

১. সাহিত্যগী লমদা হন্দোকপা হন্দোক্লোয়শিং

২. সাহিত্য নত্তবা হীরমদা হন্দোকপা হন্দোক্লোয়শিং

৩. জেনরেল ওইবা হীরমদা হন্দোকপা হন্দোক্লোয়শিং

৪. নৈনরোয় য়াওনা হন্দোক্লবা টেক্স পাবশিং

৫. হন্দোকপগী লমদা নৌনা খোঙ থাংজিল্লকপশিং

৬. হন্দোকপা পামজবশিং

পঞ্জখ্রিবশিং অসিদা লাইরিক মপূম হন্দোকপা অমসুং ৱারেং হন্দোকপা হায়না মখল খায়বা য়াই ৷ অদুগা ৱারেং হন্দোকপগী মনুংদা অতেনবা অমসুং অশাংবা হায়না মখল খায়বগা লোয়ননা অপীক-অপীকপা (ৱাহৈ ১০০-৫০০) ফাওবগী হন্দোকপা হন্দোক্লোয়বু ৱারেং অতেনবা হন্দোকপগী মরক্তা থম্বা য়াই ৷ পঞ্জখ্রিবা পোইন্ট তরুক অসিদা মণিপুরদা লৈবা সরকারনা শকখঙলবা অমসুং শকখঙদ্রিবা লোন খূদিংমক্কী মীওইশিংনা শরুক য়াবগী খুদোং চাবা অদু লৈহনবা পাম্মী ৷

মিংথোলগী মতাংদা মীওই কয়ানা পীবিরকপা পাউতাক খরসু থমজরি -

১. মণিপুরী পনবিগনু, কংলৈ কৌবিয়ু

২. মণিপুরদা লৈবা তোঙান-তোঙানবা লোন ঙাঙবা পূম্নমকনা য়াওবা য়ানবা ‘হন্দোক মরূপ’ নৎত্রগা ‘হন্দোক্লোয় মরূপ’ কৌবিয়ু

৩. মীরোনদা মিং থোনবিগনু, মীতৈরোনদা থোনবিয়ু, খঙননবা ইংলিশকি অমসু ব্রেকেটতা থম্বিয়ু

হন্দোক্লোয়শিংগী ওইবা লূপ অসি শেম্লবদি- লূপ অসিনা মণিপুরদা ষ্টেট ইন্সটিট্যুত ওফ ত্রান্সলেসন ষ্টদিজ অমসুং মণিপুর তাইবং মহৈকোলদা দিপার্টমেন্ট ওফ ত্রান্সলেসন ষ্টদিজ হাংননবা ঈনশিনবা পামগনি ৷ মণিপুর তাইবং মহৈকোলগী মণিপুরী মশঙদা ইং ২০১০গী দিসেম্বর ৪ অমসুং ৫, ‘মণিপুরী ত্রান্সলেসন সিনারিও’ হায়বা থিমগী মখাদা পাঙথোকখিবা হন্দোকপগা মরী লৈনবা সেমিনর অমগী পেনেল দিসকসনদা অনীশুবগী ৱাফম অসিগা নকশিন্ননা সেন্টর ফোর ত্রান্সলেসন ষ্টদিজ হায়বা সেন্টর অমা মতমদুগী ঈকাই খুম্নজরবা ভাইস চেঞ্চলর, প্রো. সি অমুবা সিংহগা পূন্না তানদুনা হাংনবা হোৎনগনি হায়না ৱারেপ লৌমিন্নখিবসু লৈখ্রবনি ৷ পদ্মশ্রী আর কে ঝলজিত সিংহনা চ্যের লৌখিবা সেসন অদুদা ঈকাই খুম্নজরবা ওজা নোংথোম্বম কুঞ্জমোহন সিংহ, ওজা লোংজম জয়চন্দ্র সিংহ, প্রো. মণি মৈতৈ, প্রো. যসোবন্ত সিংহনা পেনেলিষ্ট ওইনা ৱা ঙাঙবিখিবনি ৷ ৱারেপ ৫ লৌখিবা সেসন অদুগী ৫ শুবদা সেন্টর হাংবগী ৱারেপ অদু লৈখিবনি ৷

পূম্নমক্না পূনশিল্লগা হন্দোকপগী লমদা তৌগদবা, তৌমিন্নগদবা অমসুং তৌহনবা য়াবা থবক কয়া অমা লৈরে হায়বসি অহল-লমন য়াওনা খ্বাই তরাগী মাঙদা থমজরগা ৱারোল অসী মতাং অসিদা তেনশিনজরি ৷

থৌগলদা

এন দি হোদাম্বা