মণিপুরী সাহিত্য পরিষদ, অসামগী প্রসিদেন্ট দ. ফূরিৎসাবম বীরমনিনা ওইরকপদা থমজবা থমোয়গী ৱারোল

মণিপুরী সাহিত্য পরিষদ, অসাম, খা সোনাই মশানা ঐবু মীরায়বীখ্রবসু তামো দ. ফূরিৎসাবম বীরমনিনা সেন্ট্রেলগী প্রসিদেন্ট ওইনা খল্লকপা অসীদা হরাও-নুঙাইবা ফোঙদোকচরি।

নীংশিংবা য়াই. সিইসি মেম্বর ওইনা ঐবু ওজা ইরোম ঙৌবনা প্রপোজ অমসুং ওজা রাধামোহননা সেকন্দ তৌবীদুনা লোইরবা মতুংদা চৎনরোলগী ৱাংমদা প্রিসাইদ তৌবীরিবা ওজানা থাংগৎলকপা হান্নগী সিইসি মেম্বর ওজা ব্রজকিশ্বরবু হন্না প্রপোজ তৌবীরকখিবনি। অদু ওইরবদি, রিজোল্যুসন লৌদুনা সেন্ট্রেলদা এপ্রুভেলগীদমক থাগৎপা মতমদা অহানবা ওইনা প্রপোজ অমসুং সেকন্দ তৌবীখ্রবা ঐগী মিংবু অনীশুবদা প্রপোজ তৌরকখিবা ওজা ব্রজকিশ্বরগী তুংদা থম্বীরম্বা অদু মরম খরা চাফাৎতে হায়না খনজৈ।

নুমিৎতুগী ওবজর্ভরনা ঐগী মিং থাগৎলক্লবসু মহাক্না এপ্রুব তৌরোই হায়না লাউরম্বা ৱাফম অদু রিজোল্যুসনদা য়াওহল্লু হায়বদুসু সেন্টরদা থাবা চেরোল অদুদা য়াওবা উজদে।

নুমিৎতুগী ওবজর্ভরনা, ঐচ নীরেন্দ্র সিংহ অসী পরিষদকী মায়োক্তা ৱা য়াম্না ঙাঙবা মরম্না পরিষদকী অহল-লমনশিংনা য়াদে, মাবু পরিষদকী মেম্বর ওইহন্দবা হায়না লেপ্নরে হায়না থমখিবা ৱাফমগী পাউখুম ওইনা - মদু চীনহায় ওইনা থম্বীগনু, অইবা চেরোল ওইনা ঊৎপীয়ু হায়জখিবনি। মতমদুদা অইবা চেরোল ঊৎকনি হায়দুনসু লাউবীরম্বনি। চেরোল অদু খা সোনাই মশানা ফংবীখিবা লৈখ্রবরা হায়বদু খঙজনীংই।

ওজা ইরোম ঙৌবনসু ৱাফম অদুগী মায়োক্তা নখোয়না পরিষদতা য়াওহনবা য়াদে হায়না ৱারেপ তাখিবা লৈরবদি অসুক কুইবসী খা সোনাই মশাগী মেম্বর ওইনা, মদুসু দিইসি মেম্বর ওইনা লৈবদু করিগী হৌজিক ফাওবা চৎথরম্লিবনো, কক্লমদ্রিবা করিগীনো হায়নসু হংখিবনি।

সেন্ট্রেলদা এপ্রুভেলগী মতাংদা মী অনীগী মিং থাগৎলক্লবনিনা অনীদুগী মনুংদা মমাঙ থংবা মীওইদু ওইনা এপ্রুব তৌরসি হায়না য়ানখিবা ওইরবদি- মনুংদা চীরোল খরা লৈব্রা হায়বা চিংনদবা ঙমজদে।

ওজা ব্রজকিশ্বরনা অমুক হন্না সিইসি মেম্বর ওইবদা ঐগী য়ানীংদবা করি অমত্তা লৈতে, অদুবু নুমিৎতুদা তৌখিবা অমদি তুংদা তৌরকপা থৌওং- পূন্না ওজা ব্রজকিশ্বরবু সিইসি মেম্বর ওইহন্নবা হোৎনখিবা লাল্লোং অদু খরদি পেনজদে। ঐবু থওই-উশিৎপীদবা, ঈকাইবা নংহনবা ওইনা লৌজৈ। মরমদি- ওজানা মখা তানা ওইবীগদবা অমদি কনাগুম্বনা ওইহন্নীংবা লৈরবদি ঐবু প্রপোজ তৌদ্রিঙৈগী মমাঙদা ওজাগী মিং থাংগৎপীরমগদবনি। ঐবু প্রপোজ অমসুং সেকেন্দ তৌবা লোইরগা ওজাগী মিং থাংগৎলক্লগা মদুনা রিজোল্যুসনদা ঐগী মাঙদা থমদুনা থাবীবদুসু মরম খরদি চাদে হায়না লৌজৈ। লৌরোনশিং অদুনা মী অমগী ঈকাই খুম্নবদা শোকহনবা ফাওবা য়ৌখিবদু ওজা-লাইগুরুশিংগী থবক নত্তে হায়না লৌজরি।

নুমিৎ-থা হূইনা চাবা নত্তে। ঈশ্বরনা থৌজানবীদুনা পুন্সীসী হিংহনবীরবদি ঐগীসু অচাবা মতম লাকপা য়াই। অদুম ওইনমক, ঐগী অমসুং ঐবু শৌগৎপীখিবশিংগী ঈকাই খুম্নববু শীংনখিবা, মমল থম্বীখিদবা, চৈনা ফাওহনখিবা, ঈকাইবা নংহনখিবা থৌওং অদুদা চেন্নখিবা মীওই খুদিংমক ঈশ্বরনা ঙাকপীবা ওইসনু।

তামো বীরমনিনা প্রসিদেন্ট ওইনা থৌ পুগদবা কুম অসী রাহূনা উম্লম্বা পরিষদ মঙাল ফংবা ওইরসনু। অনৌবা অওনবা কয়া অফবা মওংদা লাকপা ওইহনবীরসনু হায়না ঈশ্বরদা থৌনীজরি।

দ. ফূরিৎসাবম বীরমনিনা মণিপুরী সাহিত্য পরিষদ, অসামগী প্রসিদেন্ট ওইরকপদা নুঙাইবা ফোঙদোকপা

 

ঈশ্বরবু য়াম্নমক থাগৎলি।

তামো দ. ফূরিৎসাবম বীরমনিনা ঙসী (২৭-১০-২০২৪) মণিপুরী সাহিত্য পরিষদ, অসামগী প্রসিদেন্ট ওইনা মীখলদা মায় পাক্লক্লে হায়বা তাবসী ঙমখৈ লৈতনা নুঙাইবা অমদি ঈশ্বরদা হরাওবা ফোঙদোকচরি।, তামো বীরমনি নুপীগী চেফোঙ "ইচেম্মা"গী এদিটরনি, "অরম্বাই" কৌবা চয়োলগী চেফোঙ অমসু পুথোকপীরিবনি, কবিনি, অইবনি, খুনাই থৌগল্লোয় অমসুনি। ইমালৈবাক-ইরমদম অসাম, ইজাতি-ইখুনাই অসীগীদমক নীংহন্নবা লৈতনা থৌগল তৌজরকপনি।

দ. ফূরিৎসাবম বীরমনিনা হন্দক মণিপুরী সাহিত্য পরিষদ, অসামগী প্রসিদেন্ট ওইনা ফম পুরকপা মতমদা পরিষদ অসী অনৌবা মঙাল অমগী মায়য়োন থিদুনা খোঙ থাংজিল্লক্কনি হায়বা থাজরি। অনৌবা মশক খরদি শোয়দনা উবা ফংলগনি হায়না থাজবা থম্লি।

প্রসিদেন্ট ওইনা খল্লক্লবা শ্রী বীরমনি সিংহনা মীৎয়েং, ৱাখল অমদি খোঙথাং তিন্নগদবা ভাইস প্রসিদেন্টশিং অমসুং জেনরেল সেক্রেটরি লোয়ননা অতৈ ওফিস বিয়ররশিং শোয়দনা ফংলগনি হায়বগী থাজবসু থম্লি।

অমম্বা অমদি অমোৎপা ৱাখল্লোন চেনবা মীওইশিংগী পাম্বোম মনুংদা লৈরুরবা মণিপুরী সাহিত্য পরিষদ, অসামবু মঙাল অমদি তরু-তরুবা তাইবং অমদা পুথোকপীরক্তুনা, মঙলাক্নরবা পরিষদ অসীবু মকা লাম্না, নীংতম্না নিংশা হোনবা ফংজদুনা মঙফাওনহল্লগনি হায়না থাজবা থমজরি।

তামো বীরমনি প্রসিদেন্ট ওইনা থৌ পুগদবা মতম অসীদা ঐহাক ইশা অমদি ঐগা পূন্না চৎমিন্নরিবা ইচিন-ইনাউশিংগী মতেং মতম পূম্নমক্তা পাংজনবা শেম শাদুনা লৈ হায়বসীসু ফোঙদোকচরি।

মণিপুরী সাহিত্য পরিষদ, অসামনা লেমজনীংঙাই ওইবা লূপ অমা ওইনা অসামদা ঙন্থোইরকপা হায়বসী ঐখোয় পূম্নমক্কী মঙলাননি। মঙলান অসি মঙফাওনরগনি হায়বসী থাজরে।

ঈশ্বরনা তামো বীরমনিবু লোয়নবীসনু। মায় পাক্না, পুৱারীদা ফনা শীংথানহৌবা য়াবা অফবা প্রসিদেন্ট অমা ওইবা ঙমহনবীরসনু।

ফেসবুকতগী মতৌ করম্না শেল তানবা য়াবগে

ফেসবুকতগী মতৌ করম্না শেল তানবা য়াবগে হায়বগী মতাংদা অয়াম্বনা খঙনদে। খহনবা খরনা শেল তান্নৈ। য়ুট্যুবতগী তান্নৈ হায়বদি খঙনৈ অদুবু ফেসবুকতগীদি খঙনদে। ফেসবুকতগী শেল তানবা য়বগী মওংদু মখাদা থমজরি

 ১. ইশাগী প্রোফাইলদা চঙবীয়ু।

২. Turn On Professional mode তা ক্লিক তৌবীয়ু।

৩. instruction শিং follow তৌবীয়ু।

৪. মপূং ফারবদি Professional dashboard তা চঙবীয়ু।

৫. level শিং লান্থোকপীরকউ। follower মশীং হেনগৎহনবীয়ু।

৬. Professional dashboard তা monetization গী শরুক থোরক্কনি, মদু মপূং ফাহনবীয়ু, চয়োল অমরোম চঙগনি।

৭. রিল, ষ্টেটস, ষ্টোরি, লাইবশিং নিয়মগী মতুং ইন্না লেপ্তনা থাগৎপীয়ু।

৮. Meta Business Suits তা চঙলগসু য়েংবীয়ু। Tool শিং চঙ-চঙদুনা য়েংবীরগা খঙজিনবীয়ু অমসুং নৈনবীয়ু।

৯. monetize তৌখ্রবা তুংদা কনাগুম্বনা অদোমগী প্রোফাইল নৎত্রগা পেজ অদুবু subscribe তৌরবদি লুপা ৮৯ অদোমগী একাউন্টতা facebook না শেম্বা নিয়মগী মতুং ইন্না ককথোক-ককশিন তৌরগা চঙলক্কনি।

১০. শেল লাকফমসী subscribe তৌবা খক্তদগী নত্তে। মখাগীশিং অসীদগীসুনি-
১০.১. Stars
১০.২. Ads-on reels
১০.৩. In-stream ads
১০.৪. live ads
১০.৫. Bonuses

ময়ামশিং অসীদগীনি। অকূপ্পা মরোলগীদমক googling তৌবীবা য়াই নৎত্রগা YouTube তগীসু খরা তমশিনবা য়াই।

মসী মতমদি খরদি চঙগনি। অদুবু লেপ্তনা হোৎনরবদি শোয়দনা মহয় ফংগনি। নুপী অমসুং নিঙোল মচাশিংদি চাদা ৯৫ দগী তাদনা মায় পাক্কনি। নুপাগীদি খরমখৈ চেলেঞ্জ খরদি লৈবা য়াই। অদুম ওইনমক, পাখঙ মথোক কারকপশিংদি ঙম্বসু য়াই। অখন্নবা, অনৌবা, মীয়াম্না পাম্নগদবা কন্টেন্ট শেম্বা ঙম্লবদি নুপাশিংসু ঙম্লোইদবদি লৈতে।

FOLLOWER য়ামখৎহনবীয়ু, কন্টেন্ট ফজহনবীয়ু, খরা পূক্নীং চঙনা নৈনবীয়ু, পুন্সী চূপ্পগী শেন্দান লম্বী ওইবতা নত্তনা ইচা-ইশুশিংদা শিন্নরম্বা য়াবা শেন্দান লম্বীগী পরীং অমা ওইহৌগদৌরিবনি।

ঐগী ফেসবুক ওদিয়েন্সশিংদা থমজবা থাগৎ ৱাহৈ

থাগৎচরি নুপা ওদিয়েন্সশিং (Men 73.90% অমসুং Women 26.10%) ঐগী ওদিয়েন্সশিংসী অয়াম্বনা নুপা ঙাক্তনি খঙজবদা নুঙাইবা পোকই। মথংদগীদি নুপীশিংবুসু পূক্নীং চিংশিনবা ঙম্নবা হোৎনজরক্কে।

থাগৎচরি চহী ২৫-৩৪ ফাওবদা লৈবা নুপাশিং অমসুং নুপীশিং, নখোয়না ঐগী খ্বাইদগী মশীং য়াম্বা ওদিয়েন্স ওইবীবগীদমক। ঐ মথংদগীদি চহী ১৮-২৪ গী পাখঙ অমসুং নিঙোল মচাশিংগী মরমদা পূক্নীং চঙজগে। চহী ৩৫-৪৪ অমসুং ৪৫-৫৪ ফাওবগী নুপাশিংবু ঈকাই খুম্নজরি, নুপীশিংদা হেন্না মীৎয়েং চঙশিন্নবসু হোৎনজগে। চহী ৫৫-৬৪ অমসুং ৬৫ মথক্তা লৈবা ওজাশিং, লাই-গুরুশিংবুসু ইকোক নোন্না ঈকাই খুম্নবা ঊৎচরি। ওজা ময়ামগী পূক্নীং চিংশিনবা ঙমগদবা হীরমদসু মীৎয়েং চঙশিনবা ঙম্নবা হোৎনজরক্কে।

থাগৎচরি Silchar, Assam, India গী ওদিয়েন্সশিং (272) ময়াম্না ঐবু খ্বাইদগী হেন্না শৌগৎপীরি। Imphal, Manipur, India গী ওদিয়েন্স (137) শিংনা ঐবু শৌগৎপীরি খঙজবদা ঙমখৈ লৈতনা হরাওজৈ। থাগৎচরি Gauhati, Assam, India (28), Sonaimukh, Assam, India (22), Hailakandi, Assam, India (20), Thoubal, Manipur, India (18), Lakhipur, Assam, India (16), Delhi, India (15) Jiribam, Manipur, India (10), Maulvi Bazar, Sylhet Division, Bangladesh (10) গী ওদয়েন্সশিং। ময়াম্না ঐবু নুংশিবা অসীনা ঐবু নৌনা পাঙ্গল হাপ্পিরে। হেন্না থৌগল তৌজনীংবগী ঈহূল অদু য়োকখৎপীরে।

মখাদা থমজরিবা লমগী ইচিন-ইনাউশিং। (তশেংনদি ঐগী ওদিয়েন্সশিংসী ঐনা কদায়-কদায়দগীনো হায়বসী খঙজরমদবনি। ঙসীতা খঙজরি। ময়ামগী পেন্নবা ঐ থৌগল তৌজনবা হোৎনজগে)।

"অসামিস মণিপুরী" অমসুং "অসামবাসী মণিপুরী"

"অসামিস" হায়বসীগী ৱাহন্থোক অনী লৈ। অহানবা অদুনা ঙাঙনরিবা লোন অমগী মিংনি অদুগা অতোপ্পা অমনা লোন অদুবু ঙাঙলিবা মীওই ফূরূপ নৎত্রগা কাঙলূপ অদুগী মিংনি। অসামদা লৈবা মীশিংবু "অসামিস" কৌই হায়বসী অরানবা ৱাহন্থোকনি। অচুম্বদি "অসামবাসী" "অসামদা লৈবা" কৌগদবনি।

মণিপুর রাজ্যদা লৈবা মীওইশিংবু "মণিপুরী" কৌই হায়বা মণিপুরগী মীওই খরনা শাগৎপা অরানবা ৱাখল্লোন অমা লৈ। মীওইশিংদুগী মনুংদা সিএম ওইবীরিবা নোংথোম্বম বীরেন সিংহসু অমনি। মখোয়গী মীৎয়েংদা মিংথোল অসীনা অপূনবা শক্তম অমা শাগৎপা ঙমগনি হায়না থাজরুবনি। তশেংনদি মসী য়াম্না চাউবা অরানবা অমনি।

মীৎয়েং অসীদগী অসামদা লৈবা মীওই পূম্নমক "অসামিস" কৌই হায়না নোংথোম্বম বীরেন সিংহ অমসুং মখোয়গী ৱাখল্লোন তিন্নবশিংনা লৌজবনি। মণিপুরদা লৈরিবা ফূরূপশিংবু মণিপুরী তাংখুল, মণিপুরী খোংজাই, মণিপুরী কবুই অসীনচিংবা হায়দুনা শাগৎপগী মেন্টলিতি অদুগী পরিংদা অসামিস মণিপুরী, অসামিস বেঙ্গলি, অসামিস বোদো, অসামিস মার, অসামিস বিষ্ণুপ্রিয়া মণিপুরী, অসামিস নেপালি অসীনচিংবগী মিংদা পন্নবা হোৎনবনি।

মীৎয়েং অসী চৎনবা য়ারোই। মদুগী মরমদি. মসী পাক শন্না শীজিন্নবদা অকায়বা লৈগনি, চূংশিন্নবা লৈরোই। ফোর্মুলা অসীমক অরানবা ফোর্মুলা অমনি। মদুগী খূদমদি- ত্রিপুরী বেঙ্গলি, ত্রিপুরী মণিপুরী অসীনচিংবা য়ারোই। মিজোরামি মণিপুরী, মিজোরামি বেঙ্গলি হায়বা য়ারোই। নাগলেন্দি মণিপুরী, নাগালেন্দি মরাম হায়বা য়ারোই। কন্নরিকা মণিপুরী, অরুণাচলি মণিপুরী, সিকিমিস মণিপুরী, বাংগালি মণিপুরী, উরিয়া মণিপুরী, পঞ্জাবী মণিপুরী, গুজরাটি মণিপুরী অসীনচিংবা হায়বা য়ারোই।

মায়গৈ অমরোমদা, মণিপুরী মীতৈ, অসামিস অসামিস, ত্রিপুরী ত্রিপুরী, মিজোরামি মিজো, বাংগালি বেংগলি, উরিয়া উরিয়া, তামিলিয়ান তামিল, কন্নরিকা কন্নরি অসীনচিংবা হায়বা য়ারোইদবগুম "অসামিস মণিপুরী" হায়বা টর্ম অসী চৎনবা য়ারোইবদা, লোজিকেল ওইদবা মিংথোল অমনি।

তশেংনদি নোংথোম্বম বীরেন সিংহ অমসুং মহাক্কা মোত তিন্নবা কাঙবু অদু "মণিপুরী" অমসুং "মণিপুরবাসী", "অসামিস" অমসুং "অসামবাসী"নচিংবগী ৱাহন্থোক খঙদদুনা তৌবনি।

"মণিপুরী" হায়বসী লোন অমসুং লোন অদুবু ঙাঙলিবা ফূরূপ অদুগী মিংনি। মালেমগী মফম খূদিংমক্তা লৈরবসু মখোয় মণিপুরীনি। "অসামিস মণিপুরী" হায়গদবা নত্তে, "অসামবাসী মণিপুরী" নৎত্রগা "অসামদা লৈবা মণিপুরী" নৎত্রগা "অসামগী মণিপুরী" হায়গদবনি।

KHONGJAI LAALHOU bu Anglo Kuki War 1917-19 koukhibagi mataang amasung CHINGAKHAM SANAJAOBA

KHONGJAI LAALHOU (Kuki Rebellion) ama 22-12-1917 dagi houraga 28-02-1919 faaoba thokkhibadu makhoi (KUKI haaiba ming amagi makhaada nation building touraba) na ANGLO KUKI WAR (1917-1919) haaiba paambani. (MEETEI-na KHONGJAI LAALHOU haaina khangbadu KUKI-singna ANGLO KUKI WAR 1917-19 haaibani.)

14-11-1916 da MANIPUR-gi ningthou-na lawaai-Yumphal pumnamaktagi yum amamamdagi mee amamam koukhatlaga sanaa-yaathang thambikhi- "MANIPUR leibaak asi SARKAAR (British Government) na machaagumna yokpire, houjikti sarkaar-gi awaaba aapot taare, maram asina sifaai khange haaiba, laan chatke haaiba kanaa-kanaano, numit 5nigi manungda laak-u, mee adugi matik chaaba lou-su, lupaa-su pigani." matam asi WORLD WAR I-gi matamni.

ningthou-gi sanaa yaathang asigi matung inna MANIPUR-dagi thaakhiba laanmi-singgi manungda 02-05-1917 da KHONGJAI 500 amasung TAANGKHUL 500 yaaokhi. matungda amuk 18-05-1917 da thaaba matamda TAANGKHUL 1000 thaakhi, masida KHONGJAI yaaokhidare.

masigi matung 22-12-1917 da makhaaram-gi hao-na laan hourakkhibani. laalhou asida

1. KUMFI thugaai

2. Tengnoupal-gi thana famba daroga matei manao machaaga loinana KHONGJAI HAO-na haatkhi.

3. Chiru haao amasu KHONGJAI HAO-na haatkhi.

4. KHONGJAI HAOna KHARAM KOIRENG thugaai.

5. THONGAKHUL HAOKHULsu KHONGJAI HAO-na thugaai.

6. KHONGJAI HAO-na KHARAM PALLEN thugaaiduna nupi-nupaa 43 haatkhi.

7. 09-08-1918 da CHINGAKHAM SANAJAOBA kouba MEETEI meeyoi amabu KHONGJAI ngaaohalli, laan chaaothokhannaba insilli, thoudongngi haaiduna faai

8. MEETEI 7 su KHONGJAI HAO-na haatkhi.

9. Nongchup KHONGJAI LOIBON NINGTHOU nongmei-ga loinana faai.

10. Kaboram-dagi KHONGJAI NUNGTAAK NINGTHOU faarak-i.

11. 28-02-1919 da LAAN loire haaiduna SAHEB 2 sifaai 300 ga loinana hallak-i. KHONGJAI 100 faarak-i.

12. makhaa tana CHASAAT-tasu KHONGJAI khara faarak-i.

masida yaamna nungaairibadi CHINGAKHAM SANAJAOBA kouba laaioi-meeyoi touba (supernatural power leiba) MEETEI meeyoi amabu KHONGJAI ngaaohalli, laan chaaothokhannaba insilli, thoudongngi haaiduna 09-08-1918 da Burma-dagi faakhiba asini.

panba yaabadi- Imphal mayol-da mityeng thamlaga hourakpa KHONGJAI LAALHOU asimak mahaakna luchingnaba hotnarambani (intended to lead) haaibasini.

Palliba laan asi KHONGJAI khaktagi waarini. aduna KHONGJAI-singna CHINGAKHAM SANAJAOBA-bu mamal leina loufam thok-i. KHONGJAI LAAHOU-gi puwaari-gi HERO amadi CHINGAKHAM SANAJAOBA-ni.

CHINGAKHAM SANAJAOBA-gi maramda kharadangga haaiba yaabadi- mahaak asi manaai-masal-singga loinana MOIRANG-gi manaak nakpa KUMBI kouba mafamda leirambani. 1917 gi December-da forest toll loot touba amasung ITHAI-da leiba station loot toubada makok-maru oina yaaolji haaibasini.

abcd

https://shodhganga.inflibnet.ac.in/bitstream/10603/67910/16/16_appendix%20b.pdf

https://www.indiacode.nic.in/bitstream/123456789/4925/1/the_assam_official_language_act%2c_1960._0_recognized.pdf